DANIEL 6:24 - Sura' Madatu

²⁴ Attu iato sende tonganmi tu datu, anna mesua kumua la nariu’ tau tu Daniel diong mai lo’ko’; diriu’mi tu Daniel diong mai lo’ko’, na moi misa’ bangkena tae’ diapparan dio kalena, belanna sande’ lako Kapenombanna.

DANIEL 6:24 ပူးပေါင်းရင်းမြစ်များ

2 DATU 14:6

Apa iatu anakna tu to papatean, tae’ napatei, susitu disura’ lan sura’ Sukaran aluk tu natarima Musa, tu Namii PUANG mepasan, nakua: Tae’ nama’din dipatei tu mai ambe’ natumang anakna, sia tae’ duka nama’din dipatei tu mai anak natumang ambe’na, sangadinna pantan la dipatei natumang kasalanna kalena.

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

ESTER 9:10

iamotu sangpulo muane anakna Haman, anakna Hamedata, to ungkabiri’ to Yahudi, apa tae’ naparumbui lima tu pangrampa.

ESTER 9:25

Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

PA’PUDIAN 54:5

Belanna ba’tu pira-pira tu to tang unnissan battuan unneamo’, sia ba’tu pira-pira to masa’ga’ la ungka’tu sunga’ku, sia tae’ nakilalai tu Puang Matua lan penaanna. Sela

SARAMBU PEADA’ 11:8

Iatu to malambu’ la dirampanan lan mai kapussakan, na iatu to tang mekaaluk tama ussondai.

SARAMBU PEADA’ 19:9

Misa’ sa’bi tang tongan tae’ nala tang diukung, sia minda-minda umpenaan buttok, la sanggang.

YESAYA 38:13

Sae lako melambi’na kunii undaka’i tu kamanamanan. Susito singa tu Puang ulle’to mintu’ bukungku. Misa’bianganmo’ allo bongi.

YEREMIA 34:17

Iamoto nakua kadanNa PUANG: Belanna tae’ miperangiiNa’ la pada umpetamban katomakakan lako siulu’na sia lako solana, kadanNa PUANG, iamoto la Kupetamban tu katomakakan lako kalemi, la napotaa pa’dang sia ra’ba biang sia karorian sia la Kupadadikomi misa’ apa metakuran lako mintu’ kadatuan lan lino.

DANIEL 3:22

Belanna makarra’ tongan tu parentana datu, sia iatu api lan dapo’ dipopa’lana-lana liu, iamoto anna mintu’ tu to unnangka’ Sadrakh, Mesakh na Abednego, mate nadurru’ api.

PA’TOLE 24:16

Iatu mai ambe’ tae’ nala dipatei natumang anakna; susi dukato tu anak tae’ nala dipongko natumang ambe’na; pantan la dipongko natumang kasalanna kalena.