DANIEL 5:23 - Sura' Madatu

²³ sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

DANIEL 5:23 ပူးပေါင်းရင်းမြစ်များ

KADADIAN 14:19

Napassakkei Melkisedek tu Abram, nama’kada nakua: Napassakkemira Puang Patodoranna, Puang ungkombong langi’ sola lino tu Abram.

KADADIAN 2:7

Nakombongmi PUANG Kapenomban tu tolino dio mai litak, Napamurru’i tama to’tok illongna tu penaa napotuo, susimoto tu tolino mendadi misa’ a’gan tuo.

2 DATU 14:10

Tappu nasangmo mitalo tu to Edom, iamoto anna matampo penaammi. Kampai tu kamala’birammi sia torrokomi lan banuammi. Ma’apari ammi daka’ri tu kamandasan, miurunganni sanggang sola to Yehuda?

AYUB 12:10

Iatu deatanna mintu’ apa tuo, lan limanNa sia penaanna mintu’ ma’ rupa tau.

AYUB 31:4

Tae’raka Napenunui Puang tu lalanku sia tae’raka Naia’i tu mintu’ tengkaku?

PA’PUDIAN 104:29

IamMi buni lindoMi, tirambanmi, sia iamMi alami tu penaanna, matemi, anna sule lako litak.

PA’PUDIAN 115:16

Iatu langi’ langi’na PUANG, apa iate lino Naba’giammo ma’rupa tau.

PA’PUDIAN 139:3

Mipelalan duka tu kalingkangku ba’tu kamatindoangku, sia mitandai tu mintu’ tengkaku.

PA’PUDIAN 146:4

Ia anna sisarakmo angin dipudukna, sulemi lako tampa ito’na, iamotu litak, sia iato kulla’ dirande lu langngan, ta’pa pa’demi tu mintu’ lalan pa’inaanna.

SARAMBU PEADA’ 20:24

Lu dio mai PUANG tu mintu’ tengkana tau, apa iatu misa’ tau-umba nakua la untandai tu la lanna?

YESAYA 13:11

Belanna la Kupapakkanni lako mintu’ issinna lino tu kakadakeanna sia iatu kakelokanna la Kupapakkanni lako mintu’ to tang mekaaluk, sia la Kuputtai tu kamadongngaranna to matampo sia la Kupampa lu rokko tu kamadaoan penaanna to kelok.

YESAYA 14:13

Mukua lan penaammu susite: La kendekna’ langngan langi’, la umpalayukna’ isungangku dao mintu’ bintoenNa Puang Matua, kutongkon unnisung dao buntu pa’kombongan daa tiparitikna mata uai.

YESAYA 2:12

Belanna mangkamo Napamanassa PUANGna mintu’ ma’dandan maritik tu allo la urrampoi mintu’ to umpamadao penaanna sia to matampo sia mintu’ to ussattuan kalena, kumua anna dipampa lu rokko.

YESAYA 33:10

Totemo la bendanMo’, kadanNa PUANG: totemo la tunannangMo’, totemo la tumananMo’.

YESAYA 37:19

Na iatu deatanna napembuangan tama api, belanna tangia deata, sangadinna panggaraga tolino bangsia, kayu sia batu nagaraga, iamoto anna sanggangi.

YESAYA 37:23

Mindara tu mube’se sia mupa’kada solangi, sia mindara mupekapuan gamarammu sia mupasolo’i matammu? Lako To maserona Israel!

YESAYA 42:5

Inde sia tu kadanNa Puang Matua, Iamotu PUANG, tu umpadadi sia umpalumbang batara, tu umballa’ lipu daenan sia mintu’ apa tuo lan; tu umpatamai penaa mintu’ to untongkonni kuli’na padang sia umpatamai sumanga’ tu mintu’ to lolang lan.

YEREMIA 10:23

Kuissan, o PUANG, kumua iatu lalanna tolino, tae’ napangeloranna kalena sia tae’ nakuasa male umpapatui tangkena.

YEREMIA 48:26

Pamalangoi, belanna napatarompo’ tu kalena lako PUANG, anna tipessambak rokko luana tu Moab, sia ditelle-telle duka.

YEREMIA 50:28

Den kadanna dirangi tu to mallai tilendok dio mai tondok Babel la umpa’peissananni dio Sion tu pa’pakkanNa PUANG, Kapenombanta, iamotu pa’pakkanNa diona banua kabusunganNa.

