DANIEL 9:13 - Sura' Madatu

¹³ Susitu disura’ lan Sukaran alukna Musa, susi dukamoto tu mintu’ kasanggangan iate urrampoikan, sia tae’ kiparadan kasengkeanNa PUANG, Kapenombangki, belanna tae’ kimengkatoba’ dio mai kakadakeangki sia tae’ kipalan penaa kamanapparamMi.

DANIEL 9:13 ပူးပေါင်းရင်းမြစ်များ

2 DATU 22:16

Inde sia tu kadanNa PUANG, Nakua: Manassa la Kuparampoi kamandasan te inan iate sia mintu’ to torro lan, iamotu mintu’ apa lan sura’ tu mangka nabasa datu to Yehuda,

AYUB 36:13

Apa iatu to bulituk umpasipapa’ kasengkean; tae’ nameongli’ umpalaku pa’tunduan, ke Napungoi Puang;

PA’PUDIAN 119:18

Bungka’i tu matangku angku tiroi tu apa kalle-kalleanna lan sukaran alukMi.

PA’PUDIAN 119:27

Paissannina’ lalanna tu mai mintu’ parentaMi, angku tangnga’-tangnga’i tu mintu’ penggauran kalle-kalleamMi.

PA’PUDIAN 119:73

LimamMimo tu ungkombongna’ sia umpatepuna’, benna’ kapaissanan angku issanni umpelada’i tu mai pepasanMi.

PA’PUDIAN 85:4

Mirampanammo tu mintu’ kare’dekan ara’Mi, sia Mitoyangan tu Kalemi dio mai kasengkean ma’lulu-lulumMi.

YESAYA 31:1

Upu’ allona tu mintu’ to male rokko Mesir la umpalaku pa’tunduan, tu umposande’ darang sia urrannuan kareta, belanna buda, sia pakkanarang, belanna seba’ bilanganna, apa tae’ namengkamoya lako To maserona to Israel sia tae’ namekutana lako PUANG.

YESAYA 42:9

Tiromi, iatu apa dolo, saemo, anna totemo Kupokadangkomi tu apa ba’ru tae’pa namentaruk angKu paissannikomi.

YESAYA 43:22

Apa tae’ ammu meongli’ lako Kaleku, e Yakub, tae’ ammu issanni masara’ dio Aku, e Israel.

YESAYA 64:6

Kami sola nasang dadimokanni susito maruttak sia mintu’ kamaloloangki susito sanglamba’ sampin masarepa; iamoto angki rondon susi daun kayu sia nabaakan kakadakeangki susito napentiaran angin.

YESAYA 64:7

Sia tae’mo misa’ tu to ussa’bu’ sangamMi sia umpamukkun kalena la la’ka’ lako Kalemi; belanna Mibuniangkan tu lindoMi, sia Mipopa’elo’nakan lako kuasanna mintu’ kakadakeangki.

YESAYA 9:13

Iamoto anna sangallo bangri la Nanii PUANG unta’takki dio mai to Israel, la ulu, la ikko’, la tangke koroma, la tille.

YEREMIA 2:30

Tae’ gai’na Kubamba tu anakmi, inang tae’ namorai untarima peada’; iatu pa’dangmi ungkandemo mintu’ nabimmi susi singa ma’sa’mak.

YEREMIA 30:14

Tang nakilalaimoko mintu’ muane pa’kaboro’mu, tae’mo napekutanan lenko. Kupakario-rioko susi uali ma’pakario-rio, susito tang mamase ma’pa’dikki, belanna kakapuanna kakadakeammu sia lendu’ budanna kasalammu.

YEREMIA 31:18

Tonganna Kurangi tu Efraim sumarro, nakua: Mangkamo’ Mipa’dikki, sia dipa’dikkina’ susi sapi mangura tu tae’pa nadipamanaran; patoba’na’, angku mengkatoba’, belanna Kamumo, o PUANG, Kapenombangku.

YEREMIA 44:23

Belanna memala’komi sia umpogau’komi kasalan lako PUANG sia tae’ mituru’i tu kadanNa PUANG sia tae’ mipeolai tu Sukaran alukNa sia tu mai apa Napondok sia iatu mintu’ kasa’bianNa, iamo bannangnato namintu’ kakadakean iate urrampoikomi, susite allo iate.

YEREMIA 44:27

Tonganna Kutiro tu tau iato mai narampoi kadake, tangia melona, naurungan sabu’ tu mintu’ to Yehuda dio lu Mesir nakande pa’dang sia karorian sae lako mangsan nasang tu tau iato.

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

BATING 5:21

O PUANG, solammokan sule lako Kalemi, manassa la sulekan mati’. Ba’rui tu alloki susi tonna dolona!

YEHEZKIEL 16:43

Belanna tae’ mukilalai tu allo kalollerammu, sangadinna mupare’dek tu ara’Ku, iamoto la Kupasule langngan ulummu tu gau’mu, kadanNa Puangta PUANG. Belanna tae’moraka mutompoi pole’i gau’ sala mesirisammu tu mintu’ penggauran megalliammu?

DANIEL 9:11

Ondongpi mintu’na to Israel untengkaimo Sukaran alukMi sia memboko’mo, belanna tae’ naperangii tu gamaramMi. Iamoto anna dibarrakan lako kaleki tu tampak ropu, tu diarra’i sumpa, tu mangka disura’ lan Sukaran alukna Musa, taunNa Puang Matua, belanna kasalammokan lako Kalena.

HOSEA 7:10

Sia iatu matampona Efraim kendek dio tingayona titanan sa’bi umpasalai. Apa tae’ namengkatoba’ lako PUANG, Kapenombanna, sia tae’ nadaka’i tu Puang, moi narampoi te mintu’na apa iate.

HOSEA 7:14

Tae’ duka nadio mai penaanna tu tau iato mai metamba lako Kaleku, ke sumarroi dao patindoanna. Natori’-tori’ piso tu kalena umpalaku gandung sia uai anggoro’ ba’ru; pabali-bali tongan tu tau iato mai lako Kaleku.

HOSEA 7:7

Iatu mintu’ tau iato mai malassu susi dapo’. Pura namangsanni tu mintu’ to ma’parentana, sia mintu’ datunna tibambangmo mate. Moi misa’ tau dio lu tau iato mai tae’ nameongli’ lako Kaleku.

LUKAS 24:45

Tonna iato Napatibungka’mi tu penaanna tinde tau, kumua anna issanni tu Sura’ Madatu.

YOHANES 10:35

Iake disa’bu’ deatai tu mai to mangka dinii umparampo kadanNa Puang Matua sia tae’ nama’din dipaleluk tu lanna Sura’ Madatu,

YOHANES 6:45

Den disura’ lan sura’na nabi kumua: Mintu’na to tau iato la Naada’i Puang Matua. Na minda-minda tu urrangimi sia melada’ lako Ambe’, iamo sae lako Kaleku.

YOHANES 8:32

sia la mitandai tu kamanapparan na iamotu kamanapparan iato tu la ullessurangkomi.

EFESUS 4:21

Iake inang mirangimi sia Naada’imokomi lan kasiturusanNa tumbai tu kamanapparan lan Yesu,

PA’TOLE 29:4

Apa tae’ Nakamaseikomi PUANG penaa la paissan ba’tu mata la patiro ba’tu talinga la parangi, sae lako allo iate.

YAKOBUS 1:5

Anna iake denkomi tu tang kinaa, sipatu la napalaku lako Puang Matua, tu umpa’kamasean bangi lako mintu’ tau sia tang Napopeko’to’, manassa la Napa’kamasean lako kalena.