ESTER 2:18 - Sura' Madatu

¹⁸ Napadenammi datu misa’ pa’maruasan kapua tu mintu’ arungna sia to diala parea, iamotu pa’maruasan diona Ester, sia tae’ napopamaya’ simai tu propinsi sia untaa-taa pamengan sitinaya kakapuanna misa’ datu.

ESTER 2:18 ပူးပေါင်းရင်းမြစ်များ

KADADIAN 29:22

Narampunmi Laban tu mintu’ to ma’tondok, anna pogau’ pa’maruasan.

NEHEMIA 8:11

Sia ma’kadapa lako tau iato mai nakua: Malemokomi, ammi kandei tu apa mammi’ sia unniru’ apa matappa’ sia pantan ma’kada’pa lako minda-minda tu tae’ nasakka’, belanna maindan te allo iate lako Puangta; iamoto da namasussa penaammi, belanna iatu kaparannuan bannang dio PUANG Iamo pentirerungammi.

ESTER 1:7

Napatamami irusan bulaan tau tu apa dipa’pairusan, pantan sisengaran rupanna, na iatu uai anggoro’na datu sebo tongan, susi tu nasanga tau datu manna sipatu umpogau’i.

ESTER 9:22

belanna allo iamote tu nanii to Yahudi unnappa’ karapasan dio mai ualinna sia bulan iamote tu nanii kamasussan membali kaparannuan lako tau iato mai sia passanda bolongan membali misa’ allo pa’gauran, sia allo iato la dipadadi allo pa’maruasan sia kaparannuan, tu nanii tau pada sikada’pan sia umpa’bengan pa’kamase lako to mase-mase.

PA’TENDENG BALLO 3:11

Tassu’komi, e mintu’ anak dara Sion. Tiroi tu datu Salomo, ma’makota, tu napasongkoranni indo’na, tonna tidukun tama rampanan kapa’, tonna allo kasendeanna penaanna datu.

PA’TENDENG BALLO 5:1

– Saemo’ lako pa’lak bungangku, e adingku, e dodo’ sangkalamma’ku, kururukmo tu murungku sia pebangki’ku, kukandemo tu tallo’ merangku sola tani’ enoangku, kuiru’mo tu uai anggoro’ku sia pangandu’ku. E mintu’ sangmaneku, la kumandekomi sia mangiru’, sanabossami, e sangmane karra’ku.

MATIUS 22:2

Iatu Parenta Suruga dipasusi misa’ datu umpogau’ pa’maruasan umpopa’kapa’ anakna.

MARKUS 6:21

Nalambi’mi allo melo, tonna allo kadadianna Herodes napadenanni pa’maruasan tu to untoe parea kapua sia pangulu pa’baraninna sia to kapua dio Galilea.

LUKAS 14:8

Iake natambaiko tau lako pa’maruasan to ma’kapa’, da munii unno’ko’ tu kao’koran mala’bi’; den manii natambai tu mala’bi’na na iko.

KADA OMBO’ LAKO RASULU’ YOHANES 11:10

Mintu’ tu to untorroi kuli’na padang umpoparannui sia sende-sende sia siben ben apa, belanna iatu nabi sola duai umpakario-rio mintu’ to untorroi kuli’na padang.

KADA OMBO’ LAKO RASULU’ YOHANES 19:9

Nakuami lako kaleku: Sura’i susite: Maupa’ tu mintu’ to ditoratu lako pa’maruasan rampanan kapa’Na Anak domba iato. Ma’kadami lako kaleku, nakua: Iamote tu kadanNa Puang Matua, tu kada tongan.

1 SAMUEL 25:8

Melo mipekutanan tu iannato lako taummi, manassa napokada tau iato mai lako kalemi. Iamoto melo ke umpa’pekitanangkomi pa’kamaseammi lako tau iato mai, belanna saekanni ussitammuangkomi lan attu melo. Benni dikka’ te kaunanmi sia Daud, anakmi, padami narurunna limammi.