DANIEL 9:18 - Sura' Madatu

¹⁸ Patananni tu talingamMi, o Kapenombangku, sia perangiina’: bungka’i tu matamMi, amMi tiroi tu kasanggangangki sia iatu kota, tu dinii ussa’bu’ sangamMi naposanga; belanna tae’ nabannang dio kamaloloangki angki barrakanni tu pengkamoyaki dio oloMi, sangadinna bannang diori kamamasean kapuaMi.

DANIEL 9:18 ပူးပေါင်းရင်းမြစ်များ

1 DATU 8:29

kumua Mitiroi allo bongi te banua iate, iamotu inan tu mangka Mipokada kumua: Iatu sangangKu la inde to dio – amMi perangii tu passambayang, tu la napennoloan taumMi lan inan iate.

2 DATU 19:16

O PUANG, tananni talinga, amMi ma’perangi, o PUANG, pamillikki tu matamMi, amMi tiroi sia perangii tu mintu’ kadanna Sanherib, tu mesua umparampoi, la umbe’se Puang Matua matontongan.

PA’PUDIAN 116:1

Kukamali’ tu PUANG, belanna Natanannimo talinga tu kadangku sia pengkamoyaku.

PA’PUDIAN 25:6

O PUANG, kilalai tu mintu’ mamaseMi sia mintu’ kamasokanamMi, belanna mintu’nato matontongan tempon dio mai.

KATASSURAN 3:7

Ma’kadami tu PUANG, Nakua: Kutiro tonganmo tu kamandasan rampo lako taungKu dio Mesir sia Kurangimo sarrona napobua’ mintu’ bandoro’ masarrangna sia Kuissan tonganmo tu mintu’ kamaparrisanna.

YESAYA 37:17

O PUANG, tananni talinga amMi ma’perangi, o PUANG pamillikki tu matamMi amMi tiroi sia perangii tu mintu’ kadanna Sanherib, tu mesua umparampoi, la umbe’se Puang Matua matontongan.

YESAYA 43:7

mintu’ tu mai to disa’buran sangangKu, tu mangka Kupadadi la Kupomala’bi’, tu Kutampa sia Kukombong.

YESAYA 64:12

O PUANG, la Mima’tanan bangraka penaa te mintu’ apa iate? Ma’apai amMi la ma’pakappa’ bang sia la umpopengkadiongan tarru’ bangkan?

YESAYA 64:6

Kami sola nasang dadimokanni susito maruttak sia mintu’ kamaloloangki susito sanglamba’ sampin masarepa; iamoto angki rondon susi daun kayu sia nabaakan kakadakeangki susito napentiaran angin.

YEREMIA 14:7

Moi anna iatu kakadakeangki bendan titanan sa’bi unneakan, o PUANG, pogau’i tu iannato diona sangamMi. Belanna tarru’ memboko’mokan, sia lako Kalemi kinii kasalan.

YEREMIA 14:9

Ma’apai amMi susito misa’ to maling sia butung to misa’ pa’barani tu tang nakulle patunduan? LanKomi lu tangngaki, o PUANG, sia iatu sangamMi disa’bu’ lako kaleki, iamoto da Mitampekan.

YEREMIA 15:16

Umba-umba kunii unnapparan kadamMi, kukande sia iatu kadamMi kuporannu sia naposende penaangku; belanna iatu sangamMi disa’buranna’, o PUANG Kapenombanna mintu’ ma’dandan maritik.

YEREMIA 25:29

Belanna manassa Kuparandukmo ussanggangi tu kota dinii ussa’bu’ sangangKu, umba nakua nala tang urruakomi? Tae’ mila tilendok dio mai kamandasan, belanna Akumo la umparampoi kandean pa’dang tu mintu’ to untongkonni kuli’na padang, kadanNa PUANGna mintu’ ma’dandan maritik.

YEREMIA 36:7

Den sia manii upa’ tu palakunna dipenomban dio oloNa PUANG, anna pantan mengkatoba’ tu tau iato mai dio mai lalan kadakena; belanna lendu’ kapuana tu kasengkeanNa sia kare’dekan ara’Na PUANG, tu Napakarranganni te bangsa iate.

YEREMIA 37:20

Iamoto perangiina’, o puangku datu, ke ma’dinni kupennoloanni tu palakungku lako puangku datu, damo dikka’ kudipasule lako banuanna Yonatan, to massura’, da angku mate dio.

YEHEZKIEL 36:22

Iamoto, pokadanni to Israel kumua: Inde sia tu kadanNa Puangta PUANG, Nakua: Tae’ kumua bannang dio kamu, angKu pogau’i, e to Israel, sangadinna bannang diori sanga madatungKu, tu mangka mipamatuna dio lu mintu’ bangsa, tu minii rampo lako.

YEHEZKIEL 36:32

Tangia bannang dio kamu, angKu pogau’i te, kadanNa Puangta PUANG; melo miisanni! Sipatukomi la masiri’ sia maila’, natumang penggaurammi, e to Israel.

DANIEL 9:7

O Puang, dio Kamu kalemi tu kamaloloan, apa iatu dio kaleki siri’ manna, susite allo iate, iamotu dio lu to Yehuda, to lan Yerusalem sia dio lu mintu’ to Israel, la mandappi’na sia mambelanna, tu torro lan lu mintu’ tondok, tu Minii urrambai male belanna katangmarurusan, tu napogau’ umbali-baliKomi.

KADIBILANGAN 6:27

Susimoto iatu sangangKu la napatorro dio lu to Israel, angKu pamasakkei tu tau iato mai.

1 KORINTUS 1:2

diparampo lako kombonganNa Puang Matua dio Korintus, lako mintu’ tu to dipamaindan tete dio Kristus Yesu, tu ditambai mendadi to masero sola mintu’ to ussa’bu’ sanganNa Puangta Yesu Kristus dio lu mintu’ inan, tu naninna sia taninna.