ESTER 1:12 - Sura' Madatu

¹² Apa mengkailing tu Wasti, datu baine, unturu’ parentana datu la sae mennolo, susitu naparampoanni to mase’ponna datu. Attu iato liu ara’mi tu datu na iatu kasengkeanna dukku-dukku tongan.

ESTER 1:12 ပူးပေါင်းရင်းမြစ်များ

KADADIAN 3:16

Nama’kada Puang lako tu baine: La Kupakerangngan lako kalemu tu kamasussan ke ma’tambukko, la mapa’di’ko ke la kianakko, sia la mamali’ko lako muanemu anna parentako.

ESTER 1:11

kumua anna solanni tu Wasti, datu baine sae umpennoloi datu, ma’makota kadatuan, la umpa’pekitananni tu kamaballoanna lako mintu’ bangsa sia mintu’ arung, belanna ia misa’ to melo garaganna.

ESTER 1:13

Ma’kadami tu datu lako mintu’ to paissan tu unnissanni tu attunna, belanna susimoto tu kabiasan la umparampo a’ganna datu lako to untandai atoran sia salunna.

ESTER 7:7

Ke’de’mi tu datu re’dek ara’na, nasoro’i mangiru’ anggoro’, namale tama pa’lak tongkonan layuk; apa iatu Haman torro bendan la umpengkamoyan sunga’na lako datu baine Ester, belanna natandaimo, kumua manassamo tu kasanggangan lako kalena dio mai datu.

PA’PUDIAN 74:1

Misa’ gelong bangunan ada’na Asaf. O Puang Matua, apa bannangna amMi tibemorakanni tontong sae lakona? Sia apa bannangna anna re’dekra tu ara’Mi lako mintu’ domba Miparibala?

PA’PUDIAN 79:5

Sangapapira, o PUANG? La tontong bangraka tu kasengkeamMi? Sia iatu kapangimburuamMi la ma’pamampu’raka susi api?

KATASSURAN 32:19

Iatonna reke’mi tu to’ tenda sia iatonna tiromi tu anak sapi sia iatu to buda tumbang-tumbang re’dekmi ara’na tu Musa, anna pentibeanni tu papan da’dua, natesse-tessei diong se’pon tanete.

KATASSURAN 32:22

Nakuami Harun: Da natarru’ re’dek ara’na puangku; mitandaimo tu a’ganna bangsa iate kumua umparri-parri kakadakean.

SARAMBU PEADA’ 19:12

Iatu kasengkeanna datu susito burrungna singa mangura, apa iatu kamasokananna susito ambun dio to’ riu.

SARAMBU PEADA’ 20:2

Iatu pa’garrakna datu susito burrungna singa mangura, minda-minda untengkai, tang ungkatirinnai katuoanna.

DANIEL 2:12

Tete dio tu iannato napobannangi sengke tongan tu datu sia re’dek ara’na, anna mesua umpatei tu mintu’ to paissan dio Babel.

DANIEL 3:13

Sengkemi tu Nebukadnezar sia re’dek tongan ara’na, namesua unnalai tu Sadrakh, Mesakh sia Abednego. Nabaammi tau tu tau sola tallu umpennoloi datu.

DANIEL 3:19

Attu iato nakabu’mi kare’dekanna ara’na tu Nebukadnezar, sia bali’ tu rupanna sengke lako Sadrakh, Mesakh, na Abednego; mebalimi sia mesua la umpemalassui tonganni tu dapo’ pempitu manglokkon tu malassunna na iatu biasanna.

NAHUM 1:6

Minda la unnattai bendan dio olo katorrong-torronganNa? Mindara la umpatananni tu kasengkean ma’lana-lananNa? Iatu kare’dekan ara’Na tibarrak susi api sia iatu mai buntu batu tesse-tesse dio oloNa.

EFESUS 5:22

E kamu mintu’ baine, la tundukkomi lako muanemi susi lako Puang,

EFESUS 5:24

Iamoto, umba nakua tu kombongan tunduk lako Kristus, susi dukamoto tu mintu’ baine tunduk lako muanena lan mintu’na.

PA’TOLE 29:20

manassa tae’ namorai tu PUANG umpagarri’i tu kasalanna tau iato, sangadinna iatu kare’dekan ara’Na PUANG sia kanokanNa ditimba oloNa dukku urrampoi tu tau iato; iatu mintu’ pa’tampak ropu, tu disura’ lan sura’ iate la unta’pai sia PUANG la umpa’dei tu sanganna lan nasambo langi’.

1 PETRUS 3:1

Susi duka kamu, e mintu’ baine, la tundukkomi lako muanemi siamo, dikua iake denni umbali-balii tu kada iato, ma’din natalo kedona bainena, moi tae’ nama’kada,