DANIEL 7:22 - Sura' Madatu

²² sae lako saena tu To Kaubanan, anNa sanda tonganni tu to maserona Puang Patodoranna sia mengkareke’mo tu attunna, ke natarimami to masero tu kadatuan.

DANIEL 7:22 ပူးပေါင်းရင်းမြစ်များ

PA’PUDIAN 149:5

La mela’tek mekasiri’ tu mintu’ to masallo’, sia sende paiman diong dali’ patindoanna.

YESAYA 63:4

Belanna iatu allo pa’pakkan lanmo penaangKu, na iatu taun kamangrampanangKu saemo.

DANIEL 7:18

Mangkato iatu Tomaserona Puang Patodoranna la untarima kadatuan, sia la umpomana’ kadatuan tontong sae lakona, ondongpi matontongan tontong sae lakona.

DANIEL 7:23

Ma’kadami susite nakua: Iatu olo’-olo’ ma’penna’pa’na iamotu kadatuan ma’penna’pa’na, tu la den dao kuli’na padang sia la sisengaran mintu’ kadatuan senga’, sia iamo la umpepurai mintu’ issinna lino sia la nalullu’-lullu’ sia nanisak-nisak.

MATIUS 19:28

Nakuami Yesu lako tinde tau: Tonganna tongan Kukua lako kalemi, iake dipaba’rui lino, to ke unno’ko’mi tu Anak rampan dilino dao isungan kapayungan mala’bi’Na, kamu duka te undinnamo urrundu’Na’, la unno’ko’ duka dao sangpulo dua isungan kapayungan sia urrengnge’ sangpulo dua sukunna to Israel.

2 TESALONIKA 2:8

Attu iapito namane dipasombo tu to umparri-parri kasalan, anna sanggangi penaa sun dio pudukNa Puang (Yesu) sia nasabu’i arrang kasaeanNa.

KADA OMBO’ LAKO RASULU’ YOHANES 1:6

sia umpadadiki’ misa’ kadatuan sia tominaa lako oloNa PuangNa sia Ambe’Na; lu lakomo Kalena tu mintu’ kamala’biran sia kapaan tontong sae lakona. Amin.

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

KADA OMBO’ LAKO RASULU’ YOHANES 5:10

Sia mangkamo Mipadadian Kapenombanta tu tau iato mai misa’ kadatuan sia tominaa, anna datui te lino.