DANIEL 8:8 - Sura' Madatu

⁸ Iatu bembe’ laki umpatarompo’ tongan kalena, apa iatonna paamo, le’tomi tu tanduk kapua, anna tuo tu a’pa’ tanduk kalle-kallean dio inanna, tu tingo lako a’pa’ mata angin dao langi’.

DANIEL 8:8 ပူးပေါင်းရင်းမြစ်များ

2 OSSORANNA DATU 26:16

Apa iatonna makuasamo matampomi tu datu, naurunganni ma’gau’ kadake tongan sia tae’mo namaruru’ lako PUANG, Kapenombanna, iamotu tama banua kabusunganNa PUANG la untunu dupa dao inan pemalaran pantunuan dupa.

ESTER 9:4

Belanna iatu Mordekhai tarompo’mo lan tongkonan layukna datu sia kaleleammo lan lu mintu’ propinsi, ondongpi iatu Mordekhai, pia muane iato, samasai-sainna sakendek-kendekna kapaanna.

YEREMIA 49:36

Sia la Kuparampoi a’pa’ matanna angin dio mai a’pa’ tetukna langi’ tu Elam sia la Kupatisambo’-sambo’ tu tau iato mai lako mintu’ kabu’tuan angin, naurungan moi misa’ bangsa, tae’ tu tang nanii rampo to Elam dirambai lako.

YEREMIA 5:27

Susi toban ponno manuk-manuk, susi dukamoto tu banuanna ponno pa’pakena, iamoto napobannangi mala’bi’ sia sugi’;

YEHEZKIEL 16:7

Kupamaloborangko susi riu dio lu padang, ammu lobo’ sakapua-puana sae lako dadi anak dara ballo; kapuamo tu susummu sia lobo’mo tu bulummu; apa ma’kambelangpoko sia ma’kale-kale.

YEHEZKIEL 28:9

La ma’kada siaporokoka kumua: akumora te tu misa’ deata – moi ammu tolino, tangia misa’ deata –, ke dioko tingayona to umpateiko sia lan kuasanna tu mai to untobokko?

DANIEL 11:4

Apa mane bendan, nata’pa la dipokamo tu kadatuanna, sia ditaa lako a’pa’ mata angin dao langi’, apa tae’ nalako bati’na, sia tae’ nakuasa susito mangkanna natoe, belanna iatu kadatuanna la disialai sia tobang lako to senga’, tangia tau iato mai.

DANIEL 4:31

Tae’ bangsiapa naupu’ nasa’bu’ dio randan dipudukna datu tu kada iato, denmi gamara dao mai langi’ nakua: Dipokadangko, datu Nebukadnezar, kumua: iatu kadatuammu sisayurammoko.

DANIEL 5:20

Apa iatonna pamadaomo penaanna sia umpamakarra’ pa’inaanna, naurunganni matampo, iamoto nadisuale dio mai isungan kapayunganna, sia sisayurammo kamala’biranna.

DANIEL 7:2

Ma’kadami tu Daniel nakua: Iatonna bongi kutiro lan patiro mendeata, songlo’ tu a’pa’ angin dao mai langi’ umpatigega’ tasik kapua;

DANIEL 7:6

Undinnato kutiro tu misa’ olo’-olo’ senga’ susi misa’ arimau bulu, a’pa’ tu pani’ manuk-manuk dao boko’na sia a’pa’ tu ulunna; disorongmi lako tu kaparentan.

DANIEL 8:22

Le’tomi tu tanduk kapua iato, nabu’tu a’pa’ sondana, iamotu a’pa’ kadatuan la bu’tu lan mai bangsa iato, apa tae’ anna matoto’ susi datu bunga’na.

DANIEL 8:5

Apa iatongku marassan umpemarangai, kutiromi tu misa’ bembe’ laki sae dio mai rampe matampu’ umpasitarru’-tarru’ mintu’ kuli’na padang, tang ullese padang; na iatu bembe’ laki iato misa’ tu tandukna kalle-kallean tuo lan mai kasiallaran matanna.

DANIEL 8:7

Kutiromi mengkareke’ tarru’ lako domba iato, sengkean tongan ussendokki, nale’toi tu tandukna patomali, naurunganni tae’mo kamabukuanna tu domba la bendan unneai; napembassanammi tu domba rokko padang, anna lullu’ bannangi, na moi misa’ tau tae’ urrampananni lan mai kuasanna.

MATIUS 24:31

Anna ussua malaeka’Na umpannoni tarompe’ pua, kapua oninna, sia urrampun mintu’ to NapileinNa dio mai matallo matampu’, lo’ mai engkokna padang sae rekke ulunna langi’, tempon dio mai randanna langi’ sae lako randan sangsesena.

MARKUS 13:27

Namane ussuai tu malaeka’Na sia urrampunni tu mintu’ to Napilei dio mai matallo matampu’ lo’ mai engkokna padang sae rekke ulunna langi’, dio mai randanna lino sae lako randanna langi’.

PA’TOLE 31:20

Belanna la Kusolan tu tau iato mai lako tondok, tu mangka Kuallu’ lako nene’ to dolona Kupalaoi sumpa, tondok sebo pangandu’ sia tani’ enoan. La kumande sadia’na sia ma’pelompo, apa la sumepang lako kapenomban senga’ sia napengkaolai. Na iatu Aku la napamatuna sia iatu basseKu la napoka.

KADA OMBO’ LAKO RASULU’ YOHANES 7:1

Undinnato kutiromi tu a’pa’ malaeka’ bendan dio tetuk a’pa’na lino, untampang a’pa’ mata angin, kumua da namangiri’ tu angin lan lino ba’tu lan tasik ba’tu moi dio lu to’ garonto’ kayu.