DANIEL 5:12 - Sura' Madatu

¹² Belanna lan kalena tu penaa liu matarru’, kapaissanan sia kamanarangan ussembang tindo sia umpabu’tu rasia sia ungko’ka’i ponto bannang, iamotu lan kalena Daniel, tu naganti datu, iamotu Beltsazar, iamoto melo ke ditambai tu Daniel, naia la umpokadai tu battuanna.

DANIEL 5:12 ပူးပေါင်းရင်းမြစ်များ

PA’PUDIAN 16:3

Na iatu mai to masallo’ lan te lino: Iamo mala’bi’, dio tau iato mai nanii kasendeangku.

SARAMBU PEADA’ 12:26

Iatu to malambu’ natandai tu to ungkadakeanni penaa, apa iatu to tang mekaaluk napapusa pasiruanna.

SARAMBU PEADA’ 17:27

Minda-minda unnampui tangnga’ kinaa umpasilolongan melo buangan kadanna, sia iatu to mandalan pa’inaanna ma’timbang melo.

YEHEZKIEL 28:3

Manassa matarru’ko anna Daniel, moi misa’ rasia tae’ kabunian dio paissanmu;

DANIEL 1:17

Nakamaseimi Puang Matua kapaissanan, kamatarrusan untandai mintu’ sura’ sia kakinaan tu to mangura sola a’pa’i, na iatu Daniel matarru’mo untandai ma’rupa-rupa patiro mendeata sia tindo.

DANIEL 1:7

Nasondaimi pangulu to mase’ponna datu tu sanganna tau iato; iatu Daniel nasangaimo Beltsazar, na iatu Hananya nasangaimo Sadrakh, Misael nasangaimo Mesakh, na iatu Azarya nasangaimo Abednego.

DANIEL 2:26

Ma’kadami tu datu lako Daniel, tu diganti Beltsazar, nakua: Ma’dinrokoka umpokadanna’ tu tindo mangka kutiro sola sembangna?

DANIEL 4:19

Sangattu’ to naalami sumangnga tu Daniel, tu diganti Beltsazar, iatu tangnga’na umpamagiang penaanna. Ma’kadami tu datu lako nakua, E Beltsazar, da napamagiangko tu tindo iato sola sembangna. Mebalimi tu Beltsazar nakua: O puangku, kenna iaora tu to ungkabiri’komi napatu tu tindo iato sia kenna ualimmiora narampoi tu sembangna.

DANIEL 4:8

Undinna saemi tu Daniel umpennoloina’, sikona sanga deatangku disanga Beltsazar, tu natorroi penaa deata masero angku uleleananni lako tu tindo iato.

DANIEL 5:14

Kurangimoko, kumua naniiko penaa deata sia iatu penaammu naniimo arrang sia kamatarrusan sia kakinaan kapua tongan.

DANIEL 5:16

Apa kurangimoko kumua ma’dinko ussembang tindo sia ungko’ka’i ponto bannang; totemo iake muissanni umbasai te pangoki’ iate sia umpokadanna’ battuananna, la dipakeiko tamangkale lango-lango sia la dipaluangi manik bulaan tu barokomu sia la ma’parentako lan kadatuan untoe pangka’ ma’pentallun.

DANIEL 6:3

anna daona pole’o to maraa lompo iato den tu tallu to maraa akkele’na datu, iamotu Daniel misa’, tu nanii to maraa lompo iato umpatu’tunni tu passananna, kumua da anna rugi tu datu.

DANIEL 6:4

Attu iato iatu Daniel losong tu kamatarrusanna na iatu mintu’ to maraa akkele’na datu na iatu mintu’ to maraa lompo, belanna to natorroi penaa ma’iringan naurunganni iatu datu la morai unnangka’i la umparenta mintu’ kadatuan iato.

KOLOSE 1:29

Iamora kupomara’ta’ tu iannato, sia kupengkullei tongan, sitinaya kuasanNa, tu mawatang kedo lan kaleku.