DANIEL 6:7 - Sura' Madatu

⁷ Mennolomi tu to maraa akkele’na datu sia mintu’ to maraa lompo lako datu sia ma’kada lako kalena umpalaku tonganni nakua: O datu Darius, namasakkemora tu datu sae lakona.

DANIEL 6:7 ပူးပေါင်းရင်းမြစ်များ

PA’PUDIAN 10:9

Mangaung dio to’ kabunianna butung to singa lan to’ kakayuanna; sia mangaung la undammak to dipandasa. Nadammakmi tu to dipandasa, nariu’i tama bundena.

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

PA’PUDIAN 59:3

Rampananna’ dio mai mintu’ to umpogau’ kakadakean, sia lendokanna’ dio mai mintu’ to umpato’do rara.

PA’PUDIAN 59:5

Tau iato mai lumumpa’ sae sia ma’kamandi’ moi anna tae’ salaku. Ke’de’Komi untunduina’, sia tiroi tu iannato.

PA’PUDIAN 62:4

Sangapaparokomi la umbala’-bala’ tau? Ammi dipasiapanan nasang sangtinti rinding la songka, sia tembo’ la rondon.

PA’PUDIAN 83:5

Nakua kadanna: Maikomi anta sabu’i nasangi tu tau iato, da nadadi len misa’ bangsa, sia da nadikilalai lenpa tu sanganna Israel!

PA’PUDIAN 94:20

Ma’apai amMi la siayoka isungan nanii tonang pasangganganna, tu melo salian naumpabu’tu kamaparrisan.

DANIEL 2:4

Ma’kadami tu to Kasdim lako datu (ma’basa Arami), nakua: Namasakkemora tu datu sae lakona! pokadanni taummi tu tindo iato, angki sembangi.

DANIEL 3:11

sia minda-minda tae’ nalumbang sae rokko padang sia menomba, la dipembuangan tama dapo’, nanii api ma’lana-lana.

DANIEL 3:2

Mesuami tu datu Nebukadnezar umpasirampunni sae tu mai to maraa lompo, pangulu, to maraa, pebangun ada’, sandan uai, to ma’paolai salu, sia to diala parea, iamotu mintu’ to ma’parenta lan propinsi, la ma’dio ren nasang, ke dirarai tu rapang-rapang dipodeata iato, tu napabendan datu Nebukadnezar.

DANIEL 3:27

Sirampunmi tu mintu’ to maraa lompo, pangulu, to maraa sia pebangun ada’na datu: natiromi iatu api tae’ nasau’i tu kalena tau iato mai iatu beluakna tae’ namampu’ len, iatu bayu lamba’na tae’ nale’ke’i api, ondongpi tae’ bang nabusasa.

DANIEL 3:6

Minda-minda tae’ nalumbang sae rokko padang sia menomba, ta’pa la dipembuangan tama dapo’, nanii api ma’lana-lana.

DANIEL 6:16

Naparuku tonganmi tau iato mai tu datu nama’kada lako nakua: La miissan datu, kumua iate misa’ atoran napondok to Media sia to Persia, tae’ nama’din disondai len tu misa’ atoran ba’tu parenta, tu mangkamo napatassu’ datu.

DANIEL 6:22

Mebalimi tu Daniel lako datu nakua: O datu, namasakkemora tu datu sae lakona.

MIKHA 6:5

E taungKu, kilalai tu apa natangnga’-tangnga’ Balak, datu Moab, sia iatu apa napebalian Bileam, anakna Beor, lako, sia apa dadi randuk dio mai Sitim sae lako Gilgal, kumua mukanassai tu katongananNa PUANG.

NAHUM 2:12

Umbara nanii tu singa, tu undammak pealanna la naben anakna sia untakessekki tu apa nadammak la naben birangna, sia umponnoi pangrampa tu lo’ko’na sia iatu inanna naponnoi apa nase’bu-se’bu?

MATIUS 12:14

Sunmi tu to Farisi la unnea Yesu sia sipakulu-kulu, kumua umba la nakua umpatei.

MATIUS 26:4

nasituru’imi la untangnga’ Yesu natingkanNi, kumua napatei.

MARKUS 15:1

Tae’pa bongi tonna la masiangmo nara’ta’mi pangulu tominaa sia pekaamberan sia pandita Sura’, iamotu mintu’ to ma’kombongan, napungoI tu Yesu, namale umbaaI, nasorongI lako Pilatus.

YOHANES 12:10

Nasituru’imi pangulu to minaa, la umpatei dukai tu Lazarus,