DANIEL 5:19 - Sura' Madatu

¹⁹ Na diona tu kuasa kapua Nakamaseanni Puang, anna mintu’ bangsa sia to sangpetayanan sia ma’rupa-rupa basana ma’parondo penaanna ungkataku’i, belanna minda-minda tu la napatei, manassa napatei, minda-minda tu la napatuo, manassa napatuo, minda-minda tu la napamatande, manassa napamatande, minda-minda tu la napamadiongan, manassa napamadiongan.

DANIEL 5:19 ပူးပေါင်းရင်းမြစ်များ

2 DATU 25:28

Ma’kada malamma’mi tu datu lako kalena sia napamadao tu kao’koranna na iatu kao’koranna mintu’ datu, tu nasolan dio Babel.

SARAMBU PEADA’ 16:14

Iatu kare’dekan ara’na datu iamo pesuanna kamatean, apa iatu to kinaa iamo ussa’poi.

TOMANGADA’ 8:3

Da musasa tassu’ dio mai olona, da mutama misa’ kara-kara kadake, belanna napogau’ tu mintu’ apa naala penaanna.

YEHEZKIEL 31:11

iamoto Kusorongi tu tau iato mai lako misa’ to paa dio lu mintu’ bangsa, tu umpandasai sitinaya katangmekaalukanna sia Kutumpumo.

DANIEL 11:12

Iatonna roto’imi tu surodadu makamban iato, la napakapuamo tu penaanna; moi anna patei ma’pulo-pulo sa’bu, apa tae’ duka namatoto’.

DANIEL 11:16

Iatu to ullaoi la umpogau’ lalan inaanna sia moi misa’ tau tae’ natananni bendan mangea; sia la matoto’ bendan lan Tondok ballo; na iatu a’gan ma’kasanggang lan limanna.

DANIEL 11:3

Sia la bendan misa’ datu lalong, tu la kapua kaparentanna sia la umpogau’ lalan inaanna.

DANIEL 11:36

Na iatu datu iato la umpogau’ bang apa naala penaanna; la umpalayuk sia la umpatarompo’ kalena unnea mintu’ deata, ondongpi sae lako Puang Matua undaoanni mintu’ deata napa’kada solangi; sia la maupa’ ia sae lako sundunna tu kare’dekan ara’, belanna iatu apa pura dipamanassa la dadi.

DANIEL 3:29

Iamoto angku pa’parentanni, kukua lako mintu’ tau, dio mai mintu’ bangsa ba’tu sangpetayanan ba’tu ma’rupa-rupa basana tae’ duka misa’ dipasalian, ke umpa’kada solangi Kapenombanna Sadrakh, Mesakh na Abednego, tau iato mai la dita’tak-ta’tak sia iatu banuanna la dipopendaun lauan, belanna tae’ tu kapenomban senga’, tu ma’din merampanan susito.

DANIEL 3:4

Meolimi tu misa’ lentek maringan umpekapui gamaranna nakua: Inde sia tu parenta dipokadangkomi, e kamu mintu’ bangsa sia to sangpetayanan sia to ma’rupa-rupa basana, kumua:

DANIEL 3:6

Minda-minda tae’ nalumbang sae rokko padang sia menomba, ta’pa la dipembuangan tama dapo’, nanii api ma’lana-lana.

DANIEL 4:17

Iate parenta iate napamatu’tunmo mintu’ to ma’kampa na iatu iannate nalampakmo to masero, anna tandai mintu’ to tuo, kumua Puang Patodoranna ungkuasai tu kadatuan tolino sia Nakamasei minda-minda tu Naporai, ondongpi ma’din natokko tu to tarru’ madiongan dio lu tolino lan kadatuan iato.

DANIEL 4:19

Sangattu’ to naalami sumangnga tu Daniel, tu diganti Beltsazar, iatu tangnga’na umpamagiang penaanna. Ma’kadami tu datu lako nakua, E Beltsazar, da napamagiangko tu tindo iato sola sembangna. Mebalimi tu Beltsazar nakua: O puangku, kenna iaora tu to ungkabiri’komi napatu tu tindo iato sia kenna ualimmiora narampoi tu sembangna.

DANIEL 4:22

Iatu kayu iato, kamu bangsiamo datu, tu kapuamo sia matoto’; iatu kataromposammi sakerangngan-rangnganna, naurunganni sumpu langngan langi’ sia iatu kadatuammi sae lako randan langi’.

HABAKUK 2:5

Tonganna iatu to matampo ma’pakena iamo to ma’kada layuk, apa tae’ ia nala tontong; umpopenganga sadangna susi lino to mate sia tae’ len nadia’ susi kamatean, naurunganni urrampun mintu’ bangsa sia umpulung mintu’ to sangpetayanan lako kalena.

YOHANES 19:11

Nakuami Yesu mebali: Moi misa’ tae’ mibelai ungkuasaiNa’, ke tae’i nalu Dao mai; iamoto iatu to ussorongNa’ lako kalemi, iamo kapuanna kasalanna.

ROMA 13:1

Mintu’na tau pantan la umpopengkanorong kalena lako mintu’ to pabaa ungkuasai. Belanna tae’ naden tu kuasa ke tang lu dioi mai Puang Matua; na iatu kuasa inang denmo pura Nalampakmo Puang Matua.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.