ESTER 1:11 - Sura' Madatu

¹¹ kumua anna solanni tu Wasti, datu baine sae umpennoloi datu, ma’makota kadatuan, la umpa’pekitananni tu kamaballoanna lako mintu’ bangsa sia mintu’ arung, belanna ia misa’ to melo garaganna.

ESTER 1:11 ပူးပေါင်းရင်းမြစ်များ

2 SAMUEL 14:25

Lan mintu’ tondok Israel moi misa’ tau tae’ kalelean kameloanna, susi Absalom; randuk diong mai pala’ lette’na sae langngan botto ulunna, tae’ sayuanna.

ESTER 1:12

Apa mengkailing tu Wasti, datu baine, unturu’ parentana datu la sae mennolo, susitu naparampoanni to mase’ponna datu. Attu iato liu ara’mi tu datu na iatu kasengkeanna dukku-dukku tongan.

ESTER 2:17

Mandumi nakamali’ datu tu Ester na iatu baine senga’, naurunganni nakamasei sia napakaboro’ datu losong na iatu mintu’ anak dara senga’, iamoto napasarongi datu makota kadatuan, anna tokkoi datu baine, ussonda Wasti.

ESTER 6:8

La nabaa tau tu pakean kadatuan, tu biasa datu kalena umpakei sia misa’ darang, tu biasa datu kalena ussakei, tu dibeloi makota kadatuan ulunna.

SARAMBU PEADA’ 16:9

Iatu penaanna tolino untangnga’-tangnga’ lalanna, apa PUANG unnato’i tu tengkana.

SARAMBU PEADA’ 31:30

Iatu kamaballoan pa’kaleanna misa’ baine ma’pakena sia iatu kameloan pantarisanna tae’ gai’na, apa misa’ baine ungkataku’ PUANG, iamo sipatu dipudi.

1 SAMUEL 25:3

Iatu tau iato disanga Nabal, na iatu bainena disanga Abigail. Iatu baine iato ma’tangnga’ kinaa sia melo pantarisanna, apa iatu muanena makarra’ penaanna sia kadake kedona; sia ia misa’ to Kaleb.