DANIEL 7:9 - Sura' Madatu

⁹ Iatongku marassan umpenunui, dipabendanmi tu ba’tu pira-pira isungan kapayungan. Nanii misa’ ToKaubanan; iatu tamangkaleNa mabusa susito ambun makko sia iatu beluakNa mapute susi bulu domba; api ma’lana-lana tu isungan kapayunganNa sia api dukku tu lentenanna.

DANIEL 7:9 ပူးပေါင်းရင်းမြစ်များ

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

2 OSSORANNA DATU 18:18

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

PA’PUDIAN 45:8

Mikamali’ tu kamaloloan ammi sayu kakelokan; iamoto, o Puang Matua, anna bolloikomi minna’ Kapenombammi, tanda kasendean, Napalosongkomi na iatu mai solami.

PA’PUDIAN 90:2

Tonna tang dikombongpa tu buntu, sia tonna tae’pa amMi randukki tu kuli’na padang anna lino, tempon dio mai landa’ lako attu disituran-turananni. Inang Kamumo tu Puang Matua.

PA’PUDIAN 93:2

Inang tempon diopa mai anna titanan batu katonan tu isungan kapayunganMi; sia inang tempon dio duka mai amMi den.

YESAYA 6:1

Iatonna taun namatean datu Uzia, payanmi lako kaleku tu Puang unnisung dao isungan kapayungan masuanggana sia mala’bi’, na iatu Banua Kabusungan nasitutu’i rombe-rombe bayunNa.

YESAYA 9:6

La kapua tu parentaNa sia tae’ upu’na tu kamarampasan dao isungan kapayunganna Daud sia lan nalili’ parentaNa, la Napabantang sia Naparandanganni katonganan sia kamaloloan randuk totemo tontong sae lakona; kamamaliranNa PUANGna mintu’ ma’dandan maritik la umpogau’i tu ianna te.

YEREMIA 49:38

Sia Kupaunnisung tu isungan KapayungangKu dio Elam sia Kuroto’i inde to dio tu datu sia mintu’ arung, kadanNa PUANG.

YEHEZKIEL 1:26

Dao apa tiampa’ dao ulunna, den tu apa ditiro susi parimata lasuri’, tu ma’rupa isungan kapayungan; na dao apa susi isungan kapayungan nanii unnisung tu ditiro ma’rupa tau.

DANIEL 7:13

Tontongmi kupenunu lan patiro mendeata tonna ibongi sia kutiro den misa’ tu susi anak rampan dilino sae sola gaun dao langi’; anna male lako ToKaubanan sia dipopengkareke’ lako oloNa.

DANIEL 7:22

sae lako saena tu To Kaubanan, anNa sanda tonganni tu to maserona Puang Patodoranna sia mengkareke’mo tu attunna, ke natarimami to masero tu kadatuan.

MIKHA 5:2

Iamoto la Nasa’biangan Puang tu tau iato mai sae lako attu, kumua iatu tau la kianak, kianakmo. Attu iato iatu to torropa tu siulu’na la sule sola to Israel.

HABAKUK 1:12

O PUANG, tae’raka na Kamu tu Kapenombangku tempon dio mai sia To maseroku? Tae’ kila mate. O PUANG, Kamumo umpadenni tu tau iato mai la mangukung, sia o Buntu Batu, Kamu umpamanassai tu tau iato mai la umpalalo peada’.

MATIUS 17:2

Membalimi tu rupanNa dio tingayona tinde tau, naparrang tu lindoNa susi allo, sia iatu pakeanNa mandu mabusssang susi arrang masiang.

MATIUS 28:3

Iatu rupanna susi kila’, na iatu pakeanna mabussang susi bua uran.

MARKUS 9:3

Iatu pakeanNa pandillak-dillak lendu’ mabussangna; moi misa’ to mamusuk lan lino tae’ duka umbelai umpemabussangi susito.

PENGGAURANNA RASULU’ 2:30

Apa belanna ia misa’ nabi anna issanni tu Nasibasseinna Puang Matua kumua misa’ to sun dikalena, tarukna la Napaunnisung dao isungan kapayunganNa,

PENGGAURANNA RASULU’ 2:33

Iatonna pamalangka’mi lima kananNa Puang Matua sia Natarima dio mai Ambe’ tu Penaa Masallo’ diallu’, Natua’mi tu Penaa iato susite mikita sia mirangi.

FILIPI 3:9

sia lan kasiturusanNa kunii payan, kumua tangia kamaloloangku kalena tu lu diona mai tuntunan Sukaran aluk, sangadinna kamaloloan tete dio kapatonganan lako Kristus, iamotu kamaloloan lu dio mai Puang Matua umpolalan kapatonganan.

1 TIMOTIUS 6:16

Tu Ia manna unnampui tu tang mate, sia unnesungi arrang tang dirandan, tu tae’ lenpa tau untiroi ba’tu ma’din untiroi, na mintu’na kamala’biran sia kapaan matontongan lu lako nasang Kalena! Amin.

1 YOHANES 1:5

Iamote tu kadanNa tu mangka kirangi dio mai Kalena, angki pa’peissananni lako kalemi, kumua iatu Puang Matua Iamo kamasiangan, sia inang tae’ kamalillinan lan Kalena.

KADA OMBO’ LAKO RASULU’ YOHANES 1:14

Iatu ulunNa sia beluakNa mabusa, susi bulu domba mabusa, sia susi ambun makko; na matanNa susi dukku api.

KADA OMBO’ LAKO RASULU’ YOHANES 19:18

dikua ammi kandei tu duku’na mintu’ datu, sia duku’na pangulu sangsa’bu surodadu, sia duku’na to lalong, sia duku’na mintu’ darang na mintu’ tu to ussakei, sia duku’na mintu’ tau, la to makaka, la kaunan, la bitti’ la kapua.

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

KADA OMBO’ LAKO RASULU’ YOHANES 4:2

Ta’pa narampoimo’ a’gan Penaa, napayan tu isungan kapayungan tongkonan dao suruga, sia iatu To unno’ko’ dao isungan kapayungan iato.