DANIEL 9:5 - Sura' Madatu

⁵ Kasalammokan sia patodo tinting, tang mekaalukmokan sia pabali-bali; untanannimokan boko’ pepasanMi sia atoramMi.

DANIEL 9:5 ပူးပေါင်းရင်းမြစ်များ

2 DATU 18:12

Belanna tae’ naperangii tau iato mai tu PUANG, Kapenombanna, sangadinna natengkai tu basseNa; iamotu mintu’ apa Napepasanan lako Musa, taunNa PUANG; tae’ naperangii sia tae’ napogau’i.

2 DATU 21:15

Belanna napogau’mo tau iato mai tu apa kadake dio pentiroKu sia tontong umpa’dikki penaangKu randuk dio mai allo katassuranna nene’ to dolona lan mai tondok Mesir sae lako allo iate.

EZRA 9:6

sia ma’kadana’ kukua: O Kapenombangku, masiri’na’ sia maila’na’ mentingara lako Kalemi, o Kapenombangku, belanna iatu kakadakeangki kendekmo ussamboi ulungki sia iatu kasalangki sumpumo langngan langi’.

PA’PUDIAN 106:6

Mangkamokan kasalan susito doloki, sia umpogau’mokan kakadakean sia tang mekaalukmokan.

PA’PUDIAN 119:102

Tae’ angku sepang len dio mai mintu’ atoramMi, belanna Kamu tu mangka umpatuduna’.

PA’PUDIAN 119:176

Pusamo’ susi domba natampe solana, daka’i te taumMi; belanna tae’ angku kalupai tu mai pepasanMi.

PA’PUDIAN 18:21

Napapatuimo’ PUANG sitinaya kamaloloangku, sia Napapakkannina’ sitinaya kamasero-pindananna limangku.

YESAYA 53:6

Pusamiki’ sola nasang susi domba, pantan unnula’moki’ lalanta, apa mintu’ kakadakeanta Napalulako PUANG TaunNa.

YESAYA 59:13

palutu tombangmoki’ sia umpeongannimiki’ PUANG sia sepangmoki’ dio mai Kapenombanta, umpokadamoki’ diona pa’pakario-rio sia sorong boko’ untannun sia umpasun kada mo’rang.

YESAYA 64:4

Tempon dio mai tae’ anna rangi lenni tau ba’tu tama talinga sia tae’ natiroi mata tu misa’ Kapenomban senga’ anna Kamu, tu sae umpalalao pa’tunduan lako to untayanNi.

YEREMIA 14:20

O PUANG, kitandaimo tu katangmekaalukangki sia kakadakeanna nene’ to doloki, kumua kasalammokan lako Kalemi.

YEREMIA 14:7

Moi anna iatu kakadakeangki bendan titanan sa’bi unneakan, o PUANG, pogau’i tu iannato diona sangamMi. Belanna tarru’ memboko’mokan, sia lako Kalemi kinii kasalan.

YEREMIA 3:25

La malimungkukan mamma’ nakabu’ siri’ki sia nasamboikan kaditattangki, belanna kasalammokan lako PUANG, Kapenombangki la kami la mintu’ nene’ to doloki, randuk dio mai mangurangki sae lako allo iate sia tae’mo kiperangii tu gamaranNa PUANG, Kapenombangki.

YEREMIA 30:14

Tang nakilalaimoko mintu’ muane pa’kaboro’mu, tae’mo napekutanan lenko. Kupakario-rioko susi uali ma’pakario-rio, susito tang mamase ma’pa’dikki, belanna kakapuanna kakadakeammu sia lendu’ budanna kasalammu.

YEREMIA 44:3

natumang kakadakeanna tau iato mai, tu napogau’ la umpa’dikki penaangKu, belanna male memala’ sia mengkaola lako kapenomban senga’, tu tae’ lenpa natandai, iamotu tau iato mai, la kamu la nene’ to dolomi.

BATING 1:18

Iatu PUANG malambu’, belanna pabali-balimo’ unnea kadanNa. Perangii, e mintu’ bangsa, sia tiroi tu kamapa’dirangku, mintu’ tu baine malolle’ dio kaleku sia pia muane malolle’ku male nasangmo dipali’.

BATING 1:20

Tiroi, o PUANG, tu kapussakangku; iatu ba’tengku naponnoi kamagiangan, sia iatu penaangku tibaliang lan ara’ku, belanna tarru’ pabali-balimo’. Dio lu salian iatu pa’dang ma’patamanang, nalan lu banua den ropu.

BATING 3:42

Salamokan sia pabali-balimokan, apa tae’ Mima’pagarri’.

YEHEZKIEL 5:6

Apa tang mekaaluk umbali-bali atorangKu losong na iatu mintu’ bangsa sia umbali-bali apa Kupondok losong na iatu mintu’ tondok tiku lao, belanna natibemo tau iato mai tu atorangKu sia tae’mo nalolang unturu’ mintu’ apa Kupondok.

YEHEZKIEL 6:9

Attu iato la mikilalaiNa’ tu mintu’ to tilendokmi dio lu mintu’ bangsa, tu dinii umpali’ tau iato mai, ke Kupabonnongmi tu penaa pasandak salunna, tu memboko’mo dio mai Kaleku, sia Kutessemo matanna, tu ma’penunu lako rapang-rapang dipodeatanna la ma’gau’ sala; la ungkagi’gi’ kalena tu tau iato mai napobua’ gau’ kadakena, tu mangka napogau’, tonna parri-parri tu apa megallianna.

DANIEL 9:11

Ondongpi mintu’na to Israel untengkaimo Sukaran alukMi sia memboko’mo, belanna tae’ naperangii tu gamaramMi. Iamoto anna dibarrakan lako kaleki tu tampak ropu, tu diarra’i sumpa, tu mangka disura’ lan Sukaran alukna Musa, taunNa Puang Matua, belanna kasalammokan lako Kalena.

DANIEL 9:15

Tonganna, o Puang, Kapenombangki, tu mangka ussolan taumMi tassu’ lan mai tondok Mesir tete dio lima mawatang sia iatu umpakalelean sangamMi, susi allo iate, kasalammokan sia tang mekaalukmokan.

DANIEL 9:9

Dio ia Puang, Kapenombangki, tu kamamasean sia kama’pagarrisan, moi angki pabali-balimo lako Kalena,

HOSEA 1:2

Inde sia tu bunga’ kadanNa PUANG nalopian Hosea. Ma’kadami PUANG lako Hosea, Nakua: Maleko, muala misa’ baine kadake gau’ sia pia dadi dio mai gau’ sala, belanna lendu’ ia gau’ salana tu tondok sia memboko’mo dio mai PUANG.

MALEAKHI 3:7

Randuk dio mai linona nene’ to dolomi, miboko’imo tu apa Kupondok sia tae’mo mikaritutui. Sulemokomi lako Kaleku, angKu sule duka lako kalemi, kadanNa PUANGna mintu’ ma’dandan maritik. Apa mikuaora: Bannang apara angki la sule?

IBRANI 3:12

Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;