DANIEL 9:27 - Sura' Madatu

²⁷ Sia la napamabanda’ tu basse lako buda tau lan sangminggu; iatonna ma’tangngana minggu la napa’dei tu pemala’ pangrere’ sia iatu kande dipemalaran; anna dao pani’ megi’giran la sae tu misa’ to ma’kasanggang sia manassa la nasanggang sae lako tappunna, sia iatu apa dipamanassa la dibarrakan dao apa sanggang.

DANIEL 9:27 ပူးပေါင်းရင်းမြစ်များ

YESAYA 28:15

Belanna ma’kada nakua: Sibassemokan kamatean sia unnarra’ kada sola lino tomate, moi anna buda tongan tu peada’ masarrang urrampoi tu mai mintu’ tau, tae’ sia anna la ullambi’kanni, belanna iamotu kamorangan kipopentirerungan sia iamotu kakalando-pa’duan kipembunii.

YESAYA 28:22

Kilalai, da mimangelle’, da ammi arra’i polei tu pungomi; belanna kurangimo dio mai Puang PUANGna mintu’ ma’dandan maritik, kumua den kasanggangan – sia tang podo’mo – la urrampoi mintu’ padang iate.

YESAYA 42:6

Akumo, tu PUANG, tu mangka untambaiko situru’ kamaloloan, Kutoe tu limammu sia Kurinding pala’ko, sia Kupatulangdanko mendadi misa’ basse lako bangsa iato sia napomasiang mintu’ sangpetayanan;

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

YESAYA 55:3

Tananni talinga, maikomi perangii, anna tuo tu deatammi; la untananNa’ basse matontongan lako kalemi; mintu’ tanda pa’kamasean tang tilelukKu lako Daud.

YEREMIA 7:30

Belanna iatu bati’na Yehuda umpogau’ kadake dio pentiroKu, kadanNa PUANG; iatu apa megallian napalanmo banua, tu mangka dinii unggente’ sangangKu, anna ruttakki.

DANIEL 11:31

Sia la napake’de’ tu ba’tu pira-pira surodadu, anna ruttakki tu inan maindan, iamotu tambakuku, sia la naputtai bang tu pemala’ allo-allo sia napabendanni tu apa megallian, tu ma’kasanggang.

DANIEL 11:36

Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

DANIEL 12:11

Randuk dio mai pemala’ nenne’ bang kiallo-kiallo dipa’dei sia dipabendan tu apa megallian ma’kasanggang, den sangsa’bu dua ratu’ ngkasera pulona allona.

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

DANIEL 8:13

Kurangimi tu misa’ to masero ma’kada, namisa’ to masero senga’ ma’kada lako tu to mangkamo ma’kada nakua: La sangapa dadi tu apa ditiro lan patiro mendeata iate, diona tu pemala’ allo-allo sia kapatodo-tintingan metakuran, inan maindan tae’ nadipamaindan sia iatu ma’dandan maritik dilullu’.

HOSEA 3:4

Belanna iatu to Israel la masai torro tang didatui, tang diarungi, tang memala’ sia tae’ batu dipodeatanna, tae’ epo’na ba’tu balo’ taunna.

KADIBILANGAN 7:62

sia misa’ dolong-dolong bulaan sangpulo sikele’ timbanganna ponno dupa diong;

MATIUS 24:15

Iamoto, iammi kitami tu kamaparrangan megi’giran tu umpabu’tu kasanggangan bendan dio inan masero, susitu napokada nabi Daniel minda-minda tu umbasai natangnga’ mandalanni –

MATIUS 26:28

Belanna iamote tu raraKu, rara titanan basse ba’ru, tu dipato’do belanna buda tau, napotete kadipa’deian kasalan.

MATIUS 27:51

Pakalan natipa’duamo tu kulambu lan Banua Kabusungan, tempon dao mai sae rokko; sia tiseno-seno tu padang; sia iatu mai buntu batu silalla-lalla.

MARKUS 13:14

Iammi kitai tu kamaparrangan megi’giran tu umpabu’tu kasanggangan, bendan dio inan tang sipatu – minda-minda tu umbasai natangnga’ mandalanni – ianna attu iato la mallai langan tanete tu to dio tana Yudea.

LUKAS 21:20

Iammi tiromi tu Yerusalem natalimbung tama to parari, iato attu iato la miissan, kumua mandappi’mo kasangganganna.

LUKAS 21:24

sia kasengkean lako te tau sia la mate nakande pa’dang mataran sia dirampa nadibaa lako mintu’ rapunna tau sia iatu Yerusalem la nasilullu’i to kapere’ sae lako kasundunanna allona tu to kapere’.

ROMA 11:26

Na susito la dipamakarimman nasang tu mintu’ to Israel, susitu disura’ nakua: Dio mai Sion la Nanii sae tu Pela’bak; Iamo la umpale mintu’ kakelokan dio mai Yakub.

ROMA 5:15

Apa iatu pa’kamaseanNa Puang Matua tae’ nasusi katobangan tama kasalan. Apa iake budami tau mate diona kasalanna misa’ tau, ondong pissanpi tu pa’kamaseanNa Puang Matua sia pamengan napabu’tu pa’kamaseanNa misa’ Tau, iamotu Yesu Kristus malleanmo lako buda tau.

ROMA 5:19

Belanna susitu diona katangmengkaolanna misa’ tau, nabuda tau bendan dipopendadi to kasalan, susi dukamoto tu belanna kamengkaolanna Misa’ Tau, anna bendan tu budanna tongan dipopendadi to malolo.

IBRANI 9:28

susi dukamo Kristus, tonna mangkamo pissan dipemalaran la ullendokan kasalanna to buda, anna iake ma’penduannami, tang untanggungmo kasalanna tau, anNa tiroi mintu’ to untayanNi la napomakarimman.