DANIEL 5:30 - Sura' Madatu

³⁰ Iatonna bongi ia bangsiamoto, napateimi tau tu Belsazar, datu to Kasdim.

DANIEL 5:30 ပူးပေါင်းရင်းမြစ်များ

YESAYA 47:9

Na iate apa iate da’dua tae’ mukapangi anna dadi lako kalemu, lan sangallori; iamotu kasisayuran anak sia kabaluan; mintu’na la ganna’ tongan urruako, moi anna buda pa’balik matammu sia pa’basa-basamu.

YEREMIA 50:24

Kutanannimoko poya sia diala dukamoko, e Babel, tonna tae’pa muissanni; ta’pa diapparangko sia ditingkan dukako, belanna unnapeko PUANG.

YEREMIA 51:11

Asami tu tinaran, toemi tu balulang! PUANGmo umpatiakka’i tu penaanna mintu’ datu Media, belanna lanmo penaanNa Puang la ullaoi sia ussanggangi tu Babel; belanna iamote tu pa’bala’Na PUANG, iamotu pa’bala’Na diona banua kabusunganNa.

YEREMIA 51:31

Iatu to disua ma’dondo-dondo pada sitammu to disua sia to umbaa kareba pada sitammu duka la umparampoi lako datu Babel, kumua di talomo tu kotana tiku lao;

YEREMIA 51:39

Iake sirarrangammi tu tau mangiru’ la Kuparandanan pa’maruasan mangiru’ angKu pemalangoi, anna limpu tobang tu tau iato mai, naurungan tarru’ leppeng sae lakona sia tang pandiu len, kadanNa PUANG.

YEREMIA 51:57

Sia la Kupamalango tu mai arungna sia to matarru’na sia to marayanna sia to ma’parentana sia pa’baraninna, naurunganni tarru’ leppeng sae lakona sia tang pandiu len, kadanNa Datu, tu digente’ PUANGna mintu’ ma’dandan maritik.

AMOS 6:7

Iamoto totemo la male dipali’ tu tau iato mai dio tingayona mintu’ to dipali’, sia la upu’ tu arrakna to kasode-sode.