DANIEL 9:24 - Sura' Madatu

²⁴ Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.

DANIEL 9:24 ပူးပေါင်းရင်းမြစ်များ

2 OSSORANNA DATU 29:24

Natunumi mintu’ to minaa tu bembe’ iato sia napemalaran tu rarana diposuru’ pengkalossoran dao inan pemalaran iato, la umbasei kasalanna mintu’ to Israel, belanna mangkamo napa’parentan datu, kumua la den pemala’ ditunu pu’pu’ sia pemala’ pengkalossoran napopemala’ mintu’ to Israel.

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

PA’PUDIAN 45:7

Isungan kapayungamMi, o Puang Matua, tontong sae lakona, Sia tekken kamalamburan iamo tekken kapayungammi.

YESAYA 42:4

Tae’ anna la ma’millo mannamo ba’tu dira’pak sae lako napantokna tu malolona lan lino; na mintu’ biring tasik la untayanni tu pangadaranna diona sukaran aluk.

YESAYA 51:6

Mentingarakomi langngan langi’, sia mentirokomi rokko kuli’na padang; belanna iatu langi’ la pa’de poton susi rambu sia iatu lino la buruk susi tamangkale sia iatu mai to untorroi, mate susi kasisi’; apa iatu kasalamaran lu dio mai Kaleku tontong sae lakona, sia iatu kamaloloangKu tae’ nala disanggang.

YESAYA 51:8

Belanna tau iato mai la maimbak susito sampin naimbakan busung sia sangtinti bulu domba nakande ulli’; apa iatu kamaloloangKu tontong sae lakona sia iatu kasalamaran dio mai Kaleku tontong la disiosso’i.

YESAYA 56:1

Nakua kadanNa PUANG: Karitutui tu katonganan sia pogau’i tu kamaloloan, belanna iatu kasalamaran lu dio mai Kaleku la saemo sia iatu kamaloloan lu dio mai Kaleku sattu’mora anna dipaombo’.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

BATING 4:22

Upu’mo tu kakadakeammu, e anak dara Sion, tae’mo anNa la umpali’ko Puang. La napapakkanni Puang tu mintu’ kakadakeammu, e anak dara Edom, sia la Napapayan tu kasalammu.

YEHEZKIEL 28:12

E ma’rupa tau, sa’buranni misa’ bating tu datunna Tirus sia ma’kadako lako kumua: Inde sia tu kadanNa Puangta PUANG: Iatu pa’kaleammu sundun garaganna, naponnoiko kapaissanan, sia sundun kamaballoammu.

YEHEZKIEL 4:5

Sia iatu taun kakadakeanna tau iato mai Kupatanggungiko pada bilanganna tu allo iato, talluratu’ ngkasera pulona allona. Susimoto tu kakadakeanna to Israel mupatoppo’ dao la’pekmu.

YEHEZKIEL 4:6

Iake musundunnimi tu iannato, la umbambangan pole’ko kalemu, iamotu dio la’pek kananmu; ammu patoppo’i dao la’pekmu tu kakadakeanna to Yehuda: patangpulo allona; ke sangtaunoi, Kupatanggungiko sangallo.

SURA’ KATOMINAAN 25:8

La muia’ tu pitung taun katorroan, iamotu pempitu ke sipitung taun; naurunganni iatu attu pitung taun katorroan patangpulo ngkasera taunna.

SURA’ KATOMINAAN 8:15

Natunumi anna otonni Musa tu rakka’na tama to’ rara, anna raranni tu tanduk inan pemalaran tiku lao sia naseroi dio mai kasalan tu inan pemalaran; iatu rara torronapa nabolloan diong to’ lette’ inan pemalaran; susimoto nanii umpamaindanni sia umpadenanni kadiseroian kasalan.

ZAKHARIA 4:14

Ma’kadami nakua: Iamote tu da’dua to diminnakki, tu bendan dio oloNa Puangna mintu’ lino.

KADIBILANGAN 14:34

Situru’ tu bilanganna allo minii umparessa bunii tu tondok, iamotu patangpulo allona, sangtaun ke sangallooi, ammi sisurung tu kakadakeammi lan patangpulo taunna, kumua, ammi issanni battuananna tu kamembokorangKu.

MATIUS 1:21

La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

MATIUS 11:13

Belanna mintu’na nabi sia Sukaran aluk den pa’nubua’na sae lako tonna linona Yohanes.

MATIUS 4:5

Mangkato nasolammi deata bulituk tu Yesu lako tondok maindan, anna pabendanNi dao bubungan Banua Kabusungan,

MARKUS 1:24

nakua: E, Yesu to Nazaret, la siapariki’! La saeKomi ussanggangikan. Kutandai siaKomi, kumua mindaraKomi te, iamora To Sallo’ lu dio mai Puang Matua.

LUKAS 1:35

Mebalimi tu malaeka’ lako nakua: Iamotu Penaa Masallo’ la songlo’ lako kalemu sia kamatotoranNa Puang Patodoranna unnonganniko, iamoto dadi iatu Pia la mudadian la disangai Pia masallo’ sia AnakNa Puang Matua.

