DANIEL 6:3 - Sura' Madatu

³ anna daona pole’o to maraa lompo iato den tu tallu to maraa akkele’na datu, iamotu Daniel misa’, tu nanii to maraa lompo iato umpatu’tunni tu passananna, kumua da anna rugi tu datu.

DANIEL 6:3 ပူးပေါင်းရင်းမြစ်များ

EZRA 4:22

Pengkilalai da mikasalioi te apa iate; matumbari nala sakerangngan-rangnganna te kakadakean iate, naurungan karugian tu mai datu?

NEHEMIA 7:2

Kuangka’mi tu Hanani siulu’ku sia Hananya, kamandang benteng, ungkampai Yerusalem, belanna iatu Hananya misa’ to matappa’ sia to ungkataku’ Puang Matua buda tau nalosongi.

ESTER 10:3

Belanna iatu Mordekhai, to Yahudi, mendampi’ lako datu Ahasweros; sia mala’bi’ dio lu mintu’ to Yahudi sia budai tu mai siulu’na ungkamali’i, belanna undakaran kameloan bangsana sia umpokadai tu napomaupa’na mintu’ sangbangsana.

SARAMBU PEADA’ 17:27

Minda-minda unnampui tangnga’ kinaa umpasilolongan melo buangan kadanna, sia iatu to mandalan pa’inaanna ma’timbang melo.

SARAMBU PEADA’ 22:29

Iammu tiroi tu misa’ tau malute lan pengkaranganna, manassa la diangka’ untoe pengkaranganna datu, tae’ nala umpentoean to tang mala’bi’.

TOMANGADA’ 2:13

Manassa kukanassaimo, kumua iatu kakinaan losong melona na iatu kabagan, susi kamasiangan losong melona na iatu kamalillinan.

DANIEL 5:12

Belanna lan kalena tu penaa liu matarru’, kapaissanan sia kamanarangan ussembang tindo sia umpabu’tu rasia sia ungko’ka’i ponto bannang, iamotu lan kalena Daniel, tu naganti datu, iamotu Beltsazar, iamoto melo ke ditambai tu Daniel, naia la umpokadai tu battuanna.

DANIEL 5:14

Kurangimoko, kumua naniiko penaa deata sia iatu penaammu naniimo arrang sia kamatarrusan sia kakinaan kapua tongan.

DANIEL 5:7

Metambami tu datu umpekapuai gamaranna, mesua ussolanni sae tu to ma’basa-basa, sia to Kasdim sia to pakita-kita. Ma’ kadami tu datu lako mintu’ to paissan lan Babel, nakua: Minda-minda ma’din umbasai te pangoki’ iate sia umpokadanna’ tu battuananna, la dipakei tamangkale lango-lango, sia dipaluangi manik bulaan tu barokona, sia iamo la ma’parenta lan kadatuan untoe pangka’ ma’pentallun.

DANIEL 9:23

Iatonna bunga’ pengkamoyamu, tassu’mi misa’ kada sia saemo’ umpokadangko, belanna ikomo tu tarru’ dipakaboro’. Palan penaai tu kada iato sia pariba’tengi tu patiro mendeata.