DANIEL 8:9 - Sura' Madatu

⁹ Iato misa’na mentaruk misa’ tanduk lan mai, tu pamulanna bitti’, apa tarru’ mengkapua ma’palusau’, ma’palulako rampe matallo sia ma’palulako Padang ballo.

DANIEL 8:9 ပူးပေါင်းရင်းမြစ်များ

PA’PUDIAN 105:24

Napopemba’ka’ kalle-kallean tongan Puang tu taunNa, sia mandu Napamawatang anna iatu mai balinna.

PA’PUDIAN 48:2

Iatu Puang mala’bi’ sia sipatu tongan dipudi lan kotaNa Kapenombanta, dao buntu maindanNa.

YEREMIA 3:19

Tonganna Kukua: Umba la Kukua umpapadako tu mai mintu’ anak muane sia la Kubenko misa’ padang maelo, iamotu padang pa’tonno’na dio lu mintu’ bangsa la mupomana’! Sia Kusangapa la musa’bu’Na’ Ambe’mu sia tae’mo mula toyang dio mai Kaleku.

YEHEZKIEL 20:15

Apa moi susito umpalao dukaNa’ sumpa lako tau iato mai lan lu padang pangallaran, kumua tae’ Kula ussolanni tu tau iato lako tondok, tu mangka Kukamaseanni, tu nanii sebo pangandu’ sia tani’ enoan – iamo belo dio lu mintu’ tondok –

YEHEZKIEL 20:6

Allo iato umpalaoNa’ sumpa lako tau iato mai, kumua la Kusolan lan mai tondok Mesir, lako misa’ tondok, tu mangka Kutonnoranni, tu sebo pangandu’ sia tani’ enoan; iamo misa’ belo dio lu mintu’ tondok.

DANIEL 11:16

Iatu to ullaoi la umpogau’ lalan inaanna sia moi misa’ tau tae’ natananni bendan mangea; sia la matoto’ bendan lan Tondok ballo; na iatu a’gan ma’kasanggang lan limanna.

DANIEL 11:21

Sia la bendan misa’ to matuna ussondai, tu tae’ naia dipamanassa la dinii ussorong kapayungan lako kalena; tae’ nadikapang nasae sia la urrampai tu kadatuan tete dio pa’pakena.

DANIEL 7:8

Iatongku marassan umpenunui tu tanduk iato, ta’kala anna tuomo tu misa’ tanduk bitti’ lan alla’na, tu untumangi nadilampi’i tallu tanduk dio mai tanduk dolo; kutiro lan tanduk iato, nanii mata susi mata tolino sia puduk ussa’bu’ bang kada matampo.

ZAKHARIA 7:14

Iamoto la Kupamurru’i tu tau iato mai susi angin bara’ lako ma’rupa-rupa bangsa, tu tae’ natandai, sia la disanggang tu tondok naboko’i, naurunganni moi misa’ tau tae’mo lu lako lu dio mai lan tondok iato. Susimoto tu tau iato mai umpopempadang lo’bangi tu tondok maballo.