ESTER 2:7 - Sura' Madatu

⁷ Iatu Mordekhai iamo ambe’ passarakna Hadasa, tu Ester pa’gantiananna, baine anakna pa’amberanna, belanna tae’mo indo’ ambe’na tu pia iato; na iatu anak dara iato melo garaganna sia maballo pantarisanna. Iatonna matemo tu indo’ ambe’na, naala anakmo Mordekhai.

ESTER 2:7 ပူးပေါင်းရင်းမြစ်များ

KADADIAN 48:5

Totemo iatu anakmu sola duai tu Efraim sola Manasye, tu dadi inde tondok Mesir kumane sae inde Mesir, anakku to pada Ruben na Simeon.

ESTER 1:11

kumua anna solanni tu Wasti, datu baine sae umpennoloi datu, ma’makota kadatuan, la umpa’pekitananni tu kamaballoanna lako mintu’ bangsa sia mintu’ arung, belanna ia misa’ to melo garaganna.

ESTER 2:15

Iatonna lambi’mi attunna tu Ester, anakna Abihail, pa’amberanna Mordekhai, tu unnala anakmo Ester, la tamamo umpennoloi datu, moi misa’ tae’ tu nakamorai sangadinna iapi tu apa napokada Hegai, to mase’ponna datu, to ma’kampa baine. Naalami penaanna mintu’ to untiroi tu Ester.

ESTER 2:20

Apa tae’ napa’peissananni Ester tu rapunna sia bangsana, susitu napasan Mordekhai lako kalena, belanna tontong natoe manda’ Ester tu mintu’ kadanna Mordekhai, susitonna diopa kalena.

ESTER 8:1

Iatonna allo ia bangsiamoto nasorongmi datu Ahasweros lako datu baine Ester tu banuanna Haman, ualinna to Yahudi, na iatu Mordekhai dadimo to marengke’na datu, belanna napa’peissanammo Ester tu diona kasirapuanna.

AYUB 31:17

ba’tu ussuak misa kandeku, anna tae’ nakandei pia biung pira

AYUB 31:18

– ondong pissan tempon mangurangku kupelobo’i, susina’ to misa’ ambe’ sia tempon dio mai’ pa’tambukanna indo’ku kunii ungkaduttu’i tu pia baine biung –

2 KORINTUS 6:18

sia angKu mendadi Ambe’mi, ammi dadi anakKu muane sia anakKu baine, susimoto tu kadanNa Puang tu Umpoissan angge maritik.

EFESUS 6:4

E mintu’ ambe’, da mipamasaki ara’ anakmi, sangadinna ada’i situru’ peada’ sia pa’pakilala lu dio mai Puang Matua.

1 YOHANES 3:1

Tiromi, tumbai kapuana tu pa’kaboro’ mangka Napa’kamasean Ambe’ lako kaleta, tapourungi disa’bu’ anakNa Puang Matua; susimoto tu diona kita. Iamo bannangna te, natae’ natandaiki’ te lino, belanna tae’ natandai tu Puang.