DANIEL 6:13 - Sura' Madatu

¹³ Saemi tu tau iato mai mennolo lako datu nama’kada lako tu diona atoran kadatuan, nakua: Tang mipatassu’moraka tu atoran, kumua minda-minda lan te tallungpulo allona tu umparampo palakunna lako misa’ deata ba’tu tolino, sangadinna lako manna kamu, o datu, tau iato la dipembuangan tama lo’ko’ singa? Mebalimi tu datu nakua: Iatu apa iato dipantokmo situru’ atoran napondok to Media sia to Persia, tu tang diriu’ sule.

DANIEL 6:13 ပူးပေါင်းရင်းမြစ်များ

ESTER 3:8

Ma’kadami Haman lako datu Ahasweros nakua: Den misa’ bangsa tu tisambo’ sia umpamarimbangan kalena dio lu mintu’ bangsa lan mintu’ propinsi lan kadatuanna puang, sia iatu atoranna bangsa iato sisengaran atoranna mintu’ bangsa, sia iatu atoranna datu tae’ naturu’i, iamoto tae’ nasipatu la naeloran datu torro manaman.

DANIEL 1:6

Dio lu tau iato mai ba’tu pira-pira tu to Yehuda, iamotu Daniel, Hananya, Misael na Azarya.

DANIEL 2:25

Tikarami nasolan Ariokh tu Daniel umpennoloi datu, anna ma’kada lako nakua: Unnappa’mo’ misa’ muane dio lu mintu’ to Yehuda dipali’, iamo la umpokadai tu sembang tindona datu.

DANIEL 3:11

sia minda-minda tae’ nalumbang sae rokko padang sia menomba, la dipembuangan tama dapo’, nanii api ma’lana-lana.

DANIEL 3:12

Den tu ba’tu pira-pira to Yahudi, tu mangkamo naangka’ datu la umparenta propinsi Babel, iamotu Sadrakh, Mesakh sia Abednego; tau iate tae’ nabilangkomi, o datu: iatu mai deatammi tae’ napakarayai, sia iatu rapang-rapang bulaan, tu mipabendan tae’ duka napenombai.

DANIEL 3:8

Attu iato ta’pa saemi tu ba’tu pira-pira to Kasdim mennolo umparapa’i tu to Yahudi tu diona to.

DANIEL 5:13

Attu iato nasolammi tau tu Daniel, lako datu. Ma’kadami tu datu lako Daniel nakua: Ikoraka Daniel, misa’ to Yehuda tu dipali’ tu nabaa datu, ambe’ku, dio mai Yehuda?

PENGGAURANNA RASULU’ 17:7

anna pebanuai Yason! iate tau iate mintu’ umbali-bali parentana datu kapua, nakua: den pole’opa tu datu, Iamotu Yesu.

PENGGAURANNA RASULU’ 5:29

Apa mebali tu Petrus sia iatu mai rasulu’ nakua: Sipatu tau umpalosongi naturu’ tu Puang Matua na iatu tolino.