DANIEL 4:34 - Sura' Madatu

³⁴ Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

DANIEL 4:34 ပူးပေါင်းရင်းမြစ်များ

2 SAMUEL 22:31

Iatu Kapenomban sundun tu lalanNa, iatu kadanNa PUANG tang kabissikan. Iamo napobalulang mintu’ to umposan- de’i.

1 OSSORANNA DATU 29:10

Attu iato napudi-pudimi Daud tu PUANG dio tingayona kombongan, sia nakua Daud: Mintu’ kadipudian lu lako Kalemi, o PUANG, Kapenombanna Israel, nene’ to doloki, tempon dio mai landa’ lako attu situran.

1 OSSORANNA DATU 29:13

Totemo, o Kapenombangki, kipudi-pudiKomi, sia kipakala’bi’ tu sanga madatumMi.

AYUB 1:21

Ma’kale-kalena’ tassu’ lan mai pa’tambukanna indo’ku, la ma’kale-kale dukana’ sule lako. PUANG mangka umpa’benganni, PUANG mangka unnalai sule sanganNa PUANG la dipudi.

PA’PUDIAN 10:16

PUANGmo tu Datu tontong sae lakona. Mintu’ bangsa maipi’mo lan mai padangNa.

PA’PUDIAN 102:24

Iamo umpamoro’ kamawatangangku dio lu lalan, sia umpamadenge’ sunga’ku.

PA’PUDIAN 107:15

Sangapaoi anna pudii tau iato mai tu PUANG belanna kamasokananNa, sia tu belanna mintu’ penggauran kalle-kalleanNa lako ma’rupa tau.

PA’PUDIAN 107:22

Sangapaoi anna penombanni tau iato mai tu pemala’ pa’pudian, sia mela’tek umpa’peissanan penggauranNa Puang.

PA’PUDIAN 107:31

Sangapaoi anna pudii tau iato mai tu PUANG belanna kamasokananNa, sia iatu belanna mintu’ penggauran kalle-kalleanNa lako mintu’ ma’rupa tau.

PA’PUDIAN 107:8

Sangapaoi anna pudii tau iato mai tu PUANG belanna kamasokananNa, sia iatu belanna mintu’ penggauran kalle-kalleanNa lako ma’rupa tau!

PA’PUDIAN 111:7

Iatu lalan limanNa iamo kamanapparan sia katonganan, sia tappa’ mintu’ parentaNa.

PA’PUDIAN 121:1

Nanian Hamaa’lot. Kubangunan tu matangku untingara mintu’ buntu: Umbara la nanii bu’tu patunduangku?

PA’PUDIAN 123:1

Nanian Hamaa’lot. Mentingara mati’na’ Kalemi, o PUANG, unnisungi suruga.

PA’PUDIAN 145:13

Iatu kadatuamMi misa’ kadatuan matontongan sae lakona, sia iatu kapayungamMi tontong sipapa’.

PA’PUDIAN 146:10

Iatu PUANG, iamo Datu matontongan sae lakona, sia iatu kapenombammu, e Sion, landa’ lako disituran-turananni. Haleluya!

PA’PUDIAN 50:14

Pennoloanni lako Puang Matua tu pa’kurre sumangasan, sia palesso’i tu mintu’ pangallonammu lako Puang Patodoranna.

PA’PUDIAN 66:7

Ia ma’parenta tontong sae lakona tete dio kamatotoranNa, sia matanNa umpenunu mintu’ bangsa, da naumpamatampo kalena tu to pabali-bali. Sela

PA’PUDIAN 7:17

Iatu kakadakean la tibalik langngan botto ulunna, sia iatu pa’pakario-riona la unta’pai passaronganna.

PA’PUDIAN 9:2

La ponno penaangku umpudiKomi, o PUANG, sia la kuulelean tu mintu’ penggauran kalle-kalleamMi.

PA’PUDIAN 92:1

Pa’pudian. Nanian allo katorroan.

YESAYA 13:11

Belanna la Kupapakkanni lako mintu’ issinna lino tu kakadakeanna sia iatu kakelokanna la Kupapakkanni lako mintu’ to tang mekaaluk, sia la Kuputtai tu kamadongngaranna to matampo sia la Kupampa lu rokko tu kamadaoan penaanna to kelok.

YESAYA 2:11

Mintu’ patiro solo’na tau la dipamadiongan, sia kamatampoanna to mala’bi’ la dipampa lu rokko, anna allo iato PUANG manna tu la layuk misa.

YESAYA 24:15

Iamoto pangke’I tu PUANG lan lu tondok napanta’ allo, sia pakala’bi’I dio lu mintu’ biring tasik tu sanganNa PUANG, Kapenombanna to Israel.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

BATING 3:38

Tang tassu’ dioraka mai pudukNa Patodoranna tu kadake sia melo?

DANIEL 12:7

Kurangimi umpalao sumpa tu to ma’tamangkale lenang, tu bendan daona lu salu, unnangka’ lima kananna sia lima kairinna langngan langi’, sia ussa’bu’ sanganNa Totuo tontong sae lakona: Misa’ attu sia ba’tu pirang-pirang attu, na sangtangnga attu; na ianna lambi’mi katappuranna unnisak-nisak kuasanna bangsa masero, maneri diganna’i tu mintu’na apa iate.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

DANIEL 4:2

Naalamo penaangku umpa’peissananni tu mintu’ tanda kalle-kallean sia tanda mangnga, tu mangka Napogau’ Puang Matua patodoranna lako kaleku.

DANIEL 4:26

Apa iatu napokada tau tu diona garonto’ panglellengan mennuaka’, la dipatorropa lan padang, iamo battuananna to, kumua iatu kadatuammi la bantang temponna miaku, kumua iatu suruga unnampui kaparentan.

