DANIEL 8:17 - Sura' Madatu

¹⁷ Saemi dio tu kuninna bendan; iatonna saemo, tirambanmo’ angku tukku rokko padang, apa ma’kada lako kaleku nakua: Tandai, e ma’rupa tau, kumua iate patiro mendeata iate umpatu attu ma’katampakanna lino.

DANIEL 8:17 ပူးပေါင်းရင်းမြစ်များ

KADADIAN 17:3

Malinguntu’mi tu Abram natukku rapa’ rokko padang; ma’kadami tu Puang Matua lako kalena Nakua.

YEHEZKIEL 1:28

Susito tindak sarira ditiro, tu paan lan gaun, ke palauranni, susito tu rupanna tu arrang untikui tu api. Susimoto tu rupa dinii umpa’peomboran kamala’biranNa PUANG. Iatongku tiromi to, lumbangmo’ rokko padang, angku rangii misa’ gamara Ma’kada.

YEHEZKIEL 2:1

Ma’kadami lako kaleku Nakua: E ma’rupa tau, millikko ammu bendan, belanna la Kupa’kadaiko.

YEHEZKIEL 44:4

Nabaamo’ lako babangan rampe daanna lu, lako tingayo banua: kutiromi tonganna iatu kamala’biranNa PUANG umponnoi banuanNa PUANG; tukkumo’ rokko padang menomba.

YEHEZKIEL 6:2

E ma’rupa tau, mentingo lu lakoko buntunna Israel, ammu ma’nubua’ diona kasangganganna, kumua:

DANIEL 10:11

Ma’kadami lako kaleku nakua: E Daniel, to tarru’ dipakaboro’, palan penaai te kada la kupokadangko sia bendanko, belanna totemo disuana’ sae lako kalemu. Iatonna pokadai te iannate lako kaleku, bendanmo’ ma’parondo.

DANIEL 10:16

Apa kutiro denmo misa’ apa susi rupa tolino ungkaka’ pudukku; kubungka’mi tu pudukku sia kuparanduk ma’kada angku kuai lako tu to bendan dio tingayoku, kukua: O Puang, ta’pa napamasakina’ te patiro mendeata iate, sia tae’mo kamabukuan torro lan kaleku.

DANIEL 11:27

Iatu datu iato sola duai pada ma’tangnga’ kadake lan penaanna sia ianna unno’ko’ dio misa’ meda pada la ma’kada tang tongan, apa tae’ nala dadi tu nasanganna, belanna tae’pa nalambi’i tu ma’katampakanna sae lako attu dipamanassa.

DANIEL 11:40

Apa iake attu ma’katampakannai la sae tu datu rampe Lo’na lu urrarii tu datu rampe Daanna lu, anna iatu datu rampe Daanna lu la ullaoi umbaa kareta sia pakkanarang sia kappala’ buda; la tama ullaoi tu tondok iato sia samasai-sainna ma’parekan susito uai saba’.

DANIEL 12:13

Apa iko, e Daniel, malemoko umpellambi’i lampakmu sia melayoko mumane malimbangun untimang dalle’mu, ke allo ma’katampakanna.

DANIEL 12:4

Apa iko, e Daniel, nannai te mintu’ kada iate sia ca’i te Sura’ sae lako attu ma’katampakanna; buda tu tau la unnunnungi sia iatu kapaissanan la sakerangngan-rangnganna.

DANIEL 2:46

Attu iato lumbangmi sae rokko padang tu datu Nebukadnezar sia umpenombai Daniel; sia mesua duka umpennoloanni pemala’ sia dupa.

DANIEL 7:16

Kupengkareke’imi tu tau iato misa’, tu bendan inde to dio, angku kutanai manassana te mintu’na apa iate; ma’kadami lako kaleku sia napokadanna’ battuananna te mintu’ apa iate.

DANIEL 8:15

Iatongku tiroi, te aku Daniel, tu patiro mendeata iato sia moraimo’ la unnissanni tu battunanna, pakalan bendanmi dio tingayoku tu misa’ tau tu susi bang misa’ muane.

DANIEL 8:19

sia ma’kada nakua: Manassa la kupokadangko tu apa la dadi, ke katampakanna kare’dekan ara’, belanna iatu patiro mendeata iato umpatu manassana attu ma’katampakanna.

DANIEL 8:27

Sia aku te, Daniel, langga’mo’ sia ba’tu pirang-pirang allomo’ masaki; undinnato milikmo’, angku pengkaranganni tu datu. Napussakkimo’ te patiro mendeata iate, apa moi misa’ tau tae’ untandai.

DANIEL 9:23

Iatonna bunga’ pengkamoyamu, tassu’mi misa’ kada sia saemo’ umpokadangko, belanna ikomo tu tarru’ dipakaboro’. Palan penaai tu kada iato sia pariba’tengi tu patiro mendeata.

DANIEL 9:27

Sia la napamabanda’ tu basse lako buda tau lan sangminggu; iatonna ma’tangngana minggu la napa’dei tu pemala’ pangrere’ sia iatu kande dipemalaran; anna dao pani’ megi’giran la sae tu misa’ to ma’kasanggang sia manassa la nasanggang sae lako tappunna, sia iatu apa dipamanassa la dibarrakan dao apa sanggang.

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

MATIUS 17:8

Iatonna bangunammo matanna tinde tau, tae’ bangmo misa’ tau nakita, Yesu mannamo misa-misa.

KADA OMBO’ LAKO RASULU’ YOHANES 1:17

Iatongku tiromi, songkamo’ rokko to’ lentekNa susito mate. Naremme’mo’ lima kananNa, nama’kada Nakua: Da mumataku’. Akumo tu pamulanna sia ma’katampakanna,

KADA OMBO’ LAKO RASULU’ YOHANES 22:8

Akumo Yohanes tu urrangii sia untiroi tu mintu’na te. Iatongku rangimi sia kutiromi, tukku dukamo’ umpenombai tu malaeka’ umpakitan nasangna’ tu mintu’ apa iato.