DANIEL 7:4 - Sura' Madatu

⁴ Iatu bunga’na susi singa sia kepani’ susi langkan maega. Iatongku marassan umpenunui, dilampi’i tu pani’na, anna diangka’ diong mai padang nadipabendan umpellesean lentekna susi tolino, nadipatamai penaa tolino.

DANIEL 7:4 ပူးပေါင်းရင်းမြစ်များ

2 SAMUEL 1:23

Iatu Saul sia Yonatan, tu naala penaanna sia nakamasei to buda lan katuoanna, tae’ duka nasitampe lan kamateanna. Mandu ia malinta’ sola duai anna langkan maega sia matoto’ anna singa.

AYUB 25:6

ondong pole’ tu tolino, ulli’ bangri, sia ma’rupa tau, kalinting bangri?

PA’PUDIAN 9:20

Ke’de’Komi, o PUANG, da napasau’ tu tolino, melo ke dipakannai ukungan tu mintu’ bangsa dio oloMi.

YEREMIA 25:38

Susito singa mangura untampemo pentiongananNa; iamoto iatu padangna tau iato mai mempadang lo’bangmo napobua’ kandean pa’dang pasanggangNa sia kare’dekanna ara’Na.

YEREMIA 4:13

Tiromi, kendekmo susi gaun tikembong; sia iatu mintu’ karetana butung angin bara’, na iatu mintu’ darangna mandu matira’ anna langkan maega: upu’ allota belanna sanggangmoki’.

YEREMIA 4:7

Iatu singa bendanmo lan mai to’ pangala’-ala’na, iatu to pasanggangna mintu’ bangsa ke’de’mo, tassu’mo lan mai inanna, la umpopempadang lo’bangi tu padangmu; mintu’ tondokmu la disabu’i, naurunganni tae’mo misa’ tau torro lan.

YEREMIA 48:40

Belanna nakua kadanNa PUANG: Tonganna la sae mettia’ susi langkan maega sia umballa’ pani’na daona lu Moab.

YEREMIA 49:19

Tonganna susi misa’ singa sun lan mai pangala’-ala’ makampunna Yarden, susi dukamoto tu uali ullaoi tu inan matoto’, belanna lan sangpekkappidian matari Kuula’imi tu tau iato mai inde to lan mai. Sia mindara tu dipilei tu Kuangka’ la umparentai? Belanna mindara tu padangKu sia mindara untuntun lalan poissanangKu, sia pangkambi’ umbara tu ungkullei bendan dio oloKu?

BATING 4:19

Mintu’ to unnula’ki’ matira’ ia anna langkan maega dao langi’, masarrang tongan unnula’ki’ dao buntu, sia naodo’ki’ dio lu padang pangallaran.

YEHEZKIEL 17:3

sia ma’kadako kumua: Inde sia tu kadanNa, Puangta PUANG Nakua: Den misa’ langkan maega kapua, mawatang pani’na, malinta’ pettia’na, makamban bulu pani’na sia ma’rupa-rupa, ta’pa dao Libanon, anna ala lolok kayu arasi’.

YEHEZKIEL 28:2

E ma’rupa tau, pokadanni arungna Tirus kumua: Inde sia tu kadanNa Puangta PUANG, Nakua: Belanna mupamatampo tu penaammu ammu ma’kada kumua: Akumo misa’ deata, untorroina’ misa’ banua deata lan atena tasik, – moi ammu misa’ tolino, tangiako deata –, sia umpapadako kalemu misa’ deata lan penaammu.

YEHEZKIEL 28:9

La ma’kada siaporokoka kumua: akumora te tu misa’ deata – moi ammu tolino, tangia misa’ deata –, ke dioko tingayona to umpateiko sia lan kuasanna tu mai to untobokko?

DANIEL 2:38

ondongpi tu mintu’ ma’rupa tau, tu umba-umba nanii torro sia mintu’ olo’-olo’ dao kapadanganna sia mintu’ manuk-manuk dao lu langi’. Nasorong nasangmo tama limammi sia Napadadikomi la umparentai tu mintu’nato, – kamumo tu ulunna, bulaan iato.

DANIEL 4:36

Attu ia bangsiamoto natibalik sule tu tangnga’ kinaangku, sule dukami lako kaleku tu kapayungangku sia kamala’birangku, anna tarompo’ tu kadatuangku; sae pole’omi umpennoloina’ tu mai pebangun ada’ku sia to ma’parentaku, sia diangka’mo’ sule tama kadatuangku, ondongpi mandu pole’ ia tu kamala’biran dikamaseanna’ anna dolona.

DANIEL 7:12

Iatu olo’-olo’ torronapa dialai tu parentana anna diben kamalamberan sunga’ sae lako attunna sia allona.

DANIEL 7:5

Kutiromi tu misa’ olo’-olo’ senga’, tu ma’penduanna, susito misa’ beruang; bendanmi natumbiring sangpiak, ussamang tallu usuk lan to’ alla’ isinna; anna ma’kada tu tau ungkuanni: ke’de’ko kandei tu duku’ buda.

MATIUS 24:28

Belanna umba-umba nanii batang rabuk, iamo nanii pa’duku’ sirampun.

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,

KADA OMBO’ LAKO RASULU’ YOHANES 13:2

Iatu olo’-olo’ kutiro susi arimau tamarang tu rupanna, sia lette’na susi lette’ beruang, sia kamorona susi kamoro singa. Nabenmi kamatotoranna naga, sia kao’koranna sia kuasa kapua.