DANIEL 8:3 - Sura' Madatu

³ Iatongku bangunammi tu matangku, kutiromi, tonganna den misa’ domba laki kutiro bendan sambalinna lu salu; den tu tandukna da’dua, kalando dua tu tandukna, iatu misa’ mandu kalando na iatu misa’na, iatu kalandona undi tuo.

DANIEL 8:3 ပူးပေါင်းရင်းမြစ်များ

1 OSSORANNA DATU 21:16

Mentingarami tu Daud natiroi tu malaeka’Na PUANG bendan dio kasiallaranna langi’ na tana, sitangke pa’dang tinonok, umpopange’te’ limanna lako Yerusalem; attu iato tukkumi menomba rokko padang tu Daud sola tu mai pekaamberan umpennammu’ karoro’.

EZRA 1:2

Inde sia tu kadanna Koresh, datu Persia nakua: Mintu’ kadatuan dao te kuli’na padang Nakamaseammo’ PUANG, Kapenombanna langi’, sia Napasanmo’ la umbangunanNi misa’ banua dio Yerusalem, lan Yehuda.

EZRA 4:5

Sia napappe’ tu ba’tu pira-pira pa’bisara umbalii tu tau iato mai, kumua anna dampai tu tanan penaanna tempon tuona Koresh, datu Persia, sae lako tonna ma’parenta Darius, datu Persia.

ESTER 1:3

Iatonna taun ma’pentallun kadatuanna, napadenammi datu pa’maruasan tu mintu’ arungna sia to mase’ponna; iatu pangulu surodadunna Persia sia Media sia to mala’bi’ sia iatu mai arungna propinsi ma’dio ren nasang dio olona datu.

YESAYA 13:17

La Kupare’dek ara’na tu to Madai unnea tau iato mai, tu misa’ bangsa tang ungkabudai salaka sia tang ungkaduangi bulaan.

YESAYA 21:2

Misa’ patiro mendeata metakuran dipaomboranna’: To ungkalo’tokan tondok tonang ungkalo’tokan tondok, to pasanggang tonang pasanggangan. Ke’de’ko male, e Elam! Tiangka’ko manglio, e Madai! Mintu’ sarro Aku umparadanni.

YESAYA 44:28

Kukua lako Koresh: Kupotomanglaako, la naturu’ duka tu mintu’ pa’poraiangKu, belanna nakua lako Yerusalem: La dibangunko sule sia la diparandanganni tu Banua Kabusungan.

YEREMIA 51:11

Asami tu tinaran, toemi tu balulang! PUANGmo umpatiakka’i tu penaanna mintu’ datu Media, belanna lanmo penaanNa Puang la ullaoi sia ussanggangi tu Babel; belanna iamote tu pa’bala’Na PUANG, iamotu pa’bala’Na diona banua kabusunganNa.

DANIEL 10:5

kubangunammi tu matangku, angku tiroi den tu misa’ tau ma’pakean lenang ma’beke’ bulaan dio mai Ufaz.

DANIEL 2:39

Undinna nakamu la bu’tu misa’ kadatuan senga’, tu tae’ napada kamala’birammi; namane misa’ kadatuan senga’ pole’o, iamotu ma’pentallunna, tu tambaga, iamoto tu la umparenta mintu’ lino.

DANIEL 6:28

Iamo parampanan sia pakarimmanan sia Ia umpaden tanda kalle-kallean sia tanda mangnga dao lu langi’ sia dao kuli’na padang. Iamo mangka urrampanan Daniel lan mai kuasa singa.

DANIEL 7:5

Kutiromi tu misa’ olo’-olo’ senga’, tu ma’penduanna, susito misa’ beruang; bendanmi natumbiring sangpiak, ussamang tallu usuk lan to’ alla’ isinna; anna ma’kada tu tau ungkuanni: ke’de’ko kandei tu duku’ buda.

DANIEL 8:2

Kutiromi lan patiro mendeata, – diona’ kota Susan ditambakuku dio propinsi Elam, tongku tiroi tu iannato, – kutiro lan patiro mendeata iato, kumua, diona’ biring salu Ulai.

DANIEL 8:20

Iatu domba laki, tu mangka mutiro, da’dua tandukna, umpatu datu Media sola Persia.

ZAKHARIA 1:18

Ta’kala kubangunanmi tu matangku, kutiroi den tanduk a’pa.

ZAKHARIA 2:1

Kubangunanni tu matangku, angku tiroi misa’ muane untoe ulang pesuka’.

ZAKHARIA 5:1

Kubangunan pole’omi tu matangku, angku tiroi, tonganna den misa’ sura’ tilulun mettia’.

ZAKHARIA 5:5

Mangkato saemi mengkareke’ tu malaeka’ kusipa’kadan sia ma’kada lako kaleku nakua: Bangunanni tu matammu ammu tiroi tu apa tassu’ totemo.

ZAKHARIA 5:9

Kubangunammi tu matangku kutiroi, den da’dua baine mengkareke’, umballa’ pani’na lan angin, belanna ma’pani’ susi tambolang. Anna angka’i tu epa iato tama alla’na langi’ na lino.

ZAKHARIA 6:1

Kubangunan pole’omi tu matangku, kutiroi den a’pa’ kareta tassu’ lan mai alla’na da’dua buntu. Na iatu buntu iato, buntu tambaga.

KADIBILANGAN 24:2

Iatonna bangunanni Bileam tu matanna, sia natiro tu to Israel ma’tenda unturu’ sukunna. Narampoimi PenaanNa Puang Matua.

YOSUA 5:13

Den pissan tonna sikandappi’ Yerikho tu Yosua, nabangunanni tu matanna, mangngami, bendan tu misa’ tau nasitingoan untoe pa’dang tinonok. Nareke’mi Yosua lako nakutanai, nakua: Lu diorokomika mai kaleki ba’tu dio mai ualingki.

KADA OMBO’ LAKO RASULU’ YOHANES 13:11

Kutiromi misa’ olo’-olo’ masuru senga’ sun diong mai padang, da’dua tandukna susi tanduk Anak domba; ma’kada susi naga.

KADA OMBO’ LAKO RASULU’ YOHANES 5:6

Kutiromi lan tangnga-tangnga isungan kapayungan sia a’pa’ a’gan kepenaa sia lan tangnga-tangngana mintu’ penatua ke’de’ misa’ Anak domba, butung to mangkamo direre’, pitu tandukna, sia pitu matanna, iamotu pitu PenaanNa Puang Matua, tu mangka disua lako mintu’ lili’na’ lino.