DANIEL 9:21 - Sura' Madatu

²¹ marassan bangsiapa’ ma’kada tongku massambayang, saemi tu misa’ muane, iamotu Gabriel, tu mangka kutiro dolona lan patiro mendeata, matira’ tongan mentia’ umperreke’ina’, tonna attu pemala’ karoen.

DANIEL 9:21 ပူးပေါင်းရင်းမြစ်များ

1 DATU 18:29

Iatonna lendu’ ma’tangngamo allo, marukkami kandeatan sae lako attu dinii memala’ bongi, apa tae’ tu gamara, sia moi misa’ tau tae’ duka mebali ba’tu umpalanni penaa.

1 DATU 18:36

Iatonna lambi’mi attunna dinii memala’ bongi, tassu’mi tu nabi Elia dio tingayona to buda nama’kada nakua: O PUANG, Kapenombanna Abraham, Ishak na Israel, allo iate melo, ke payanni, kumua Kamumo tu Kapenomban dio lu to Israel, sia akumo tu taumMi, na iatu mintu’ apa kupogau’ te unturu’ kadamMi.

PA’PUDIAN 103:20

Pudimi tu PUANG, e mintu’ malaeka’Na, e mintu’ to lalong, tu umpogau’ kadanNa. Sia umperangii kadanNa!

PA’PUDIAN 104:4

Sia angin Naposumbungan lentek, sia api dukku Napokambutu’ maringngan.

PA’PUDIAN 141:2

Tarimai tu passambayangku butung to pemala’ butagari, sia pempala’ku tu butung pemala’ karoen.

KATASSURAN 29:39

Iatu misa’ la mupemalaran ke melambi’i na iatu misa’, la mupemalaran ke makaroenni,

YESAYA 6:2

Den ba’tu pira-pira Serapin untalimbungI tama, rundunni pani’ siannan; da’dua pani’ nasamboan lindona, da’dua pani’ nasamboan lentekna, na da’dua pani’ napake mettia’.

YEHEZKIEL 1:11

Na iatu pani’na tiballa’ langngan; pantan ma’pani’ sida’dua, tu sikande; na iatu da’dua ussamboi kalena.

YEHEZKIEL 1:14

Iatu a’gan iato ma’dondo tipasule-sule ten to kila’ silalle-lalle.

YEHEZKIEL 14:14

sia iake denni dio te tau tallu, iamotu Nuh, Daniel na Ayub, manassa kalena manna tu ma’din narampanan tete dio kamaloloanna, kadanNa Puangta PUANG.

DANIEL 10:10

Denmi tu lima ungkaka’na’ sia umpopengguntu’na’ sia umpopa’dangkanna’ millik, angku ma’parondo-rondo.

DANIEL 10:16

Apa kutiro denmo misa’ apa susi rupa tolino ungkaka’ pudukku; kubungka’mi tu pudukku sia kuparanduk ma’kada angku kuai lako tu to bendan dio tingayoku, kukua: O Puang, ta’pa napamasakina’ te patiro mendeata iate, sia tae’mo kamabukuan torro lan kaleku.

DANIEL 10:18

Nakaka’mo’ tu to susi tolino rupanna, sia napamatoto’na’ sia ma’kada nakua:

DANIEL 8:16

Sia kurangi tu gamara tau daona lu Ulai, tu nakua: E Gabriel! battuananni lako tau iate tu patiro mendeata iato.

DANIEL 8:18

Iatonna marassan ma’kada lako kaleku, limpumo’ sia lumbang rokko padang; apa naremme’na’ anna pabendanna’ sule,

MATIUS 27:46

Agi-agi te’te’ tallu Nametamba tu Yesu umpemandui gamaranNa, Nakua: Eli, Eli lama sabakhtani! battuananna: O PuangKu, o PuangKu, ma’apari amMi tampemoRa’.

LUKAS 1:19

Mebalimi malaeka’ lako nakua: Akumote tu Gabriel, biasana’ bendan dio oloNa Puang Matua, nasuamo’ sae ussipa’kadangko umparampoi te kamauparan iate lako kalemu.

LUKAS 1:26

Iatonna bulan ma’pennannanmo Nasuami Puang Matua tu malaeka’ Gabriel lako misa’tondok dio Galilea, disanga tondok Nazaret,

PENGGAURANNA RASULU’ 10:3

Umbai agi-agi te’te’ tallu makaroen napemanassami nakita bayo-bayo tu malaeka’Na Puang Matua misa’ sae umpelambi’i sia ma’kada lako nakua: E Kornelius!

PENGGAURANNA RASULU’ 10:9

Masiang dio maito tonna diopa lu lalan sia urreke’mo tondok iato kendekmi tu Petrus langngan bubungan massambayang, agi-agi te’te’ sangpulo dua tangnga allo.

PENGGAURANNA RASULU’ 12:7

pakalan nabendanmo misa’ malaeka’Na Puang inde to dio, sia den arrang parrang lan bilik iato; nasa’pa-sa’pami tu la’pekna Petrus sia natundan nakua: Millikko madomi’! Tobangmi tu rantena lan mai limanna.

PENGGAURANNA RASULU’ 3:1

Malemi tu Petrus sola Yohanes langngan Banua Kabusungan, tonna attu kapassambayangan te’te’ tallu makaroen.

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

IBRANI 1:7

Na diona mintu’ malaeka’ susite tu kadanNa: Ia umpopennangin mintu’ malaeka’Na sia kambutu’ maringnganNa Napopendukku api;

KADA OMBO’ LAKO RASULU’ YOHANES 9:17

Iatu pentiroku mintu’ darang sia mintu’ to ussakei takua susite: tau iato mai ma’bayu bassi mararang susi api sia masekke’ sia ma’rupa solo’; sia iatu ulu darang susi ulu singa sia lan mai sadangna tassu’ tu api sia rambu sia solo’.