DANIEL 6:20 - Sura' Madatu

²⁰ Millikmi tu datu tonna tilalek masiang, mela’bik tongan anna madomi’ male lako to’ lo’ko’ singa.

DANIEL 6:20 ပူးပေါင်းရင်းမြစ်များ

KADADIAN 18:14

Denraka apa tang dadi ke PUANG? Iake attu susite taun pole’ la saeNa’ lako kalemu, la denmo pia muane nadadian Sara.

1 OSSORANNA DATU 16:11

Anga’i tu PUANG sia tuntunni tu matoto’Na; La tontongkomi undaka’i ammi pellambi’i oloNa.

PA’PUDIAN 119:112

Kupamalang tu penaangku la tontong umpogau’ apa Mipondok, landa’ sae lako ma’katampakanna.

PA’PUDIAN 146:2

La kupudi tu PUANG, angge tuoku, sia la kupakendekan pa’pudian tu Kapenombangku, ke ten siapa’ to.

PA’PUDIAN 73:23

Apa tontongna’ mase’pon dio Kalemi, sia manda’ Mitoe tu lima kananku.

YEREMIA 32:17

O Puangta PUANG, tonganna Kamumo umpadii tu langi’ sola lino tete dio kamatotoran kalle-kalleamMi sia tete dio takia’ tie’te’Mi; moi misa’ tae’ tu tang dadi dio Kalemi.

DANIEL 3:15

Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

DANIEL 3:17

Iake matoto’ siai tu Kapenombangki tu kipenombai la urrampanangkan, manassa la Narampanangkan lan mai dapo’ nanii api ma’lana-lana sia lan mai limammi, datu.

DANIEL 6:16

Naparuku tonganmi tau iato mai tu datu nama’kada lako nakua: La miissan datu, kumua iate misa’ atoran napondok to Media sia to Persia, tae’ nama’din disondai len tu misa’ atoran ba’tu parenta, tu mangkamo napatassu’ datu.

DANIEL 6:19

Mangkato sulemi tu datu lako tongkonan layukna, tang kumande to bongi iato, sia tae’ namesua umbaa paningoan tu la umpatibalik pa’inaanna, sia tang rapa’ bang mamma’.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

DANIEL 6:27

Dio mai kaleku dinii umpatassu’ parenta, kumua mintu’ tau lan mintu’ lili’na kadatuangku la magiang sia mataku’ lako Kapenombanna Daniel, belanna Iamo Puang Matua matontongan, tu tang leluk sae lakona; iatu kadatuanNa tang la sanggang sia iatu parentaNa tae’ katappuranna.

HOSEA 12:6

iamo tu PUANG, Kapenombanna mintu’ ma’dandan maritik, PUANG tu sanganNa.

KADIBILANGAN 11:23

Apa ma’kada tu PUANG lako Musa, Nakua: La kondi’raka limanNa PUANG? Totemo la mitiro, ba’tu landa’raka tu kadangKu lako kalemu, ba’tu tae’.

LUKAS 1:37

Belanna denraka tang dadi ke Napokadami Puang Matua?

LUKAS 18:1

Napokadan pole’omi Yesu misa’ pa’pasusian lako tinde tau la umpamalesoi, kumua, sipatu tau la massambayang nenne’, da narayang.

PENGGAURANNA RASULU’ 6:4

Apa kami te la tontongkan massambayang sia umpalolang kadanNa Puang Matua.

ROMA 2:7

iamotu katuoan sae lakona Napapakkananni tu to umpengkaolai kameloan undaka’i tu kamala’biran sia kadipangkeran sia apa tang narandanna kasanggangan,

2 KORINTUS 1:10

tu mangka ullendokangkan dio mai kamatean susi mapai’na to, sia la urrampanangkan undinna. Iamo kirannuan kumua Ia la urrampanan pole’kan,

KOLOSE 4:2

La tontongkomi lan kapassambayangan sia kanandai tu iannato mima’kurre sumanga’.

2 TIMOTIUS 1:12

Iamo bannangnato, angku perasai dukai te mintu’nate. Apa tae’ duka kupomasiri’i, belanna kuissan kumua minda tu kupatonganmo sia kukatappa’i, kumua Iamo kuasa la ungkarimmanni tu apa kupa’peannan landa’ lako tu Allo iato.

IBRANI 7:25

Iamo bannangna to anNa belai ungkarimmanni sundun mintu’ to umpentireke’i Puang Matua tete dio Kalena, belanna tontong bang Ia tuo umpalakuanni pa’tunduan tu tau iato mai.

YAKOBUS 1:25

Apa iatu to unnannung atoran Sukaran aluk sundun, tu umpopentorro to makakaki’, tae’ namendadi to ma’perangi tang mengkilala, sangadinna to menturu’ tongan, maupa’ ia tau iato lan kamenturusanna.

YUDAS 1:24

Na lako Puang, tu kuasa ungkarimmannikomi dio mai katitodoan, anNa popennolo tang sayuangkomi dio olo mala’bi’Na, situang kaparannuan kapua,