DANIEL 8:4 - Sura' Madatu

⁴ Kutiro tu domba laki iato messendok ma’palulako matampu’, sia ma’palurekke sia ma’palusau’, tae’ misa’ olo’-olo’ ungkulle untanananni; sia tae’ misa’ tau ungkullei merrampanan lan mai limanna, sia umpogau’ bang lalan penaanna sia umpalayuk kalena.

DANIEL 8:4 ပူးပေါင်းရင်းမြစ်များ

1 DATU 22:11

Iatu Zedekia, anakna Kenaana, mangkamo unggaragan kalena tanduk bassi, anna ma’kada nakua: Inde sia tu kadanNa PUANG: Tete dio te apa iate la miserokanni tu Aram sae lako misabu’ina nasang tu tau iato mai.

AYUB 10:7

moi amMi tandai, kumua tae’ angku sala, sia moi misa’ tau tae’ nama’din ullendokanni lan mai limamMi?

PA’PUDIAN 44:5

Kamumo tu Datungku, o Puang Matua; ma’kadamoKomi anna dilendokan tu Yakub.

PA’PUDIAN 50:22

Parinaai tu iannate, e kamu to tang ungkilalai Puang Matua, da angKu se’bu-se’bukomi, sia tae’ misa’ tau umbelai untindokkomi.

PA’PUDIAN 7:2

O PUANG, Kapenombangku, mati’ Kalemi kunii sande’, lendokanna’ dio mai mintu’ to unnula’na’ sia rampananna’.

YEHEZKIEL 34:21

Belanna miparussunni sa’demi sia palempengmi tu tang nabelanna sia mipaserokki tandukmi sae lako miula’ lako salian,

DANIEL 11:16

Iatu to ullaoi la umpogau’ lalan inaanna sia moi misa’ tau tae’ natananni bendan mangea; sia la matoto’ bendan lan Tondok ballo; na iatu a’gan ma’kasanggang lan limanna.

DANIEL 11:36

Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

DANIEL 5:19

Na diona tu kuasa kapua Nakamaseanni Puang, anna mintu’ bangsa sia to sangpetayanan sia ma’rupa-rupa basana ma’parondo penaanna ungkataku’i, belanna minda-minda tu la napatei, manassa napatei, minda-minda tu la napatuo, manassa napatuo, minda-minda tu la napamatande, manassa napamatande, minda-minda tu la napamadiongan, manassa napamadiongan.

DANIEL 5:30

Iatonna bongi ia bangsiamoto, napateimi tau tu Belsazar, datu to Kasdim.

DANIEL 7:5

Kutiromi tu misa’ olo’-olo’ senga’, tu ma’penduanna, susito misa’ beruang; bendanmi natumbiring sangpiak, ussamang tallu usuk lan to’ alla’ isinna; anna ma’kada tu tau ungkuanni: ke’de’ko kandei tu duku’ buda.

DANIEL 8:7

Kutiromi mengkareke’ tarru’ lako domba iato, sengkean tongan ussendokki, nale’toi tu tandukna patomali, naurunganni tae’mo kamabukuanna tu domba la bendan unneai; napembassanammi tu domba rokko padang, anna lullu’ bannangi, na moi misa’ tau tae’ urrampananni lan mai kuasanna.

MIKHA 5:8

Iatu limammu la matande daona lu mintu’ to unneako, sia mintu’ ualimmu la dipisanni.

PA’TOLE 33:17

Iatu bunga’na sapinna unnampui kamala’biran sia iatu tandukna iamo tanduk sapi laki lampung; iamo la natandukanni tu mai bangsa, mintu’ randan langi’. Iamote tu ma’pulo-pulo sa’bunna Efraim sia iamote tu ma’sa’bu-sa’bunna Manasye.