DANIEL 4:3

Tumba kapuanna tu tanda kalle-kalleanNa sia tumba kuasanna tu tanda mangngaNa! Iatu kadatuanNa misa’ kadatuan tontong sae lakona sia iatu pekapuanganNa tontong disituran-turananni.

DANIEL 4:32

Sia la naali’ko tau dio mai sangbilangan tolino na iatu katorroammu la sisola olo’-olo’ dio lu padang; anna pakandeko tau riu ten to sapi; sia nalambi’ pempitu attu la munii susito sae lako muakunna, kumua Puang Patodoranna ungkuasai kadatuanna tolino sia Nakamasei tu minda-minda Naporai.

DANIEL 4:36

Attu ia bangsiamoto natibalik sule tu tangnga’ kinaangku, sule dukami lako kaleku tu kapayungangku sia kamala’birangku, anna tarompo’ tu kadatuangku; sae pole’omi umpennoloina’ tu mai pebangun ada’ku sia to ma’parentaku, sia diangka’mo’ sule tama kadatuangku, ondongpi mandu pole’ ia tu kamala’biran dikamaseanna’ anna dolona.

DANIEL 5:18

O datu, mangkamo Puang Matua, Patodoranna, ungkamasei kadatuan, kataromposan, kadipangkeran sia kamala’biran tu Nebukadnezar, ambe’mi.

DANIEL 5:21

Ondongpi diali’ dio mai sangbilangan tolino, na iatu penaanna susimo tu penaa olo’-olo’, sia sangtorroammo keledai lampung sia dibenmo riu nakande susi sapi sia nasakka’imo ambun dao mai langi’ tu kalena sae lako naaku, kumua Puang Matua, Patodorannamo, ungkuasai kadatuanna tolino sia untokkoi tu la dadi datu tu minda-minda naala penaanNa.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

DANIEL 7:14

Dikamaseimi kaparentan sia kadipangkeran sia kuasa kabarrealloan, anna mintu’ bangsa sangpetayanan sia ma’rupa-rupa basa mengkaola lako kalena. Iatu kaparentanna la tontong sae lakona, sia tang la pa’de len, sia iatu kadatuanna tang la sanggang len.

DANIEL 7:27

Sia iatu kadatuan sia kuasa sia kataromposanna mintu’ kadatuan diong nasambo langi’ la dikamasean kombonganna tomaseroNa Puang Patodoranna; na iatu kadatuanNa iamo misa’ kadatuan tontong sae lakona, sia mintu’ to kuasa la umpengkaolai sia umperangii.

DANIEL 9:14

Iamoto namatangkin tu PUANG la umparampoikanni tu kasanggangan, belanna iatu PUANG, Kapenombangki, malambu’ lan mintu’ pengkarangan Napogau’, apa tae’ kiperangii tu gamaranNa.

YUNUS 1:14

Attu iato metambami tu tau iato mai langngan PUANG, nakua: O PUANG, ke ma’dinni, da kisanggang diona penaanna te tau iate sia da Mipapassannikan tu rarana to tang kasalan, belanna Kamu, o PUANG, Mipogau’mo tu apa naala penaamMi.

MIKHA 4:7

Iatu to keppa la Kupadadi to torrona sia iatu to dirambai male la Kupadadi misa’ bangsa mawatang, anNa PUANG, la Undatui dao buntu Sion, randuk totemo tontong sae lakona.

LUKAS 1:33

Iamo la undatui rapunna Yakub tontong sae lakona na iatu kadatuanNa tae’ upu’na.

LUKAS 18:13

Iatu passima mambela-bela tu nanii ke’de’, moi mentingara langngan langi’ tae’ nasarai, sangadinna ussa’pa-sa’pa ara’na, nakua: O Puang, ala masena’, aku te misa’ to kasalan!

YOHANES 5:26

Belanna susitu Ambe’ den katuoan lan Kalena, ten dukamoto Napa’kamasean lako Anak naden katuoan lan Kalena.

PA’TOLE 32:4

iamotu Buntu batu, sundun tu panggaraganNa, belanna mintu’ lalanna malolo; misa’ Kapenomban narondong kamarurusan, tang unnampui kakelokan, malambu’ sia tongan Ia.

1 TIMOTIUS 1:17

Mintu’na kadipangkeran sia kamala’biran lu lako Datu umparenta attu siosso’ Iamo Puang Matua tu tae’ kasangganganNa sia tang dikita, sia Puang Misa’ri, tontong sae lakona. Amin.

1 TIMOTIUS 6:16

Tu Ia manna unnampui tu tang mate, sia unnesungi arrang tang dirandan, tu tae’ lenpa tau untiroi ba’tu ma’din untiroi, na mintu’na kamala’biran sia kapaan matontongan lu lako nasang Kalena! Amin.

KADA OMBO’ LAKO RASULU’ YOHANES 10:6

anna menggata ussa’bu’ sanganNa Puang tu tuo matontongan, tu umpadadi langi’ sola mintu’ issinna sia lino sola mintu’ issinna sia tasik sola mintu’ issinna, kumua: tae’mo nala disorong.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

KADA OMBO’ LAKO RASULU’ YOHANES 4:10

kapayungan iato, sia tu tuo tontong sae lakona, tukkuomi tu duangpulo nna’pa’ penatua dio olona tu To unno’ko’ dao isungan kapayungan iato, anna penombai tu To tuo tontong sae lakona, anna lendokanni tau iato mai tu makotana dio olo isungan kapayungan iato, nakuami:

KADA OMBO’ LAKO RASULU’ YOHANES 4:9

Iake napakala’bi’oi sia napangke’oi a’gan kepenaa sia ma’kurre sumanga’ lako tu To unno’ko’ dao isungan,