YEREMIA 50:29

Arrakki tu mintu’ to ma’pana ullaoi Babel sia mintu’ to umbinting panana; patama limbui, da naden misa’ tau mallai tilendok! Pabala’i sitinaya mintu’ penggauranna sia pogau’i lako susitu mintu’ apa mangka napogau’. Belanna matampo pabali-bali lako PUANG, tu Tomaserona to Israel.

YEHEZKIEL 28:17

Matampomo tu penaammu diona kamaballoammu iamoto muputtaimo kakinaammu sia kamala’birammu. Kupembuangangko rokko padang, sia Kupopentingayoko dio olona mintu’ datu anna telle-telleko.

YEHEZKIEL 28:2

E ma’rupa tau, pokadanni arungna Tirus kumua: Inde sia tu kadanNa Puangta PUANG, Nakua: Belanna mupamatampo tu penaammu ammu ma’kada kumua: Akumo misa’ deata, untorroina’ misa’ banua deata lan atena tasik, – moi ammu misa’ tolino, tangiako deata –, sia umpapadako kalemu misa’ deata lan penaammu.

YEHEZKIEL 28:5

Diona kamatarrusammu sia kamaluteammu ma’balili mutontong umpakerangngan iananmu, sia napomatampomo penaammu tu iananmu.

YEHEZKIEL 31:10

Iamoto, inde sia tu kadanNa Puangta PUANG, Nakua, belanna kalando batangna sia umpasumpu lolokna tama gaun sia belanna umpakapua penaanna ussattuan kakalandoanna,

DANIEL 11:12

Iatonna roto’imi tu surodadu makamban iato, la napakapuamo tu penaanna; moi anna patei ma’pulo-pulo sa’bu, apa tae’ duka namatoto’.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

DANIEL 8:11

Umpatarompo’ duka kalena unnea arungna ma’dandan maritik, sia naputtai tu pemala’ allo-allo lako Puang sia nasongkan tu inan maindanNa.

HABAKUK 2:4

Manassa matampo sia tang malolo tu penaanna, apa iatu to malambu’ la umpotuo kapatongananna.

PENGGAURANNA RASULU’ 17:25

sia tae’ Nakamorai naparakai limanna tolino, butung to denpa apa Naanga’ ana Iari umpa’kamaseanni lako mintu’na tu katuoan, penaa sia mintu’na apa.

1 KORINTUS 8:4

Iatu diona ungkande kande dipemalaran lako deata, taissan kumua iatu deata moi misa’ tae’ lan te lino, sia tae’ kapenomban senga’ sangadinna Misa’ri.

1 TIMOTIUS 3:6

Da na ia tu to mane tama pekaalukan, napomatampoi manii, anna ruai ukungan susi deata bulituk.

IBRANI 4:13

Tae’ misa’ panampa karerungan lako Kalena, sangadinna payan sia tiballa’ mintu’ apa dio oloNa Puang Matua, tu la tapebalii lako Kalena.

KADA OMBO’ LAKO RASULU’ YOHANES 9:20

Sia mintu’ tolino senga’ tu tae’ napatei te mintu’ kasanggangan iate, tae’ duka namengkatoba’ dio mai penggauranna, kumua da natontong umpenombai mintu’ deata masussu’ sia umpa’deatai bulaan, salaka, tambaga, batu, ba’tu kayu, tu tae’ napakita ba’tu parangi ba’tu lumingka.

TO PARENGNGE’ 16:23

Attu iato sirampunmi tu mintu’ arung kota to Filistin la umpennoloan misa’ pemala’ kapua lako Dagon, kapenombanna sia la ma’marua’-rua’; ma’kadami nakua: Kapenombanta ussorongi te Simson, ualinta, tama limanta.

1 SAMUEL 17:26

Ma’kadami tu Daud lako tu to nasikandappiran bendan, nakua: La dipatumbai tu to umpatei tu to Filistin iato dio, sia tu ussamboi siri’na to Israel? Na minda toda ia tu to Filistin tang disunna’i tu, anna unnape tuntunan surodadunNa Puang Matua matontongan?

1 SAMUEL 17:36

Moi singa moi beruang kupatei duka. Na iatu to Filistin tang disunna’i iato la dipasusi misa’ tu olo’-olo’ iato, belanna naape tu tuntunan surodadunNa Puang Matua matontongan.