DANIEL 4:30 - Sura' Madatu

³⁰ Ma’kadami tu datu nakua: Tangiaraka te tu Babel kapua, tu kubangun dipoisungan kadatuan tete dio kakapuanna kuasangku, dikua anna dipakala’bi’ tu kapayungangku.

DANIEL 4:30 ပူးပေါင်းရင်းမြစ်များ

KADADIAN 10:10

Iatu panglisuan parentana, iamo Babel, Erekh, Akad sia Kalne, lili’na Sinear.

ESTER 1:4

Napa’petiroammi datu tu kasugiran sia kamala’biran kadatuanna sia kamaballoan kapuanna kabarre-alloan ba’tu sangapa-apa masainna, iamotu saratu’ karua pulona allona.

PA’PUDIAN 104:1

Pudimi tu PUANG, e sumanga’ku! O PUANG, Kapenombangku, Kamumo tu ma’iringanna kapua; Kamumo tu umpobelo kakapuan sia kamala’biran.

PA’PUDIAN 49:20

Tae’ nasalai tang la umpengkara’paiko to dolomu, tu tae’mo nala sitiro len kamasiangan.

PA’PUDIAN 73:8

Tau iato mai ma’telle-telle sia malla’ penaanna umpokada pa’pakario-rio; sia madongnga’ ma’kada.

SARAMBU PEADA’ 11:2

Iake saei tu kamatampoan, la sae duka tu siri’, apa iatu to umpamadiong penaanna narondong kakinaan.

SARAMBU PEADA’ 16:18

Iatu kamatampoan undoloan kasanggangan sia kamadoan penaa undoloan katobangan.

SARAMBU PEADA’ 29:23

Diona kamadoan penaa anna dipamadiongan tu misa’ tau, apa iatu to umpopengkadiongan penaanna la unnappa’ kamala’biran.

YESAYA 13:19

Na iatu Babel tu napotarompo’ mintu’ kadatuan sia kamala’biran nasattuan mintu’ to Kasdim la susi Sodom na Gomora, tonna palumbangi Puang Matua.

YEHEZKIEL 29:3

Ma’kadako mukua: Inde sia tu kadanNa Puangta PUANG, Nakua: Manassa la Kulaoiko, Firaun, datu Mesir, ikomo naga mawatang, sumpandan lan tangnga messarakna salu Nilmu, tu ma’kada kumua: Aku puangna tu messarakna Nilku, sia aku kalena umpadadianni kaleku.

DANIEL 4:31

Tae’ bangsiapa naupu’ nasa’bu’ dio randan dipudukna datu tu kada iato, denmi gamara dao mai langi’ nakua: Dipokadangko, datu Nebukadnezar, kumua: iatu kadatuammu sisayurammoko.

HABAKUK 1:11

Tarru’ bang susi angin sia male tarru’; susimoto tu naposala, belanna kamatotoranna tu napodeata.

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.

LUKAS 14:9

Anna sae tu to untambaiko sola tau iato, kumua: Lo’banganni te tau iate tu inan iatu, masiri’moko male unnala inan madiongan pissan.

1 KORINTUS 10:31

Iamoto, la iake kumandekomi, ba’tu mangiru’, la diona umba-umba misa’ penggaurammi, pogau’i tu mintu’nato situru’ tu la Napomala’bi’na Puang Matua.

1 PETRUS 5:5

Susi duka kamu, e to mangura, la tundukkomi lako mintu’ penatua sia la situndu-tunduangkomi sola nasang umpotambeke’ kaumpamadiongan penaa; belanna Nabali Puang Matua tu to matampo, apa Napa’kamasean tu pa’kamasean lako to madiongan penaanna.

KADA OMBO’ LAKO RASULU’ YOHANES 14:8

Denno tu senga’na pole, undi urrundu’i, iamotu malaeka’ ma’penduanna anna ma’kada nakua: Mangsanmo, mangsanmo tu Babel, tondok kapua, belanna mangka napairu’ uai anggoro’ kamoraian gau’ salana tu mintu’ bangsa.

KADA OMBO’ LAKO RASULU’ YOHANES 16:19

Na tondok kapua iato piak tipa’tallu, sia ro’pok tu tondokna mintu’ bangsa, sia iatu tondok Babel kapua iato tae’ anna dikalupai dio oloNa Puang Matua, naurungan diben irusan uai anggoro’, iamotu kamaparranganna kasengkeanNa.

KADA OMBO’ LAKO RASULU’ YOHANES 17:5

sia dio kidena den sanga misa’ disura’, iamo rasia: Tu Babel kapua, indo’na gau’ sala sia sanda kadake lan lino.

KADA OMBO’ LAKO RASULU’ YOHANES 18:10

anna bendan mambela belanna ungkataku’ kadipakario-rioanna sia ma’kada nakua: A’a, a’a tondok Babel kapua, sia tondok matoto’! sangte’te’ri anna saemo tu ukungan urrampoiko.

KADA OMBO’ LAKO RASULU’ YOHANES 18:21

Naangka’mi misa’ malaeka’ mawatang tu misa’ batu susi rupanna batu pangrissoan, napempa’nakanni tama tasik nama’kada nakua: Tete dio pepa’nak susite, na iatu Babel, tondok kapua la tipempa’nak, sia inang tae’mo anna dikita len.