DANIEL 5:7 - Sura' Madatu

⁷ Metambami tu datu umpekapuai gamaranna, mesua ussolanni sae tu to ma’basa-basa, sia to Kasdim sia to pakita-kita. Ma’ kadami tu datu lako mintu’ to paissan lan Babel, nakua: Minda-minda ma’din umbasai te pangoki’ iate sia umpokadanna’ tu battuananna, la dipakei tamangkale lango-lango, sia dipaluangi manik bulaan tu barokona, sia iamo la ma’parenta lan kadatuan untoe pangka’ ma’pentallun.

DANIEL 5:7 ပူးပေါင်းရင်းမြစ်များ

KADADIAN 41:8

Iatonna melambi’ dio mai ma’bara-barami tu ara’na Firaun na mesua untambai mintu’ to paissan-issan sia to patanda-tandan dio tondok Mesir; napokadami Firaun lako tau iato mai tu tindona, apa tae’ bang misa’ unnissanni ussembanganni Firaun.

ESTER 3:1

Iatonna mangkamo dadi te mintu’nate, napatarompo’mi datu Ahasweros tu Haman, anakna Hamedata, to Agag, sia napakala’bi’ sia mandu napamatande tu kao’koranna naiatu mintu’ arung nasolan.

KATASSURAN 7:11

Natambaimi Firaun tu mintu’ to paissan sia mintu’ balik mata, na mintu’ tu to Mesir den issan-issanna umpogau’ dukai susito tete dio basa-basana.

SARAMBU PEADA’ 1:9

belanna iamoto tu la mupotali ballo dao ulummu, sia mupomanik ata lan barokomu.

PA’TENDENG BALLO 1:10

Me’lok tu popomu naparitangnga anting-anting, sia iatu barokomu nasialikki manik.

YESAYA 47:13

Iake boyo’moko ma’timbang-timbang, melo ke ke’de’i totemo anna rampanangko tu mintu’ to umpelalan bintoen sia tu to umparessa a’ganna bintoen, sia umpokadai tu apa la urrampoiko ke bulanoi.

YEREMIA 50:35

E pa’dang rampoimoko to Kasdim, kadanNa PUANG, sia to torro lan Babel sia iatu mai arungna sia tu paissanna.

YEHEZKIEL 16:11

Sia Kubeloiko belo sanda rupanna, sia Kupaluangi komba tu limammu sia manikata tu barokomu.

DANIEL 1:20

Na lan mintu’na apa diona kamatarrusan sia kapaissanan, tu napekutanan datu lako kalena, naappa’mi datu kumua losong ia pessangpulo manarangna na iatu mintu’ to paissan-issan sia to ma’basa-basa lan mintu’ kadatuanna.

DANIEL 1:4

Iamotu ba’tu pira-pira to mangura, tu tae’ tattanna sia melo pantarisanna, tu kinaa sia paissan sia tarru’ manarang, tu malute untoe pengkarangan lan tongkonan layukna datu, anna ada’i sura’ sia basa to Kasdim tu tau iato mai.

DANIEL 2:2

Mesuami tu datu untambai mintu’ to paissan-issan sia to ma’basa-basa sia to unnampui balik mata sia to Kasdim, la ussembanganni tu tindona datu; saemi tu tau iato mennolo dio olona datu.

DANIEL 2:27

Mebalimi tu Daniel lako datu nakua: Iatu rasia napekutanan datu moi misa’ to paissan, to ma’basa-basa, to paissan-issan ba’tu to pakita-kita, tae’ nabelai umpokadanni datu.

DANIEL 2:48

Iamoto napamatandemi datu tu Daniel, nakamasei ba’tu sangapa-apa pamengan kapua, anna angka’i dadi to ma’parenta lan mintu’ propinsi Babel sia pangulunna mintu’ to paissan dio Babel.

DANIEL 2:6

Apa iake mipokadai tu tindo iato situang sembangna, manassa la mitarima tu pamengan sia pa’kamasean sia kadipangkeran kapua dio mai kaleku; iamoto pokadammo’ tu tindo iato situang sembangna.

DANIEL 4:14

Metambami umpekapuai gamaranna, nakua: Lellengi tu kayu iato sia totoi tu tangkena, purru’i tu mai daunna, samboranni tu buanna; namallai nasang tu mintu’ olo’-olo’ diong sia manuk-manuk dao mai tangkena.

DANIEL 5:11

Den misa’ tau lan parentami, natorroi penaa deata masero; na iatonna ambe’mipa iatu tau iato iatu penaanna, naniimo arrang sia tangnga’ kinaa sia kakinaan, susitu kakinaanna deata; iatu ambe’mi datu Nebukadnezar unnangka’i tu tau iato pangulu to paissan-issan, to ma’basa-basa, to Kasdim sia to pakita-kita, – susimoto tu ambe’mi, o datu.

DANIEL 5:15

Saemo disolan umpennoloina’ tu to paissan sia tu to ma’basa-basa, dikua anna basai te pangoki’ iate sia napokadanna’ tu battuananna, apa tae’ naissanni umpokadai tu battuananna te kada iate.

DANIEL 5:16

Apa kurangimoko kumua ma’dinko ussembang tindo sia ungko’ka’i ponto bannang; totemo iake muissanni umbasai te pangoki’ iate sia umpokadanna’ battuananna, la dipakeiko tamangkale lango-lango sia la dipaluangi manik bulaan tu barokomu sia la ma’parentako lan kadatuan untoe pangka’ ma’pentallun.

DANIEL 5:29

Attu iato mesuami Belsazar umpakei tamangkale lango-lango tu Daniel sia napaluangi manik bulaan tu barokona, anna petambanni tau, kumua iamo la ma’parenta lan kadatuan untoe pangka’ ma’pentallun.

KADIBILANGAN 22:17

belanna la kusaroi la’da’komi; mintu’ apa tu mipokada, la kupogau’; maimokomi sia tampakanna’ ropu te bangsa iate.

KADIBILANGAN 22:7

Pakalan malemi tu pekaamberanna Moab sia Midian umbaa saro disaroan to pakita-kita; iatonna rampomo lako Bileam, naparampomi tu kadanna Balak lako.

KADIBILANGAN 24:11

Totemo, pallaimokomi lako to’ inanmi; mangkamo kupokada kumua: La kusaroi la’da’komi, apa manassa Nadampa PUANG tu saromi.

1 SAMUEL 17:25

Ma’kadami tu misa’ to Israel, nakua: Mitiroraka tu to male lako tingayo? Ia sia namale lako tingayo to la unnape to Israel! Minda-minda umpatei la naben datu kasugiran kapua sia la naben anakna napobaine sia mintu’ sangdadianna tang dipopassima sia tang dipopa’jama.