DANIEL 5:28 - Sura' Madatu

²⁸ Peres, battuananna: Dipokamo tu kadatuammi sia disorongmo lako to Media sia to Persia.

DANIEL 5:28 ပူးပေါင်းရင်းမြစ်များ

2 OSSORANNA DATU 36:23

Inde sia tu kadanna Koresh, datu Persia: Mintu’ kadatuan dao te kuli’na padang Nakamaseammo’ PUANG, Kapenombanna langi’, sia Napasanmo’ la umbangunanNi misa’ banua dio Yerusalem, lan Yehuda. Minda-mindakomi tu naala bilangan golonganna taunNa-Narondongmira PUANG, Kapenombanna, melo ke malemi.

YESAYA 13:17

La Kupare’dek ara’na tu to Madai unnea tau iato mai, tu misa’ bangsa tang ungkabudai salaka sia tang ungkaduangi bulaan.

YESAYA 21:2

Misa’ patiro mendeata metakuran dipaomboranna’: To ungkalo’tokan tondok tonang ungkalo’tokan tondok, to pasanggang tonang pasanggangan. Ke’de’ko male, e Elam! Tiangka’ko manglio, e Madai! Mintu’ sarro Aku umparadanni.

YESAYA 47:11

Iamoto annala urrampoiko kamaparrisan tu tang mubela untumpui pa’basa-basa; sia la naruako kasanggangan, tu tang mukulle untulakki pesuru’; sia ta’pa la narampoiko kamangsanan tu tang mukapang kasaeanna.

YEREMIA 25:13

La Kupopembuamo dio padang iato tu mintu’ kadangKu tu Kupokadamo la urrampoi, iamotu mintu’ tisura’na lan sura’ iate, tu napokada dolomo Yeremia diona a’ganna mintu’ bangsa iato.

YEREMIA 51:28

Tambai tu mai bangsa anna pamarimbangan kalena la ullaoi, iamotu mintu’ datu to Media sia mintu’ to marayanna sia mintu’ to ma’parentana, sia mintu’ to nalili’ parentana.

DANIEL 2:32

Iatu ulunna rapang-rapang iato bulaan massang, iatu dadanna sia takia’na salaka, na iatu tambukna sia pupunna tambaga,

DANIEL 2:39

Undinna nakamu la bu’tu misa’ kadatuan senga’, tu tae’ napada kamala’birammi; namane misa’ kadatuan senga’ pole’o, iamotu ma’pentallunna, tu tambaga, iamoto tu la umparenta mintu’ lino.

DANIEL 6:28

Iamo parampanan sia pakarimmanan sia Ia umpaden tanda kalle-kallean sia tanda mangnga dao lu langi’ sia dao kuli’na padang. Iamo mangka urrampanan Daniel lan mai kuasa singa.

DANIEL 6:8

Iatu mintu’ to maraa akkele’na datu lan kadatuan, pangulu, to maraa lompo, pebangun ada’ sia to maraa nasangamo melo, ke dipatassu’i tu parentana datu sia la dipamanassa tu misa’ atoran kumua minda-minda lan te tallungpulo allona umparampo palakunna lako misa’ deata ba’tu tolino sangadinna lako manna kamu, o datu, tau iato dipembuangan tama lo’ko’ singa.

DANIEL 8:20

Iatu domba laki, tu mangka mutiro, da’dua tandukna, umpatu datu Media sola Persia.

DANIEL 9:1

Iatonna taun pamulanna kaparentanna Darius, anakna Ahasweros, bati’ to Media, tu mendadi datu undatui to Kasdim,

PENGGAURANNA RASULU’ 2:9

tu kita to Partia, sia Media, to Elam sia pa’tondokan Mesopotamia sia Yudea sia Kapadokia sia Pontus sia Asia,