DANIEL 7:1 - Sura' Madatu

¹ Iatonna taun pamulanna kadatuanna Belsazar, datu Babel, ma’tindomi tu Daniel sia natiro tu pentiro mendeata, tu bu’tu dio pentirona dao katindoanna. Nasura’mi tu tindo iato. Inde sia tu pamulanna tu kada iato.

DANIEL 7:1 ပူးပေါင်းရင်းမြစ်များ

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

KADADIAN 46:2

Iatonna bongi ma’kadami tu Puang Matua lako Israel lan patiro mendeata Nakua: E Yakub, Yakub. Ma’kadami Yakub nakua: Inde siana’, Puang!

AYUB 4:13

tongku mangka untiroi tu pentiro mendeata tonna bongi, angku ma’tangnga’-tangnga’, tonna kaleppeng-leppenganna tau.

YESAYA 30:8

Maiko totemo, surasanni dio tingayona tau iato mai lako misa’ papan batu sia sura’i te lan misa’ luntara’ anna tontong sae lakona.

YESAYA 8:1

Sia Nakuapa tu PUANG lako kaleku: Alako misa’ papan passurasan pua, sura’i passura’ biasa lako te kumua: Tang la marempamo unnala pangrampa, tang la malelanmo massarrin sisaling.

YEREMIA 23:28

Iatu nabi mangimpi la napokada tu pangimpinna sia iatu to nanii kadangKu la napokada situru’ kamanapparan; samaraka tu dalame anna gandung? kadanna PUANG.

YEREMIA 27:7

Sia mintu’ bangsa la mengkaola lako kalena sia lako anakna sia lako ampona sae lako nalambi’na attunna tu tondok iato la natalo ba’tu pira-pira bangsa matoto’ sia datu kapua.

YEREMIA 36:32

Ta’kala naalami Yeremia tu misa’ lulunan sura’ senga’, anna benni Barukh anakna Neria, to massura’, anna sura’i tama tu mintu’ kada nasa’bu’ Yeremia lan mai sura’ iato, tu naballa Yoyakim, datu Yehuda, sia narangannipa ba’tu pira-pira kada, tu pada issinna.

YEREMIA 36:4

Ta’kala natambaimi Yeremia tu Barukh anakna Neria, anna sura’i Barukh tama karattasa’ sanglulun tu mintu’ kada, tu mangka napokada PUANG lako kalena, nasa’bu’ Yeremia.

YEHEZKIEL 1:1

Iatonna taun ma’pentallungpulo, bulan ma’penna’pa’, allo ma’pellima bulan iato, tongku torro sola mintu’ to dipali’, dio randan salu Kebar, ta’kala anna tibungka’mo tu langi’, angku tiroi tu ba’tu pira-pira patiro mendeata, tu Napaombo’ Puang Matua.

YEHEZKIEL 40:2

Lan patiro mendeata, tu Napaombo’ Puang Matua, Nasolammo’ lako tondok Israel, anNa patorrona’ dao buntu tarru’ malangka’, tu nanii bendan misa’ apa susi kota, rampe lo’na lu.

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

DANIEL 2:1

Iatonna taun ma’penduan kaparentanna Nebukadnezar, ma’tindomi tu Nebukadnezar; napomagiangmi penaanna tu tindo iato, anna tang mamma’mo.

DANIEL 2:26

Ma’kadami tu datu lako Daniel, tu diganti Beltsazar, nakua: Ma’dinrokoka umpokadanna’ tu tindo mangka kutiro sola sembangna?

DANIEL 4:13

Kutiro lan patiro mendeata, tu bu’tu dio pentiroku dao katindoangku, kutiro den misa’ to ma’kampa, tau iato misa’ to maindan songlo’ dao mai langi’.

DANIEL 4:5

Ta’kala angku ma’tindo, kupotirambanni; iatu apa kutiro lan tindoku dao katindoangku sia iatu patiro mendeata, tu bu’tu dio pentiroku umpamagiangna’.

