DANIEL 9:15 - Sura' Madatu

¹⁵ Tonganna, o Puang, Kapenombangki, tu mangka ussolan taumMi tassu’ lan mai tondok Mesir tete dio lima mawatang sia iatu umpakalelean sangamMi, susi allo iate, kasalammokan sia tang mekaalukmokan.

DANIEL 9:15 ပူးပေါင်းရင်းမြစ်များ

1 DATU 8:51

Belanna iatu tau iato mai taumMi sia mana’Mi, tu mangka Misolan tassu’ lan mai Mesir, lan mai to’ dapo’ bassi.

2 DATU 21:15

Belanna napogau’mo tau iato mai tu apa kadake dio pentiroKu sia tontong umpa’dikki penaangKu randuk dio mai allo katassuranna nene’ to dolona lan mai tondok Mesir sae lako allo iate.

2 OSSORANNA DATU 6:37

sia iake napalan penaai tau iato mai tu apa iato lan tu tondok dinii male umpali’i, anna mengkatoba’ sia mengkamoya lako Kalemi lan tondok dinii urrampai, nama’kada nakua: kasalammokan, umpogau’mokan kakadakean sia tang mekaalukmokan,

NEHEMIA 1:10

Tonganna tau iato mai taumMi sia bangsaMi, tu mirampanan tete dio kamatotoran kapuaMi sia lima mawatangMi.

NEHEMIA 1:6

La Mitanding talinga sia la Mibidaran tu matamMi la umperangii passambayangna taumMi, tu kupennoloan lako Kalemi keallo sia kebongi diona to Israel, taumMi; kupangakuammo tu kasalanna to Israel, tu kipogau’ umbaliKomi; ia duka tu aku sia sangdadiangku umpogau’ nasangmokanni kasalan.

NEHEMIA 9:10

Sia miparampomo tu ba’tu pira-pira tanda kalle-kallean sia tanda mangnga lako Firaun, sia mintu’ taunna sia mintu’ tau lan tondokna, belanna Miissan tu kedona tau iato mai matampo lako taumMi, sia Mipadenammo Kalemi tu misa’ sanga susitu den allo iate.

PA’PUDIAN 106:8

Apa Nalendokan Puang tete dio sanganNa. Nanii umpa’peissanan kuasanNa,

KATASSURAN 13:14

Iake nakutanaiko anakmu muane undinna, kumua: Apara te?, la mukua lako: Nasolammokan PUANG tete dio lima mawatang sun lan mai tondok Mesir, lan mai banua dinii umpokaunankan.

KATASSURAN 13:16

Iate iannate la butung misa’ tanda dio limammu sia misa’ toding pa’patudu dio kasitammuan matammu, belanna Nasolammokan PUANG tassu’ lan mai tondok Mesir tete dio lima mawatang.

KATASSURAN 13:3

Ma’kadami Musa lako tu to buda, nakua: Kilalai te allo iate, iamotu allo katassurammi lan mai tondok Mesir, lan mai banua minii dipokaunan, belanna tete dio lima mawatang anNa solangkomi PUANG tassu’ indete. Iamo bannangna to na iatu keraginna tae’ mima’din ungkandei.

KATASSURAN 13:9

Iate iannate la butung misa’ tanda dio limammu sia misa’ kapengkilalan dio kasitammuan matammu, kumua na iatu atoranNa PUANG dio randan pudukmu, belanna Nasolammoko PUANG tassu’ lan mai tondok Mesir tete dio lima mawatang.

KATASSURAN 14:18

La naissan mintu’ to Mesir kumua Akumo tu PUANG, ke umpatarompo’Na Kaleku lako Firaun sia lako mintu’ surodadunna sia mintu’ pakkanarangna.

KATASSURAN 32:11

Mengkamase-masemi tu Musa dio oloNa PUANG, Kapenombanna nakua: O PUANG, ma’apari amMi la umparampoiri kare’dekanna ara’Mi tu taumMi tu Misolan lan mai tondok Mesir tete dio kamatotoran kapuaMi sia lima mawatangMi?

KATASSURAN 6:1

Ma’kadami Puang Matua lako Musa, Nakua: Akumo tu PUANG!

KATASSURAN 6:6

La Kuangka’komi dadi taungKu angKu dadi Kapenombammi, ammi issanni, kumua Akumo tu PUANG, Kapenombammi, tu urrampanangkomi dio mai pa’diaman napabokkokangkomi to Mesir.

KATASSURAN 9:16

Apa tonganna iamo bannangna te angKu karimmanniko, kumua angKu patiroangko tu kamatotorangKu; anna sangangKu dipakalelean lan mintu’ lino.

YESAYA 55:13

La tuo tu kayu sanoba’ sondana duri sia kayu murdu’ sondana a’da’; iamote tu Naposanga mala’bi’ PUANG sia Napotanda matontongan, tu tang la dipa’dei.

YESAYA 64:4

Tempon dio mai tae’ anna rangi lenni tau ba’tu tama talinga sia tae’ natiroi mata tu misa’ Kapenomban senga’ anna Kamu, tu sae umpalalao pa’tunduan lako to untayanNi.

YEREMIA 14:20

O PUANG, kitandaimo tu katangmekaalukangki sia kakadakeanna nene’ to doloki, kumua kasalammokan lako Kalemi.

YEREMIA 32:10

Kusura’mi lan misa’ sura’ kasiallian, anna dica’ daona lu sia kualampa sa’bi la ussa’bii, angku timbangi tu sikele’ iato.

BATING 3:42

Salamokan sia pabali-balimokan, apa tae’ Mima’pagarri’.

YEHEZKIEL 5:6

Apa tang mekaaluk umbali-bali atorangKu losong na iatu mintu’ bangsa sia umbali-bali apa Kupondok losong na iatu mintu’ tondok tiku lao, belanna natibemo tau iato mai tu atorangKu sia tae’mo nalolang unturu’ mintu’ apa Kupondok.

DANIEL 9:5

Kasalammokan sia patodo tinting, tang mekaalukmokan sia pabali-bali; untanannimokan boko’ pepasanMi sia atoramMi.

LUKAS 15:21

Apa nakua tu anakna lako: O ambe’ kasalammo’ lako Puang Matua sia lako kalemi; dadi tang sipatumo’ la misanga anakmi.

LUKAS 18:13

Iatu passima mambela-bela tu nanii ke’de’, moi mentingara langngan langi’ tae’ nasarai, sangadinna ussa’pa-sa’pa ara’na, nakua: O Puang, ala masena’, aku te misa’ to kasalan!

2 KORINTUS 1:10

tu mangka ullendokangkan dio mai kamatean susi mapai’na to, sia la urrampanangkan undinna. Iamo kirannuan kumua Ia la urrampanan pole’kan,

PA’TOLE 5:15

Belanna la mukilalai, kumua mangkamoko kaunan lan tondok Mesir, sia mangkamoko Nasolan PUANG, Kapenombammu, tassu’ lan mai tete dio lima mawatang sia takia’ tie’te’; iamoto Napasanko PUANG, Kapenombammu, ungkaritutui tu allo katorroan.