DANIEL 9:26 - Sura' Madatu

²⁶ Sia iake lendu’mi annan pulona ndua minggunna la diputtai tu misa’ to ditokko, moi tae’ apa naposala; sia iatu taunna misa’ arung, tu la sae, la ussanggang kota sia inan maindan, apa ma’katampakanna la nasamboi uai saba’; sia sae lako ma’katampakanna la den kasirarian, iamotu kasanggangan, tu mangka dipamanassa.

DANIEL 9:26 ပူးပေါင်းရင်းမြစ်များ

2 SAMUEL 21:5

Nakuami tu tau iato mai lako datu: Iatu to ussanggangkanni sia ma’tangnga’ la ussabu’ikan, kiurunganni tang sumalimbayo lan lu mintu’ lili’na Israel –

PA’PUDIAN 22:15

Aku te butungna’ uai tibollo, sia iatu mai bukungku silesangan; sia ia duka tu penaangku butung to panti’, lollo’ lan ba’tangku.

YESAYA 28:2

La bu’tu dio mai Puang tu misa’ to matoto’ sia lalong, susito uran batu ma’kalle’dang-le’dang sia bara’ mesanggangi, susi uai saba’ mariak anna kabu’i tu mintu’na sia napemparrakan rokko padang.

YESAYA 28:22

Kilalai, da mimangelle’, da ammi arra’i polei tu pungomi; belanna kurangimo dio mai Puang PUANGna mintu’ ma’dandan maritik, kumua den kasanggangan – sia tang podo’mo – la urrampoi mintu’ padang iate.

YESAYA 53:8

Diendekan lan mai kadipakario-rioan sia lan mai pa’paolaian salu, na iatu mintu’ tau tonna linona, mindara tu umpalanni penaanna, kumua disu’pii lan mai tondok to tuo? Belanna salana mintu’ taungKu, anna lu lako kalena tu kamaparrisan.

YESAYA 8:7

iamoto manassa la Napatu’ba’i Puang uai Salu pua, luang sia mandirri’ tu tau iato mai, iamotu datu Asyur sola mintu’ kamala’biranna, tu la ullempa’i pa’kalobangna sia ulleanni panampona.

YEREMIA 46:7

Mindara ia tu saba’ susi salu Nil sia mongngo’ susi salu darra’?

YEREMIA 51:42

Iatu Babel nakabu’mo tasik, sia nasamboimo bombang tikalulun- lulunna.

DANIEL 11:10

Na iatu mai anakna la ma’pasakka’ parari sia la urrampun ba’tu pira-pira tuntunan surodadu kamban; namisa’i tu la male ullaoi datu rampe Daanna lu, sia samasai-sainna ma’parekan susi to uai saba’, sia tonna torroi naparandukomi palaoan sae lako bentengna.

DANIEL 11:17

Sia undaka’ lalan la umpatundukki tu mintu’ lili’ kadatuanna datu rampe Lo’na lu sia naangga’-angga’i bang umpogau’ kasiturusan; la naben misa’ baine tu datu rampe Lo’na lu la nopobaine, kumua anna sanggangi tu kadatuan iato, apa tae’ nala dadi to sia tae’ nala umpomaupa’i.

DANIEL 11:22

Iatu surodadu ussabu’i mintu’ apa, la diputtai duka dio tingayona sia disanggang, ondongpi moi arung mangkamo nasibassean.

DANIEL 11:36

Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

DANIEL 9:27

Sia la napamabanda’ tu basse lako buda tau lan sangminggu; iatonna ma’tangngana minggu la napa’dei tu pemala’ pangrere’ sia iatu kande dipemalaran; anna dao pani’ megi’giran la sae tu misa’ to ma’kasanggang sia manassa la nasanggang sae lako tappunna, sia iatu apa dipamanassa la dibarrakan dao apa sanggang.

HOSEA 1:9

Ma’kadami tu Puang Nakua: Sangai Lo-Ami, belanna tangiakomi taungKu sia iatu Aku tangiaNa’ Puangmi.

