ESTER 1:10 - Sura' Madatu

¹⁰ Iatonna allo ma’pempitu, parannumi tu penaanna datu napobua’ anggoro’, anna mesua lako Mehuman, Bizta, Harbona, Bigta, Abagta, Zetar na Karkas, pitui tu to mase’ponna datu, tu umparakai datu Ahasweros,

ESTER 1:10 ပူးပေါင်းရင်းမြစ်များ

KADADIAN 43:34

Naangka’mi tau tu pa’sanduk dio mai olona Yusuf lako tingayona tau iato mai, apa iatu sandukanna Benyamin pellima losongna na iatu sandukanna to senga’. Mangiru’mi tu tau iato mai sola, sia sende-sende.

2 SAMUEL 13:28

Nasuami Absalom tu taunna susite: Manta-manta meloi, iake parannu-rannumi penaanna Amnon napobua’ anggoro’, angku kuai lako kalemi: patei tu Amnon, manassa la mipatei; da mimataku’, belanna aku ussuakomi. Iamoto la umpabatta’komi penaammi sia baranikomi.

ESTER 1:9

Ia duka tu Wasti, datu baine, umpogauran pa’maruasan mintu’ baine lan tongkonan layukna datu Ahasweros.

ESTER 3:15

Male nasangmi tu mintu’ pambaa sura’ malinta’ lumingka umpakasia’ tonganni unturu’ parentana datu, sia dipa’peissanan lan kota benteng Susan tu atoran iato. Sia iatonna marassan tu datu sola Haman ma’dokko mangiru’, narampoimi kamaramban tu kota Susan.

ESTER 7:9

Ma’kadami tu Harbona, misa’i to mase’ponna datu tu lan diamanna, nakua: Ondongpi tiro dukai tu lentong mangka nagaragai Haman la napassulai Mordekhai, tu mangka umpokada kameloanna datu bendanmo sikandappi’ banuanna Haman, limangpulo siku langka’na. Ma’kadami datu nakua: Sulai tu Haman dao.

SARAMBU PEADA’ 20:1

Iatu anggoro’ sangtinti to patelle-telle sia iatu melangona ke diiru’i mongngo’ bang, minda-minda unturusanni tae’ nakinaa.

SARAMBU PEADA’ 31:4

Tang sipatu tu mai datu, e Lemuel, tang sipatu tu mai datu, ke pa’anggoro’i, sia iatu mai to paa ungkaduangi pangiru’ palango,

TOMANGADA’ 10:19

Napogau’mo tau tu pa’maruasan, anna poparannui penaanna, sia iatu uai anggoro’ umpamarua’ katuoanna tau, sia iatu doi’ umpadenni tu mintu’nato.

TO PARENGNGE’ 16:25

Iatonna marassan parannu-rannu tu tau iato, ma’kadami nakua: Tambai mai tu Simson, anna popetaaki’. Mesuami unnalai tu Simson lan mai pa’tarungkuan, anna popetaai tu tau iato mai; napake’de’mi lan tangnga lentong.

TO PARENGNGE’ 19:6

Unno’ko’mi sola duai anna kumande sia mangiru’. Nama’kada tu ambe’na baine mangura iato lako tinde muane nakua: Melo ke mipasiolapi te ammi torropa ma’bongi anna parannu tu penaammi.

RUT 3:7

Iatonna mangkamo tu Boas kumande sia mangiru’ sia parannumo tu penaanna, malemi umbambangan kalena dio to’ garonto’ patuku. Napela’-pela’mi tu Rut sae, nabungka’i tu parramba’ diong to’ lentekna, anna mamma’ dio.