DANIEL 7:23 - Sura' Madatu

²³ Ma’kadami susite nakua: Iatu olo’-olo’ ma’penna’pa’na iamotu kadatuan ma’penna’pa’na, tu la den dao kuli’na padang sia la sisengaran mintu’ kadatuan senga’, sia iamo la umpepurai mintu’ issinna lino sia la nalullu’-lullu’ sia nanisak-nisak.

DANIEL 7:23 ပူးပေါင်းရင်းမြစ်များ

DANIEL 2:40

Na iatu kadatuan ma’penna’pa’na la makarra’ susito bassi; susito bassi untesse sia unnisak-nisakki tu mintu’ apa; sia susito bassi umpoka-poka mintu’ apa, iatu kadatuan iato la untesse sia la unnisak-nisakki tu mintu’ kadatuan iato.

DANIEL 7:22

sae lako saena tu To Kaubanan, anNa sanda tonganni tu to maserona Puang Patodoranna sia mengkareke’mo tu attunna, ke natarimami to masero tu kadatuan.

DANIEL 7:24

Na iatu sangpulo tanduk battuananna: dio mai kadatuan iato la nanii bu’tu sangpulo datu, naundinna la bu’tu tu senga’na misa’, la sisengaran tu dolona, anna tallu datu la naputtai.

DANIEL 7:7

Undinnato kutiromi lan patiro mendeata tonna ibongi, kutiro misa’ olo’-olo’, tu ma’penna’pa’na, metakuran, mekarrangan bulu sia lendu’ matoto’na; sia iatu isi bassinna kapua: nakandemi sia nakaru’tukki tu mintu’ apa, na iatu sesanna nalullu’-lullu’ lentekna; sisengaran bang tu mintu’ olo’-olo’ dolonamo, sia sangpulo tu tandukna.

LUKAS 2:1

Den pissan tonna iato, sunmi parenta dio mai datu Agustus mesua ussura’ sanganna mintu’ tau lan parentana.