AMOS 8:8

Tang bannang dionaraka mintu’na te, anna tiseno te lino, naurunganni ma’pote dibolong tu mintu’ tau untorroi? Tang kendek nasangraka susi Nil sia tise’go’, sia mere sule susi salu Mesir?

AMOS 9:5

Tonganna tu Puang, iamo PUANGna mintu’ ma’dandan maritik, tu ungkaka’ kuli’na padang, anna tigega’, naurunganni iatu mintu’ tau untorroi sumarro-marro, sia kendek susi Nil sia mere sule susi salu Mesir,

NAHUM 1:8

Apa tete dio uai saba’ Nasabu’i Puang tu inanna, sia Naula’i tu ualinNa tama kapittukan.

MATIUS 22:2

Iatu Parenta Suruga dipasusi misa’ datu umpogau’ pa’maruasan umpopa’kapa’ anakna.

MATIUS 22:7

Sengkemi tinde datu, nasuai tu surodadunna ummangsanni tu mintu’ to papatean sia umballai tu kotana.

MATIUS 23:38

Tiromi midisa’bianganan tu banuammi.

MATIUS 24:2

Mebalimi Nakua ungkuanni tinde tau: Tang mipemaranga nasangmoraka te mintu’na te? Tonganna tongan Kukua mati’, tae’ la torro indete tu batu mettodo’ dao batu senga’, tu tang la diseranna.

MARKUS 13:2

Nakuami Yesu lako: Mupemaranga tonganmoraka garaganna te banua pua iate? Moi misa’ batu tae’ duka la torro mettodo’ dao batu senga’, tu tang la diseranna.

MARKUS 13:7

Iammi rangi diona kasirarian sia kareba kasirarian, da mitiramban belanna tae’ nasalai tang dadi tu mintu’nato, apa tae’pa nala katappurannato.

MARKUS 9:12

Nakuami lako: Inang la sae ia dolo tu Elia sia umpasirundunan mintu’ sakka’ saeanna. Apa tumbai tu mangkanna disura’ tu diona Anak rampan dilino, kumua la umperasai buda kamaparrisan sia la nasassai tau?

LUKAS 21:24

sia kasengkean lako te tau sia la mate nakande pa’dang mataran sia dirampa nadibaa lako mintu’ rapunna tau sia iatu Yerusalem la nasilullu’i to kapere’ sae lako kasundunanna allona tu to kapere’.

LUKAS 21:6

Iate mintu’na mitirona te, la sae tu allona, ke tae’ bangmi torro tu batu mettodo’ dao batu senga’, tu tang la diseranna.

LUKAS 24:26

Tang sipaturaka Mesias umperasai tu iannato, Namane tama kamala’biranNa?

LUKAS 24:46

Sia Nakua lako: susite tu disura’na, kumua la umperasai kamaparrisan tu Mesias, anna allo ma’pentallun Namalimbangun sule dio mai to’ to mate,

YOHANES 14:30

Tae’mo nabuda Kuuleleanangkomi, belanna saemo pangulunna lino, natae’ bang dio Kaleku tu la naapanNa’.

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

GALATIA 3:13

Mangkamoki’ Nala’bak Kristus dio mai tampak ropu Sukaran aluk, apa Ia mendadi tampakan ropu belanna kita, belanna nakua lan sura’: Tampak ropu lako mintu’ to titoke’ dao kayu.

1 PETRUS 2:21

Belanna iamora patunna to ammi ditambaimo, apa umperasai dukamo kamaparrisan tu Kristus belanna kamu, Natampeangkomi misa’ sangka’, kumua ammi rundu’i bate lalanNa.

1 PETRUS 2:24

Ia Kalenamo umpassanni lan batang kaleNa tu mintu’ kasalanta Napemalaranni dao kayu pea’ta’, kumua iatonna tiro matemoki’ kasalan, la natiro tuoki’ kamaloloan; belanna iatu kamassendang-sendanganNa mipomondo.

1 PETRUS 3:18

Belanna pissan dukari tu Kristus mate diona mintu’ kasalanna tau, Iamo To malolo belanna to tang malolo, kumua anNa solangki’ lako Puang Matua; tonganna anNa dipatei diona batang kale, apa dipatuo diona penaa.