ESTER 2:23 - Sura' Madatu

²³ Iatonna diparessamo tu kara-kara iato, dilolongammi kumua tonganmo susito; disulami tu tau sola duai. Disura’mi te apa iate lan sura’ ossoranna datu dio olona datu.

ESTER 2:23 ပူးပေါင်းရင်းမြစ်များ

KADADIAN 40:19

Tallung allopi naangka’i Firaun tu ulummi, anna toke’i tu batang kalemi dio to’ kayu namintu’ manuk-mauk la sae ungkandei tu duku’mi!

KADADIAN 40:22

Apa iatu pangulu pa’kampa kande natoke’ susitu nabattuananninna Yusuf lako sola duai.

EZRA 4:15

kumua anna paressai tau lan sura’ ossoranna nene’ to dolona puang. Manassa la naapparan sia la nakabu’tui puang lan sura’ ossoran iato, kumua iate kota iate misa’ kota marittuk, sia umpadenan karugian mintu’ datu sia propinsi sia inang tempon diopa mai anna umpadenmo kamarukkan lan. Iamoto nadisanggang tu kota iato.

ESTER 10:2

Iatu mintu’ penggauranna tu tarompo’ sia mawatang sia kareba umpokada nasangi tu diona kataromposan, tu nanii datu umpakala’bi’ Mordekhai, tang tisura’moraka lan sura’ ossoranna mintu’ datu Media sia Persia?

ESTER 5:14

Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

ESTER 6:1

Bongi iato pa’demi tu tikkaru’du’na datu. Mesuami umpopebaai tu sura’ kapengkilalan, iamotu sura’ ossoran, anna basai tau iato mai dio olona datu.

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

MALEAKHI 3:16

Attu iato iatu mintu’ to ungkataku’ PUANG pada sipa’kada-kada, kumua: Napalan penaa sia Narangi PUANG sia dio oloNa den disura’ tu misa’ sura’ kapengkilalan, napomeloi tu to ungkataku’ PUANG sia umpakala’bi’ sanganNa.

YOSUA 8:29

Natoke’i tu datu Ai lako misa’ lentong; iatonna la lambunmo allo, mesuami Yosua unnalai tu batang rabukna dio mai lentong, anna pembassananni sikandappi’ to’ babangan kota; mangkato napabendannimi tau misa’ tombonan batu dao, tu dio sia, sae lako allo iate.