ESTER 1:1 - Sura' Madatu

¹ Iatonna linona Ahasweros, iamotu Ahasweros, tu umparenta saratu’ duangpulo mpitu propinsi, randuk dio India sae lako Etiopia,

ESTER 1:1 ပူးပေါင်းရင်းမြစ်များ

EZRA 4:6

Sia iatonna ma’parenta Ahasweros, lan pamulanna kaparentanna, nagaragami tau iato mai misa’ sura’ la umparapa’i tu to Yehuda sia to Yerusalem.

ESTER 10:1

Napakannaimi sima datu Ahasweros tu tondok menggantananna sia iatu tondok ma’biring tasik.

ESTER 2:3

Iamoto la naangka’ puangku tu ba’tu pira-pira to diala parea lan mintu’ propinsi kadatuanna puangku, tu la urrampun mintu’ anak dara, maballo pantarisanna tama kota benteng Susan lan banua baine, tu napenniroi Hegai, to mase’ponna datu, tu to ma’kampa baine. Indeto dinii umbenni tu apa napake umballoi kalena.

ESTER 8:9

Attu ia dukato tonna allo ma’duangpulo ntallu bulan ma’pentallunna – iamotu bulan Siwan – ditambaimi tu to massura’na datu, anna sura’i tu mintu’ apa napa’pepasanan Mordekhai, diparampo lako to Yahudi sia lako tomaraa lompo sia lako tomaraa sia lako arungna propinsi, randuk dio mai India sae lako Etiopia den saratu’ duangpulo mpitu propinsi, pantan simisa’ propinsi disura’ lan passura’na sia simisa’ bangsa disura’ lan basana, susi duka lako to Yahudi lan passura’na sia lan basana.

ESTER 9:30

Umpakatumi sura’ lako mintu’ to Yahudi lan saratu’ duangpulo mpitu propinsi kadatuanna Ahasweros tu nanii passalama’ sia kada kamarurusan,

YESAYA 18:1

A’a dikka’ tu tondok naba’bakki kasisi’, tu nabala salu Etiopia,

YESAYA 37:9

Narangimi tu kadanna tau diona Tirhaka, datu Etiopia, kumua: tassu’mo la sirari puangku. Iatonna rangimi tu kada iato, nasuami tu sumbungan puduk lako Hizkia, umpokadai nakua:

DANIEL 11:2

Totemo la kupokadangko tu kamanapparan. Manassa tallupa tu datu la bendan lan Persia na iatu to ma’penna’pa’na la kapuapa kasugiranna na iatu mintu’ senga’na, sia iake matoto’mi tete dio kasugiranna, la napatiangka’ tu mintu’na ullaoi tu kadatuan Yunani.

DANIEL 6:1

Mangkato natarimami Darius, to Media, tu kadatuan, tonna annanmo pulona ndua taunna.

DANIEL 9:1

Iatonna taun pamulanna kaparentanna Darius, anakna Ahasweros, bati’ to Media, tu mendadi datu undatui to Kasdim,