DANIEL 5:20 - Sura' Madatu

²⁰ Apa iatonna pamadaomo penaanna sia umpamakarra’ pa’inaanna, naurunganni matampo, iamoto nadisuale dio mai isungan kapayunganna, sia sisayurammo kamala’biranna.

DANIEL 5:20 ပူးပေါင်းရင်းမြစ်များ

2 DATU 17:14

Apa tae’ naperangii tau iato mai, sangadinna umpamakarra’ penaanna susi nene’ to dolona, tu tae’ nasande’ lako PUANG, Kapenombanna.

2 OSSORANNA DATU 32:25

Apa iatu Hizkia tang naissan umpakkanni tu pa’kamasean dikamaseanni, belanna madao penaanna; iamoto narampoi kasengkean, sola tu to Yehuda sia to Yerusalem.

2 OSSORANNA DATU 36:13

Ondongpi pabali-bali lako datu Nebukadnezar, tu mangka ussuai umpalao sumpa tete dio sanganNa Puang Matua. Battuk sia umpamakarra’ penaanna naurunganni tang mengkatoba’ lako PUANG, Kapenombanna to Israel.

KATASSURAN 18:11

Totemo kuissanmo kumua tarompo’ tu PUANG anna iatu mintu’ deata, belanna Narampanammo te bangsa iate lan mai limanna to Mesir belanna matampo tu to Mesir lako tau iato mai.

KATASSURAN 9:17

Tontong bangpoko undampa taungKu, tang mueloran male.

KATASSURAN 9:7

Nasuami Firaun tu tau lao inde to lako, anna moi misa’ tae’ ia mate tu mintu’ patuoanna to Israel, apa iatu penaanna Firaun tontong battuk, naurungan tang naeloran tu bangsa iato male.

SARAMBU PEADA’ 16:18

Iatu kamatampoan undoloan kasanggangan sia kamadoan penaa undoloan katobangan.

SARAMBU PEADA’ 16:5

Minda-minda matampo penaanna Nakagalli PUANG; manassa tae’ nala tilendok dio mai ukungan.

YESAYA 47:1

Mengkalaoko ammu unno’ko’ diong to’ barra’-barra’, e lolosu kandaurena anak dara Babel. Diongko padang unno’ko’ tang ma’isungan, e anak dara Kasdim, belanna tae’mo anna la ussangako tau baine dipamo’le’ sia dipasolle’.

YEREMIA 13:18

Pokadanni datu sia datu baine indo’na datu, kumua: Unno’ko’komi diong inan madionganna, belanna iatu makota mala’bi’mi tobangmo dao mai ulummi.

YEREMIA 19:15

Inde sia tu kadanNa PUANGna mintu’ ma’dandan maritik, Kapenombanna to Israel, Nakua: La Kupasae tu mintu’ kasanggangan, tu Kupokadamo la urrampoi te kota iate sia mintu’ kotana, belanna umpabattukmo penaanna tu tau iato mai sia manoka umperangii kadangKu.

YEREMIA 48:18

Mengkalaomoko dao mai inan kamala’birammu, ammu unno’ko’ diong lu to’ rumpang, e pa’tondokan, e anak dara Dibon, belanna iatu pa’kasangganganna Moab ke’de’mo la ullaoiko na iamo la urro’pokki tu mintu’ tambakukummu.

YEHEZKIEL 30:6

Inde sia tu kadanNa PUANG, Nakua: Iatu mintu’ tau ussande’ Mesir la tibambang nasang; la pa’de tu kataromposan nasattuanna. Randuk dio mai Migdol sae lako Siene inde to dio la nanii tibambang tu tau iato mai nakande pa’dang, kadanNa Puangta PUANG.

YEHEZKIEL 31:10

Iamoto, inde sia tu kadanNa Puangta PUANG, Nakua, belanna kalando batangna sia umpasumpu lolokna tama gaun sia belanna umpakapua penaanna ussattuan kakalandoanna,

DANIEL 11:36

Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

DANIEL 4:26

Apa iatu napokada tau tu diona garonto’ panglellengan mennuaka’, la dipatorropa lan padang, iamo battuananna to, kumua iatu kadatuammi la bantang temponna miaku, kumua iatu suruga unnampui kaparentan.

DANIEL 4:28

Iate mintu’na te urrampoimo datu Nebukadnezar.

DANIEL 4:37

Totemo, iate aku, Nebukadnezar umpangke’mo’ sia umpalayukmo’ sia umpakala’bi’mo’ Datu dao suruga, tu belanna tongan nasang tu penggauranNa sia malolo tu lalanNa sia ullese lu rokko to unturu’ kamatampoan.

DANIEL 8:8

Iatu bembe’ laki umpatarompo’ tongan kalena, apa iatonna paamo, le’tomi tu tanduk kapua, anna tuo tu a’pa’ tanduk kalle-kallean dio inanna, tu tingo lako a’pa’ mata angin dao langi’.

LUKAS 18:14

Kukua lako kalemi: iate tau iate diseroi sule lako banuanna, apa iatu tau ina’ tae’, belanna minda-minda umpamadoan bang kalena, iamo la dipamadiongan, na minda-minda umpamadiongan kalena, iamo la dipamadoan.

IBRANI 3:13

sangadinna pada sipakilala-lalakomi kiallo-kiallo su’ding nasa’bu’pi tau tu allo iate, da miden misa’ battuk penaa natumang tangnga’na kasalan.

1 SAMUEL 6:6

Ma’apari ammi pamakarra’i tu penaammi susito Mesir sia Firaun? Tang naeloranraka male tu tau iato mai, tonna mangka umpa’pekitananni Puang tu kuasanNa, nake’de’ male tu to Israel?