DANIEL 4:8 - Sura' Madatu

⁸ Undinna saemi tu Daniel umpennoloina’, sikona sanga deatangku disanga Beltsazar, tu natorroi penaa deata masero angku uleleananni lako tu tindo iato.

DANIEL 4:8 ပူးပေါင်းရင်းမြစ်များ

KADADIAN 41:38

Ma’kadami tu Firaun lako tu to naala parea: Umba la tanii unnappa’ misa’ tau susite tu natorroi PenaanNa Puang Matua?

YESAYA 46:1

Iatu Bel re’ba, iatu Nebo tukku bangmo, iatu rapang-rapang dipodeatanna nateke’ olo’-olo’ sia sapi; iamotu rapang-rapang dipodeata biasa napaliling tau, nateke’ sapi, tu umpamatana’i anna kopa tu patuoan iato.

YESAYA 63:11

Apa Nakilalai to attu mangka diboko’. Naingarammi tu Musa sia taunNa. Umbamira Ia tu To mangka ussolan to mangkambi’ baanan dombaNa diong mai to’ uai? Umbamira tu To mangka untua’ Penaa Masallo’Na tama ba’tengna tau iato mai?

YEREMIA 50:2

Patale’i dio lu mintu’ bangsa sia pa’peissananni, angka’i misa’ bandera sia pa’peissananni, da mibunii, sia pokadai kumua: Ditalomo tu Babel, sia kasirisanmo tu Bel sia kapussakan tu Merodakh; kasirisan tu rapang-rapang dipodeatanna, sia mintu’ deata megi’giranna.

YEHEZKIEL 17:23

Dao buntu malangka’na Israel la Kunii untananni, anna mentangke sia membua sia mendadi misa’ arasi’ ballo. Anna sanda rupanna tu manuk-manuk, ma’rupa-rupa bulunna sae messerang diong; anna mentiongan diongna lu tangkena.

DANIEL 1:7

Nasondaimi pangulu to mase’ponna datu tu sanganna tau iato; iatu Daniel nasangaimo Beltsazar, na iatu Hananya nasangaimo Sadrakh, Misael nasangaimo Mesakh, na iatu Azarya nasangaimo Abednego.

DANIEL 2:11

Iatu apa natuntun datu, lendu’ ia magasanna, sia moi misa’ tau senga’ tae’ umbelai umpokadanni datu, sangadinna ke iatu mintu’ deata, tu tang torro sola tolino.

DANIEL 2:26

Ma’kadami tu datu lako Daniel, tu diganti Beltsazar, nakua: Ma’dinrokoka umpokadanna’ tu tindo mangka kutiro sola sembangna?

DANIEL 3:14

Ma’kadami tu Nebukadnezar lako tau iato mai nakua: E Sadrakh, Mesakh sia Abednego, miangga’iraka tang umpakarayai tu mai deatangku sia nokarokomika umpenombai rapang-rapang dipodeata, tu kupabendan?

DANIEL 4:18

Iamote tu tindo tu akumo, datu Nebukadnezar, mangka untiroi; na iko, e Beltsazar, pokadanna’ tu sembangna, belanna mintu’ to paissan lan parentaku tae’ nakullei umpokadanna’ tu sembangna; apa iko ma’dinko, belanna natorroiko penaa deata masero.

DANIEL 4:9

E Beltsazar, pangulunna mintu’ to paissan-issan, tu kuissan, kumua natorroiko penaa deata masero, na moi misa’ rasia mukaringanan nasang, iamoto pokadammo’ tu patiro mendeata lan tindoku, tu kutiro, iamotu sembangna.

DANIEL 5:14

Kurangimoko, kumua naniiko penaa deata sia iatu penaammu naniimo arrang sia kamatarrusan sia kakinaan kapua tongan.