DANIEL 5:1

Iatu datu Belsazar umpadenan pa’maruasan sangsa’bu to ma’parentana; unniru’mi uai anggoro’ tu datu dio tingayona to sangsa’bu.

DANIEL 5:22

Apa kamu, Belsazar, anakna datu, tae’ mipamadiongan penaammi, moi ammi issanni te mintu’na te,

DANIEL 5:30

Iatonna bongi ia bangsiamoto, napateimi tau tu Belsazar, datu to Kasdim.

DANIEL 7:13

Tontongmi kupenunu lan patiro mendeata tonna ibongi sia kutiro den misa’ tu susi anak rampan dilino sae sola gaun dao langi’; anna male lako ToKaubanan sia dipopengkareke’ lako oloNa.

DANIEL 7:15

Tigiang tu penaangku lan ba’tengku, te aku, Daniel, sia napatirambanna’ tu mintu’ patiro mendeata, tu bu’tu dio pentiroku.

DANIEL 7:7

Undinnato kutiromi lan patiro mendeata tonna ibongi, kutiro misa’ olo’-olo’, tu ma’penna’pa’na, metakuran, mekarrangan bulu sia lendu’ matoto’na; sia iatu isi bassinna kapua: nakandemi sia nakaru’tukki tu mintu’ apa, na iatu sesanna nalullu’-lullu’ lentekna; sisengaran bang tu mintu’ olo’-olo’ dolonamo, sia sangpulo tu tandukna.

DANIEL 8:1

Iatonna ma’tallung taunmo ma’parenta tu datu Belsazar dipapayanmi lako kaleku, te aku Daniel, tu misa’ patiro mendeata, tonna mangkamo tu patiro mendeata dolo payan lako kaleku.

YOËL 2:28

Undinna dio mai to la dadi kumua la untuaranNa’ PenaangKu lako mintu’ ma’rupa tau, anna ma’nubua’ tu anakmi muane sia anakmi baine; sia iatu mai to matua-tuammi la ungkita tindo ma’rupa-rupa tindo sia iatu mai to mangurammi la ungkita ma’rupa-rupa patiro mendeata.

AMOS 3:7

Manassa tae’ Napogau’i Puangta PUANG tu mintu’ apa, ke tae’pi Napasamboi tu pa’timbanganNa lako taunNa, iamotu mintu’ nabi.

HABAKUK 2:2

Attu iato Napebaliimo’ PUANG Nakua: Sura’i te patiro mendeata iate sia pamarorronganni dao ba’tu pira-pira papan, kumua na iatu to lendu’ ma’din la umbasai.

KADIBILANGAN 12:6

Ma’kadami tu Puang Nakua: Perangimi tu kadangKu. Iake denkomi misa’ nabi, ma’din Kupasombo tu Kaleku lan patiro mendeata, ba’tu ma’kada lako kalena lan tindo.

ROMA 15:4

Belanna mintu’na tu apa disura’ dolomo, disurasammoki’ la mendadi pangadaran lako kaleta, kumua anna manda’ rannunta diona kama’tanan penaa sia diona pa’pakatana lan mai Sura’ Madatu.

2 KORINTUS 12:1

Sipatuna’ la massattuan, moi anna tae’ bua’na tu iannato. Apa la umpa’peissananna’ patiro mendeata sia kada pa’paombo’ dio mai Puang.

KADA OMBO’ LAKO RASULU’ YOHANES 1:19

Iamoto sura’i tu apa mangkamo mutiro sia tu apa denmo totemo te, sia tu apa la dadi undinna.

KADA OMBO’ LAKO RASULU’ YOHANES 10:4

Iatonna unnonimo tu guntu’ pitu, angku la ussura’i, kurangimi misa’ gamara dao mai langi’, nakua: Ca’i to apa mangka napokada pitu guntu’ sia dandi’ sura’i.