DANIEL 6:25 - Sura' Madatu

²⁵ Mesuami tu datu, anna baai tau sae tu mai to umpa’parampoan Daniel, nadipembuangan tu tau iato rokko lo’ko’ singa, la kalena tu tau iato la iatu mai anakna sia bainena, natae’pa narampo melo rokko lo’ko’ iato, ta’pa nadammakmi mintu’ singa; iatu mintu’ bukunna puramo nanisak-nisak.

DANIEL 6:25 ပူးပေါင်းရင်းမြစ်များ

EZRA 4:17

Nabalikammi datu tu sura’ iato nakua: Salama’ku lako Rehum, to maraa, Simsai, pangulu to massura’, sia mintu’ sangpangka’ senga’na, tu torro dio Samaria sia dio lu mintu’ lili’ senga’na sambalinna lu Salu.

ESTER 3:12

Ta’kala natambaimi tu mintu’ to massura’na datu tonna allo ma’pessangpulo tallunna bulan bunga’na, sia disura’ tu sura’ susi tu napasan Haman lako mintu’ to maraa lompona datu, sia mintu’ to maraa dio lu mintu’ propinsi sia arungna mintu’ bangsa, lako mintu’ propinsi umpake passura’na siamo sia lako mintu’ bangsa umpake basana siamo; iatu sura’ iato mai disura’ tete dio sanganna datu Ahasweros sia dica’ sissin peca’na datu.

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

ESTER 8:9

Attu ia dukato tonna allo ma’duangpulo ntallu bulan ma’pentallunna – iamotu bulan Siwan – ditambaimi tu to massura’na datu, anna sura’i tu mintu’ apa napa’pepasanan Mordekhai, diparampo lako to Yahudi sia lako tomaraa lompo sia lako tomaraa sia lako arungna propinsi, randuk dio mai India sae lako Etiopia den saratu’ duangpulo mpitu propinsi, pantan simisa’ propinsi disura’ lan passura’na sia simisa’ bangsa disura’ lan basana, susi duka lako to Yahudi lan passura’na sia lan basana.

PA’PUDIAN 7:15

Tiromi, ungkia’tangan kakelokan tu tau iato mai, sia untambuk pa’pakario-rio, anna kianakan kamo’rangan.

PA’PUDIAN 9:16

Mintu’ bangsa mellambunmo rokko patuang lambe’ pambo’bokna, sia iatu lentekna nala’ka’i poya natanan buni.

SARAMBU PEADA’ 11:8

Iatu to malambu’ la dirampanan lan mai kapussakan, na iatu to tang mekaaluk tama ussondai.

DANIEL 3:4

Meolimi tu misa’ lentek maringan umpekapui gamaranna nakua: Inde sia tu parenta dipokadangkomi, e kamu mintu’ bangsa sia to sangpetayanan sia to ma’rupa-rupa basana, kumua:

DANIEL 4:1

Iate kada lu dio mai datu Nebukadnezar dipalanda’ lako mintu’ bangsa, to sangpetayanan sia to ma’rupa-rupa basana, tu untorroi mintu’ kuli’na padang, kumua la marampa’ tongankomi.

PA’TOLE 19:19

la mupogau’ lako kalena, susitu natangnga’ la umpogau’i lako siulu’na. Susimoto la munii umpa’dei tu kakadakean dio lu kamu,

1 PETRUS 1:2

tu ditonno’ situru’ paissan temponNa Puang Matua, Ambe’, Napamasallo’ Penaa lu lako kaumpengkaolaian Yesu Kristus sia pa’pi’pikan raraNa: denno upa’ anna sakerangngan-rangnganna tu pa’kamasean sia kamarampasan lako kalemi.

2 PETRUS 1:2

dennoupa’ anna sakerangngan-rangnganna tu pa’kamasean sia kamarampasan lako kalemi, diona kauntandaiammi Puang Matua sia Yesu, Puangta.

YUDAS 1:2

Dennoupa’ anna sakerangngan-rangnganna tu kamamasean sia kamarampasan na pa’kaboro’ lako kalemi.