ESTER 1:6 - Sura' Madatu

⁶ Kulambu lenang, wol sia sampin lango-lango dipori ulang lenang sia sampin lango-lango makaseda, tu dipale’ke’ dio kapukan salaka, tu dio lentong marmar mabusa; na ba’tu pira-pira inan mamma’ bulaan sia salaka dipatorro diong sali marmar maido sia marmar mabusa, sia batu mattiarra sia batu sanda rupanna.

ESTER 1:6 ပူးပေါင်းရင်းမြစ်များ

ESTER 7:8

Iatonna tibalikmo tu datu lan mai pa’lak tongkonan layuk tama bilik nanii mangiru’ anggoro’, lumbangmi tu Haman rokko bale-bale, tu nanii Ester mamma’-mamma’. Ma’kadami tu datu nakua: La morai dukako unggau’ sala datu baine lan tongkonan layukku! Iatonna tassu’mo te kada iate dio pudukna datu, nabungku’mi tau tu lindona Haman.

ESTER 8:15

Tassu’mi tu Mordekhai ma’pake pakean kadatuan ma’rupa lango-lango sia lenang, ma’tali bulaan sia ma’bayu lamba’ lenang mellong sia lango-lango makaseda. Siarrakammi sia parannu-rannumi tu mintu’ to lan Susan.

KATASSURAN 26:1

Iatu kema iato la mugaragan kulambu sangpulo lamba’na; iamotu bannang lenang melo dikaridi’ sia bannang ma’rupa lango-lango sia lango-lango makaseda sia karamisi; iatu sampin iato la mutannun melo tongan sia la mupopa’ karubion lan.

YEHEZKIEL 23:41

Sia unno’ko’ko dio inan mamma’ ballo, sia sakka’mo tu meda dio tingayo inan mamma’ iato, tu munii umpatorro dupaKu sia minna’Ku dao.

AMOS 2:8

Umbambangan kalena mamma’ diong pakean ditoe dio to’ la’pekna mintu’ inan pemalaran sia unniru’ uai anggoro’na to didosa lan banuanna kapenombanna.

AMOS 3:12

Inde sia tu kadanNa PUANG Nakua: Susi ke misa’ to manglaa unnalai da’dua buku bi’ti’ ba’tu sangira’ talinga lan mai sadang singa, susi dukato tu to Israel la dirampanan, iamotu to torro dio Samaria, tu unno’ko dao tetuk inan katindoan sia dao sambo malamma’na bale-bale.

AMOS 6:4

E kamu, tu matindo dao inan katindoan gading, sia melundan-lundan dao bale-balemi, sia ungkande anak domba dio mai tuntunan domba sia anak sapi lan mai lantang sapi.

1 SAMUEL 28:23

Apa manoka, nakuami: Tae’ angku la kumande. Nanaran-naranmi taunna sola baine iato tu datu, pakalan naturu’mi, anna malimbangun diong mai padang anna unno’ko’ dao inan mamma’.