DANIEL 6:27 - Sura' Madatu

²⁷ Dio mai kaleku dinii umpatassu’ parenta, kumua mintu’ tau lan mintu’ lili’na kadatuangku la magiang sia mataku’ lako Kapenombanna Daniel, belanna Iamo Puang Matua matontongan, tu tang leluk sae lakona; iatu kadatuanNa tang la sanggang sia iatu parentaNa tae’ katappuranna.

DANIEL 6:27 ပူးပေါင်းရင်းမြစ်များ

AYUB 36:15

Tete dio kamandasanna Narampananni Puang tu to mandasa, sia tete dio kadipakario-rioan Nabungka’i tu talinganna.

PA’PUDIAN 145:13

Iatu kadatuamMi misa’ kadatuan matontongan sae lakona, sia iatu kapayungamMi tontong sipapa’.

PA’PUDIAN 18:48

Iamotu Kapenomban, mangka umpopembala’na’, sia Ia tu umpopengkanorongmo ba’tu pira-pira bangsa lako kaleku,

PA’PUDIAN 18:50

Iamoto angku la umpudiKomi, O PUANG, dio lu mintu’ bangsa, sia la kupenanian pa’pudian tu sangamMi.

PA’PUDIAN 32:7

Kamumo tu inan pentilindungangku, sia Mirinding pala’na’ dio mai kamaparrisan, mipaepunnina’ sengo la’tek makarimman.

PA’PUDIAN 35:17

O PUANG, sangapapoKomi la untiro-tiro bangi? Lendokammi tu deatangku dio mai kasangganganna, sia rampananni tu sunga’ tungga’ku dio mai mintu’ anak singa.

PA’PUDIAN 97:10

E kamu, mintu’ to ungkamali’ PUANG, la mikabiri’ tu kakadakean. Iamo urrinding pala’ deatanna mintu’ to masallo’Na. Sia urrampananni lan mai lisu pala’na to tang mekaaluk.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

DANIEL 4:31

Tae’ bangsiapa naupu’ nasa’bu’ dio randan dipudukna datu tu kada iato, denmi gamara dao mai langi’ nakua: Dipokadangko, datu Nebukadnezar, kumua: iatu kadatuammu sisayurammoko.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

DANIEL 6:20

Millikmi tu datu tonna tilalek masiang, mela’bik tongan anna madomi’ male lako to’ lo’ko’ singa.

YOHANES 4:48

Nakuami Yesu ungkuanni: Ianna tae’ mitiro tanda kalle-kallean sia tanda mangnga, tae’ mima’patongan.

PENGGAURANNA RASULU’ 4:30

amMi unne’te’ lima kuasamMi la umpamaleke tau, anna dadi tu mai tanda mangnga sia tanda kalle-kallean tete dio sanganNa Yesu To masallo’Mi.

IBRANI 2:4

mangka dukamo Nakatottongi Puang Matua tu iannato tete dio tanda kalle-kallean sia tanda mangnga sia ma’rupa-rupa kuasa sia diona kaumpa’kamaseanNa Penaa Masallo’ unturu’ pa’poraianNa.

1 SAMUEL 17:26

Ma’kadami tu Daud lako tu to nasikandappiran bendan, nakua: La dipatumbai tu to umpatei tu to Filistin iato dio, sia tu ussamboi siri’na to Israel? Na minda toda ia tu to Filistin tang disunna’i tu, anna unnape tuntunan surodadunNa Puang Matua matontongan?