DANIEL 9:20 - Sura' Madatu

²⁰ Marassan bangsiapa’ ma’kada sia massambayang sia unnaku kasalangku sia kasalanna bangsaku to Israel sia umbarrakan pengkamoyaku langngan PUANG, Kapenombangku, diona buntu maindanna Kapenombangku,

DANIEL 9:20 ပူးပေါင်းရင်းမြစ်များ

EZRA 10:1

Iatonna marassan tu Ezra massambayang sia unnaku kasalanna sia tumangi’ tukku dio tingayo banuanNa Puang Matua, sirampunmi tu tau buda tongan dio mai to Israel lako kalena, iamotu muane, baine sia pia, belanna iatu to buda randukmo siurrukan.

NEHEMIA 1:6

La Mitanding talinga sia la Mibidaran tu matamMi la umperangii passambayangna taumMi, tu kupennoloan lako Kalemi keallo sia kebongi diona to Israel, taumMi; kupangakuammo tu kasalanna to Israel, tu kipogau’ umbaliKomi; ia duka tu aku sia sangdadiangku umpogau’ nasangmokanni kasalan.

PA’PUDIAN 145:18

PUANG urreke’ mintu’ to meongli’ lako Kalena, tu to lantuk meongli’ lako Kalena.

PA’PUDIAN 32:5

Angku tuarasan kasalangku mati’ Kalemi, sia tae’ angku buni kakadakeangku; kukuami ma’kada: La unnakuna’ kapatodo-tintingangku lako PUANG. Sela AmMi pa’deimi tu kakadakeangku sia kasalangku.

TOMANGADA’ 7:20

Belanna tae’ misa’ to malambu’ susito dao kuli’na padang, naurunganni melona manna napogau’ sia tae’ nakasalan.

YESAYA 56:7

manassa la Kusolan lako buntu maindanKu sia la Kupasende tu penaanna lan banua passambayangangKu; iatu pemala’ ditunu pu’pu’na sia pemala’ pangrere’na tau iato mai la naala penaangKu dao inan pemalarangKu, belanna iatu banuangKu disanga banua passambayanganna mintu’ bangsa.

YESAYA 58:9

Iammu metamba, la nabaliko PUANG; iammu mengkamoya lako, la Nakuangko: Inde siaNa’. Iammu patoyangi dio mai kalemu tu mintu’ ayoka pa’pakario-rio sia pa’dullu-dullu sia kada pelo’bo,

YESAYA 6:5

Kukuami: Upu’ alloku, sumpu sumandakku, belanna aku te to maruttak puduk sia torrona’ sirau misa’ bangsa maruttak puduk, na nata’paimo matangku tu Datu, tu PUANGna mintu’ ma’dandan maritik.

YESAYA 65:24

La dadi, iake tae’pi nameongli’ tu tau iato mai, la mebaliMo’ sia iake marassan bangsiai ma’kada, la Kutarimamo.

DANIEL 10:12

Ma’kadami lako kaleku nakua: Da mumataku’, e Daniel, belanna randuk dio mai allo bunga’na muparinaai la morai unnissanni sia umpamadiongan penaammu dio oloNa Kapenombammu, dirangimo tu kadammu sia saemo’ bannang dio kadammu.

DANIEL 10:2

Attu iato ma’pote dibolongna’, te aku Daniel, malebu bang tallung minggu.

DANIEL 11:45

Sia la naosok tu tenda kapayunganna lan kasiallaran tasik sia buntunna Padang ballo maindan, apa la nalambi’ lampakna, anna moi misa’ tau tae’ untundui.

DANIEL 9:16

O Puang, ke ma’dinni, natete dio mintu’ kamaloloamMi, natilendok tu kasengkeamMi sia kare’dekan ara’Mi dio mai Yerusalem, kotaMi, iamotu buntu maindanMi; belanna diona kasalangki sia kakadakeanna nene’ to doloki na iatu Yerusalem sia iatu taumMi napamatuna mintu’ to untikuikanni.

ZAKHARIA 8:3

Inde sia tu kadanNa PUANG Nakua: La suleNa’ lako Sion, angKu torro lan Yerusalem; iatu Yerusalem la disangai kota kamarurusan, na iatu buntunNa PUANGna mintu’ ma’dandan maritik, la diganti buntu kamaindanan.

PENGGAURANNA RASULU’ 4:31

Iatonna mangkamo massambayang, tiseno-senomi tu inan nanii sirampun, anNa ponnoi Penaa Masallo’ sola nasangi, anna batta’ umpokadai tu kadanNa Puang Matua.

ROMA 3:23

Apa umpogau’ nasang bangmo kasalan sia sisayuran kamala’biranNa Puang Matua,

YAKOBUS 3:2

belanna kita sola nasang buda apa tanii sala. Iake denni misa’ tau tae’ nasala lan buangan kadanna, iamoto sundun, sia ma’din duka umparenta mintu’ kalena.

KADA OMBO’ LAKO RASULU’ YOHANES 21:10

Nasolammi tu penaangku langngan misa’ buntu kapua sia malangka’, anna patiroanna’ tu Yerusalem, tondok maindan, songlo’ dao mai suruga lu dao mai Puang Matua.

KADA OMBO’ LAKO RASULU’ YOHANES 21:2

Kutiromi tu tondok maindan, Yerusalem ba’ru, songlo’ dao mai suruga, dao mai Puang Matua, sakka’ pakean susi misa’ baine ma’kapa’ umbeloi kalena, anna parannu tu muanena.