DANIEL 7:7 - Sura' Madatu

⁷ Undinnato kutiromi lan patiro mendeata tonna ibongi, kutiro misa’ olo’-olo’, tu ma’penna’pa’na, metakuran, mekarrangan bulu sia lendu’ matoto’na; sia iatu isi bassinna kapua: nakandemi sia nakaru’tukki tu mintu’ apa, na iatu sesanna nalullu’-lullu’ lentekna; sisengaran bang tu mintu’ olo’-olo’ dolonamo, sia sangpulo tu tandukna.

DANIEL 7:7 ပူးပေါင်းရင်းမြစ်များ

2 SAMUEL 22:43

Kunisak-nisak tu tau iato mai butung to barra’-barra’ dio lu padang, kulullu’-lullu’ sia kupolungganak ten to so’mak dio lu lalan.

AYUB 41:14

Iatu duku’ ma’lemongna manda’ sikande, ma’dak tongan dio kalena susito pa’kombong.

YEHEZKIEL 40:2

Lan patiro mendeata, tu Napaombo’ Puang Matua, Nasolammo’ lako tondok Israel, anNa patorrona’ dao buntu tarru’ malangka’, tu nanii bendan misa’ apa susi kota, rampe lo’na lu.

DANIEL 2:19

Attu iato dipaombo’mi lako Daniel tu rasia iato lan patiro mendeata tonna ibongi, anna pudi-pudi Daniel tu Puang Matua dao suruga.

DANIEL 7:13

Tontongmi kupenunu lan patiro mendeata tonna ibongi sia kutiro den misa’ tu susi anak rampan dilino sae sola gaun dao langi’; anna male lako ToKaubanan sia dipopengkareke’ lako oloNa.

DANIEL 7:2

Ma’kadami tu Daniel nakua: Iatonna bongi kutiro lan patiro mendeata, songlo’ tu a’pa’ angin dao mai langi’ umpatigega’ tasik kapua;

DANIEL 8:10

Satarompo’-rompo’nami sae langngan ma’dandan maritik dao langi’, nadao mai tu ma’dandan maritik, iamotu mai bintoen, naronnosan ba’tu pira-pira rokko lino, anna lullu’i.

DANIEL 8:22

Le’tomi tu tanduk kapua iato, nabu’tu a’pa’ sondana, iamotu a’pa’ kadatuan la bu’tu lan mai bangsa iato, apa tae’ anna matoto’ susi datu bunga’na.

ZAKHARIA 2:1

Kubangunanni tu matangku, angku tiroi misa’ muane untoe ulang pesuka’.

KADA OMBO’ LAKO RASULU’ YOHANES 12:3

Kaanan pole’omi misa’ tanda senga’ dao langi’, iamotu misa’ naga kapua dukku mararang, pitu ulunna sia sangpulo tandukna, sia pitu makota dao ulunna;

KADA OMBO’ LAKO RASULU’ YOHANES 13:1

Kutiro pole’omi misa’ olo’-olo’ masuru sun lan mai tasik sangpulo tandukna, sia pitu ulunna; na sangpulo makota dao tandukna, sia dao ulunna, disura’ ba’tu pira-pira sanga pa’kada solang.

KADA OMBO’ LAKO RASULU’ YOHANES 17:12

Sia iatu sangpulo tanduk mutiro iamo sangpulo datu tu tang untarimapa kadatuanna, apa kuasa susi datu-datu sisola olo’-olo’ iato sangte’te’ bangri.

KADA OMBO’ LAKO RASULU’ YOHANES 17:7

Nakuami tu malaeka’ iato lako kaleku: Ma’apari ammu mangngara? La kupokadangko tu rasia diona te baine, sia diona olo’-olo’ nasakei, tu pitu ulunna sia sangpulo tandukna.

KADA OMBO’ LAKO RASULU’ YOHANES 17:8

Iatu olo’-olo’ mutiro, dolona den apa totemo pa’demo, la kendek diong mai garonggong posi’ tana lambe’, namentama kasanggangan. Mintu’na tau lan lino tu randuk dio mai diparandanganninna te lino tu tang disura’ sanganna lan sura’ katuoan, la mangnga, ke natiroi tu olo’-olo’ tu dolona den, apa totemo pa’demo sia la bu’tu pole.