ESTER 1:17 - Sura' Madatu

¹⁷ Belanna iatu gau’na datu baine iate la kaleleammo lako mintu’ baine, naurungan sayuammo tu mai muanena dio pentirona, ke ma’kadai tu tau nakua: Napa’parentan datu Ahasweros tu Wasti, datu baine, la umpennoloi, apa tae’ nasae.

ESTER 1:17 ပူးပေါင်းရင်းမြစ်များ

2 SAMUEL 6:16

Iatonna rampomo tu pattinNa PUANG tama kotana Daud, ta’kala mentiromi tu Mikhal, anakna Saul, dao mai pentiroan banuanna. Iatonna tiromi tu datu Daud tumbang-tumbang sia unnondo dio oloNa PUANG, nasayumi lan penaanna.

EZRA 4:6

Sia iatonna ma’parenta Ahasweros, lan pamulanna kaparentanna, nagaragami tau iato mai misa’ sura’ la umparapa’i tu to Yehuda sia to Yerusalem.

ESTER 1:16

Ma’kadami tu Memukan dio olona datu sia iatu mintu’ arung, nakua: Iatu Wasti, datu baine, salamo, tae’ nalako manna datu, sangadinna lako mintu’ arung sia mintu’ bangsa, tu ma’tondok lan mintu’ propinsi, parentana datu Ahasweros.

ESTER 1:18

Randuk allo iate iatu mintu’ bainena arung to Persia, sia to Media, ke narangii tu gau’na datu baine iato, manassa la ma’kada susite lako mintu’ arungna puangku, naurungan tang dipura tu kadibe’sean sia kasengkean.

EFESUS 5:33

Anna moi susito, sipatu tongankomi pantan la umpakaboro’ bainemi susi kamu umpakaboro’ kalemi; sia iatu baine la ungkasiri’ muanena.