LUKAS 21:22

Belanna iamo allo dinii umpabala’i, kumua anna sundun tu mintu’na disura’na.

YOHANES 1:41

Bunga’na sitammumi Andreas tu Simon, siulu’na, nakuami lako: Kikabu’tuimo tu Mesias, ke dipallemba’i battuananna Kristus.

YOHANES 3:34

Belanna Iamotu Nasua Puang Matua umpokada kadanNa Puang Matua, apa tang liu-liu tu Puang Matua umpa’kamasean Penaa.

PENGGAURANNA RASULU’ 3:14

Mipeonganni kamu tu To maseropindan sia malambu’, ammi palakui tu to papatean dirampananankomi butung misa’ pa’kamasean lako kalemi.

PENGGAURANNA RASULU’ 3:22

Inang Napokadamo Musa kumua: La Napabu’tuangkomi Puang Kapenomban lan mai rapummi tu nabi misa’ susite aku; la miperangii tu mintu’na Napokada lako kalemi.

PENGGAURANNA RASULU’ 4:26

Mintu’na datu lan lino ke’de’, sia iatu mai pangulu sirampun, la unnea Puang sia unnea KristusNa.

ROMA 5:10

Belanna iake dipasikaeloki’ Puang Matua tete dio kamateanNa AnakNa, tonta kabiri’pa Puang Matua, ondong pissan, tonta mangkamo dipasikaelo, la ungkabu’tuiki’ kadikarimmanan diona katuoanNa.

1 KORINTUS 1:30

Apa bannang dio mai Puang Matua ammi lan Kristus, tu mendadi kakinaan tapokinaa dio mai Puang Matua sia kamaloloan sia kadiseroian sia kadila’bakan;

FILIPI 3:9

sia lan kasiturusanNa kunii payan, kumua tangia kamaloloangku kalena tu lu diona mai tuntunan Sukaran aluk, sangadinna kamaloloan tete dio kapatonganan lako Kristus, iamotu kamaloloan lu dio mai Puang Matua umpolalan kapatonganan.

KOLOSE 1:20

Sia bannang dioRi anNa padenni Puang Matua tu kasitaman tete dio raraNa dao kayu pea’ta’, sia bannang dio dukaRi anNa pasikaeloi Puang Matua Kalena tu angge maritik, la lanna lino la daona langi’.

KOLOSE 2:14

sia tonna butaimi tu sura’ indan sola mintu’ atoranna, tu unno’tonniki’ sia unneaki’; anNa alai dio mai kaleta, Napakui lako kayu pea’ta’.

IBRANI 10:14

Belanna diona misa’ pemala’ anNa mangkamo Ia umpasundun sae lakonai tu mintu’ to Naseroi.

IBRANI 2:17

Iamoto anNa Ia dipapada mintu’ siulu’Na lan mintu’na, dikua anNa lan kamenomban langngan Puang Matua Ia mendadi Tominaa Kapua tu mamase sia maruru’, la usseroi mintu’ kasalanna taunNa.

IBRANI 7:26

Belanna pato’ lako kita misa’ Tominaa Kapua susito, iamotu masallo’, tae’ Nakasalan, tae’ attanganNa, dipamarimbangan dio mai mintu’ to kasalan sia dipamatande anna mintu’ langi’,

IBRANI 9:26

Belanna iake susito, tae’ anna salai tang la ma’tole-tole umperasai parri’ tempon dio mai dikombongna tu lino. Apa totemo te tonna ganna’mo tu attu, pissan dukari mangka dipasombo diona kaumpassurusanna batang kaleNa la umpa’dei kasalan.

2 PETRUS 1:1

Iate sura’ lu dio mai Simon Petrus, taunNa sia rasulu’Na Kristus, diparampo lako mintu’ to unnappa’mo kapatonganan, tu pada mala’bi’na kapatonganangki tete dio kamaloloanNa Kapenombanta sia Yesu Kristus, To pakarimmanan:

1 YOHANES 3:8

Iatu to umpogau’ kasalan, iamoto lu dio mai deata bulituk, belanna iatu deata bulituk inang umpogau’ kasalan dio mai mulanna. Iamo bannangnate, Nadipasombo tu AnakNa Puang Matua, kumua anNa Ia ussanggangi tu mintu’ pengkaranganna deata bulituk.

KADA OMBO’ LAKO RASULU’ YOHANES 14:6

Kutiromi misa’ malaeka’ senga’ mentia’ lan tangngana langi’, sia umbaa Kareba-kaparannuan matontongan, la napa’peissanan lako mintu’ to untorroi te kuli’na padang, iamotu mintu’ bangsa sia suku sia basa sia to sangpetayanan,

KADA OMBO’ LAKO RASULU’ YOHANES 3:7

Surasanni malaeka’ kombongan Filadelfia susite: Iamote tu kada lu dio mai Puang maindan sia tongan, tu untoe gontingna Daud, tu umbungka’i, nata’e misa’ tau ungkullei untutu’i, sia Ia untutu’i natae’ misa’ tau ungkullei umbungka’i: