DANIEL 5:6 - Sura' Madatu

⁶ Attu iato bali’mi tu rupanna datu sia iatu tangnga’na umpamagiang penaanna, sia langga’ tu aakna, na iatu guntu’na sigalatuan.

DANIEL 5:6 ပူးပေါင်းရင်းမြစ်များ

PA’PUDIAN 22:14

Pada napengangai nasangmo’, butung to singa ma’kase’bu-se’bu sia unnurrung.

PA’PUDIAN 69:23

Da’ito namendadimora poya tu medana dio tingayona, sia iatu to nasolan kumande mendadi misa’ ba’tikan.

YESAYA 35:3

Pamatoto’i tu lima langga’ sia pabatta’i tu guntu’ ma’parondo.

YESAYA 5:27

Iatu tau iato mai tae’i misa’ tu la kopa sia la titodo, tae’i misa’ la tikkaru’du’ ba’tu leppeng ba’tu ungko’ka’i salipi’na ba’tu la ka’tu tu ulang sepatunna.

YEREMIA 50:43

Iatonna rangimi datu Babel tu karebanna, loemi tu limanna; narampoi kapussakan sia kamapa’diran susito misa’ baine manguria’.

YEHEZKIEL 21:7

Ianna ma’kada tu tau lako kalemu nakua: Apara tu miposarro?, la mukua mebali: Iamotu diona kareba, tu la saemo, tu napobannang bonnong tu mintu’ penaa, sia kope tu mintu’ lima, sia ri’ta’ tu mintu’ ba’teng sia tang nasalamo ma’pu’ tu mintu’ guntu’. Manassa la rampomo sia dadi, kadanNa Puangta PUANG.

YEHEZKIEL 7:17

Mintu’ lima la langga’ sia mintu’ guntu’ bonak.

DANIEL 2:1

Iatonna taun ma’penduan kaparentanna Nebukadnezar, ma’tindomi tu Nebukadnezar; napomagiangmi penaanna tu tindo iato, anna tang mamma’mo.

DANIEL 3:19

Attu iato nakabu’mi kare’dekanna ara’na tu Nebukadnezar, sia bali’ tu rupanna sengke lako Sadrakh, Mesakh, na Abednego; mebalimi sia mesua la umpemalassui tonganni tu dapo’ pempitu manglokkon tu malassunna na iatu biasanna.

DANIEL 4:19

Sangattu’ to naalami sumangnga tu Daniel, tu diganti Beltsazar, iatu tangnga’na umpamagiang penaanna. Ma’kadami tu datu lako nakua, E Beltsazar, da napamagiangko tu tindo iato sola sembangna. Mebalimi tu Beltsazar nakua: O puangku, kenna iaora tu to ungkabiri’komi napatu tu tindo iato sia kenna ualimmiora narampoi tu sembangna.

DANIEL 4:5

Ta’kala angku ma’tindo, kupotirambanni; iatu apa kutiro lan tindoku dao katindoangku sia iatu patiro mendeata, tu bu’tu dio pentiroku umpamagiangna’.

DANIEL 5:5

Ta’kala payanmi tu mai taruno lima tau, tu mangoki’ dio to’ rinding dikapu’i lan tongkonan layukna datu sitingoan to’ inan lampu, anna tiroi datu tu boko’ lima iato marassan mangoki’.

DANIEL 7:28

Rampomo inde te tu kada iato. Iatu aku Daniel, mintu’ tu tangnga’ku umpamagiang tonganna’, naurunganni bali’ tu rupangku; sia mintu’ te kada iate kupalan penaangku.

NAHUM 2:10

Mangsan, lo’bang, sanggang! pussak tu penaa, sia ma’parondo-rondomo tu mintu’ guntu’; iatu mintu’ aak sipa’dikan sia mintu’ lindo pa’de rupanna.

IBRANI 12:12

Iamoto angka’mi tu lima loe sia guntu’ matteng;