DANIEL 9:6 - Sura' Madatu

⁶ Sia tae’ kiperangii tu mai taumMi, iamotu mai nabi, tu ma’kada tete dio sangamMi lako mintu’ datungki, mintu’ arungki, mintu’ nene’ to doloki sia lako mintu’ tau lan tondok.

DANIEL 9:6 ပူးပေါင်းရင်းမြစ်များ

2 DATU 18:12

Belanna tae’ naperangii tau iato mai tu PUANG, Kapenombanna, sangadinna natengkai tu basseNa; iamotu mintu’ apa Napepasanan lako Musa, taunNa PUANG; tae’ naperangii sia tae’ napogau’i.

2 OSSORANNA DATU 33:10

Ma’kadamo tu PUANG lako Manasye sia lako taunna, apa tae’ naperangii.

EZRA 9:7

Randuk dio mai linona nene’ todoloki sae lako allo iate tonangkan lan sala kapua sia belanna kakadakeangki, angki disorong la kami la mintu’ datungki la mintu’ tominaangki tama kuasanna datunna tondok iato mai, la nakande bassi mataran sia la dipali’ sia la dipangrampai sia la ditoding siri’ susite totemo.

NEHEMIA 9:30

Masai allomoKomi kalando pesuka’ lako tau iato mai sia Miada’i tete dio PenaamMi nalopian nabimMi, apa tae’ natananni talinga tu dionato. Attu iato Misorongmi tu tau iato mai tama limanna ba’tu pira-pira bangsa dio lu tondok iato.

NEHEMIA 9:32

Totemo, o Kapenombangki, Kapenomban pasareongan, mawatang sia dikabangnga’, tu ungkaritutui basse sia kamasokanan, da Misanga maringanni tu mintu’ kamandasan urruakanni, la datungki la pangulungki, la tominaangki la nabingki la nene’ todoloki sia mintu’ taumMi, randuk dio mai linona datu Asyur sae lako allo iate.

NEHEMIA 9:34

Iatu mai datungki sia pangulungki sia to minaangki sia nene’ to doloki tae’ nakariritui tu sukaran alukMi sia tae’ napalan penaai tu pepasanMi sia iatu pa’pakilala tu Mipokadanni.

YEREMIA 26:5

sia tae’ miperangii kadanNa taungKu iamotu mai nabi tu Kusua lako kalemi, ke makale’ sia ke karoen, natae’ miperangii,

YEREMIA 29:19

Belanna tae’ naperangii tau iato tu mintu’ kadangKu, kadanNa PUANG, tu Kusuan nabi, taungKu, umpokadanni, ke makale’ sia ke karoen, apa tae’ miperangii, kadanNa PUANG.

YEREMIA 44:16

Iatu kada mipokada lako kaleki tete dio sanganNa PUANG, tae’ kila umperangii.

YEREMIA 7:13

Totemo, belanna mipogau’ te mintu’ penggauran iate, kadanNa PUANG, sia Kupa’kadaikomi, ke makale’ sia ke karoen, apa tang miperangii sia Kukambaroangkomi, apa tae’ bang mimebali.

YEREMIA 7:24

Apa tang ma’perangi tu tau iato mai, sia tae’ napalidanni talinga, sangadinna makarra’ bang unturu’ lalan penaa kadakena; iatu tau iato mai sorong boko’, tae’ namennolo,

DANIEL 9:10

sia tang umperangiimokan gamaranNa PUANG, Kapenombangki, sia tang unturu’mokan sukaran aluk, tu mangka Nabenkan nalopian mintu’ taunNa, iamotu mai nabi.

DANIEL 9:9

Dio ia Puang, Kapenombangki, tu kamamasean sia kama’pagarrisan, moi angki pabali-balimo lako Kalena,

MATIUS 23:37

E Yerusalem, Yerusalem, tu umpatei tu mai nabi sia untumbui batu mintu’ to disua lako kalemu. Ba’tu pempiranMo’ la morai urrampun anakmu, susi indo’ manuk urrampun anakna lan to’ pani’na, apa manokakomi.

PENGGAURANNA RASULU’ 13:27

Belanna iatu to dio Yerusalem sola tu mai pangulunna, tae’ natandai tu Yesu, sia naukung na susito nasundunnimo tu kadanna nabi tu dibasanni ke allo katorroanomi.