DANIEL 4:27 - Sura' Madatu

²⁷ Iamoto, e datu, lala siai manii naala penaammi tu pa’pakilalangku kumua puttaimi tu kasalammi tete dio kamalamburan sia puttaimi tu kakelokammi tete dio ungkamasei to makario-rio, dennoupa’ anna dipamalambe’ tu karapasan dio kalemi.

DANIEL 4:27 ပူးပေါင်းရင်းမြစ်များ

KADADIAN 11:4

Sia nakuapa: Maikomi anta bangun misa’ tondok sia misa’ menara tu la sumpu langan langi’ tu lolokna; susimoto la tanii unggaraganni tanda kalelean tu kaleta, da anta sisarak-sarak lan te lino.

1 DATU 21:29

Mutiromoraka, kumua iatu Ahab umpamadiongan kalena dio oloKu? Belanna umpamadiongammo kalena dio oloKu, iamoto natae’ angKu la umparampoi kamandasan ke tuopi, sangadinna angge tuonapi anakna muane, Kumane umparampoi kamandasan tu bati’na.

PA’PUDIAN 119:46

Sia tang masiri’na’ umpokada mintu’ kasa’biamMi dio olona mintu’ datu.

SARAMBU PEADA’ 11:2

Iake saei tu kamatampoan, la sae duka tu siri’, apa iatu to umpamadiong penaanna narondong kakinaan.

SARAMBU PEADA’ 16:6

Iatu kakelokan napa’dei pa’kaboro’ sia kamarurusan, sia bannang dio kamatakuran lako PUANG, anna toyang tu tau dio mai kakadakean.

SARAMBU PEADA’ 28:13

Minda-minda tu ussamboi kapatodo-tintinganna, tae’ nala maupa’, apa minda-minda unnakui sia umboko’i la ungkabu’tui kamaturu-turuan.

YESAYA 10:13

Belanna nakua: Diona kamawatanganna kalena limangku, sia diona kamatarrusangku angku pogau’i susito, belanna unnampuina’ tangnga’ kinaa; iamoto angku lampi’i tu katonan padangna tau, angku rampai tu mai barang apanna sia butungna’ to tedong lampung laki ussembangi tu pa’tondokan.

YESAYA 47:10

Apa urrannuangko kakadakeammu, mukua: Tae’ misa’ tau untirona’. Kamatarrusammu sia kapaissanammu umpapusako, muurunganni ma’kada lan penaammu susite, kumua: Aku mannari, tae’ to senga’ umpadanna’.

YESAYA 47:8

Na totemo perangii te, e iko to passolle’, tu tuo manaman, ammu ma’kada lan penaammu susite, kumua: Aku mannari, tae’ to senga’ umpadanna’; inang tae’ angku la balu, ba’tu untandai tu kasisayuran anak.

YEREMIA 29:7

Dakaranni kamanamanan tu kota Kunii umpali’komi, sia passambayanganni lako PUANG, belanna lan kamanamananna la minii duka manaman.

YEREMIA 38:20

Nakuami Yeremia: Tae’ nala umpogau’i tau iato mai lako kalemi, sangadinna la mituru’ tu kadanNa PUANG, tu kuparampo lako kalemi, na iake susito, la salama’komi sia tuo mana’pakomi.

YEHEZKIEL 18:7

tang umpakario-rio tau, umpasulean apa napa’pentoean to kaindanan, tae’ namangrampa, naben rotinna tu to topo sia napaluangi tamangkale tu to ma’kambelang,

YEHEZKIEL 29:3

Ma’kadako mukua: Inde sia tu kadanNa Puangta PUANG, Nakua: Manassa la Kulaoiko, Firaun, datu Mesir, ikomo naga mawatang, sumpandan lan tangnga messarakna salu Nilmu, tu ma’kada kumua: Aku puangna tu messarakna Nilku, sia aku kalena umpadadianni kaleku.

YEHEZKIEL 29:9

naurunganni mempadang lo’bang sia daun-lauan tu tondok Mesir, anna tandai tau iato mai kumua Akumo tu PUANG. Belanna mukua: Aku puangna tu Nil, aku kalena umpadadii,

YOËL 2:14

Mindara unnissanni, den sia manii upa’ anNa sule sia menassan sia untampe pa’kamasean dio boko’Na, la dipokande dipemalaran sia pemala’ pantedok lako PUANG, Kapenombammi.

AMOS 6:13

E kamu, tu umposende Lodabar, tu ma’kada kumua: Tang kamatotorantaraka anta taloi tu Karnaim?

YUNUS 3:9

Mindara unnissanni den sia manii upa’ natibalik tu Puang Matua sia menassan, anna pasalai penaa tu kasengkean dukkunNa, naurunganni tae’ anta sanggang.

HABAKUK 1:11

Tarru’ bang susi angin sia male tarru’; susimoto tu naposala, belanna kamatotoranna tu napodeata.

ZEFANYA 2:15

Iamote tu kota kasode-sode bang, tu tang untandai kamasussan, tu ma’kada lan penaanna nakua: Aku mannari, na moi misa’ tae’ tu senga’na. Umba nakua anna mempadang lo’bangmo, sia napoinan kapelayoan olo’-olo’ masuru! Minda-minda lendu’ inde to dio mai la ma’uik-uik untelle-tellei sia nadullu-dullu.

MATIUS 3:8

Iamoto dadi pasombomi tu bua sitinaanna katobaran.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

PENGGAURANNA RASULU’ 24:25

Apa iatonna uleleanni Paulus tu diona kamalamburan sia diona kauntaloian kale sia iatu kadipaolaian salu, mataku’mi tu Feliks, nama’kada nakua: Da’ito laomoko, nadennopa palambi’ku kutambaiko.

PENGGAURANNA RASULU’ 26:20

sangadinna kupa’peissanan dolo, nala lako to dio Damsyik, nala dio Yerusalem sia dio mintu’ tana Yehuda, susi duka lako to kapere’, kumua anna mengkatoba’ sia sule lako Puang Matua anna umpogau’ penggauran sitinaya katobaran.

PENGGAURANNA RASULU’ 8:22

Iamoto mengkatoba’ko dio mai tu kakadakeammu, sia massambayangko langngan Puang, dipa’dei sia manii tu kasalan natuntun penaammu.

2 KORINTUS 5:11

Tu belanna kiissan tu diona ungkataku’ Puang, iamoto angki ada’i tu tau anna ma’patongan, apa lako Puang Matua inang payan bangmokan, kurannuan angki payan duka lan sukaran inaammi.

GALATIA 5:13

Belanna kamu te, e sangsiulurangku, mangkamokomi ditambai la dipopentorro to makaka, apa iatu katorro-tomakakan iato da mipannii pa’posanganna pa’poraian kale, sangadinna pantan sikaritutuangkomi tete dio pa’kaboro’.

GALATIA 5:22

Apa iatu mai buanNa Penaa, iamotu pa’kaboro’, kaparannuan, kamarampasan, pesuka’ kalando, kamasokanan, kameloan, kamarurusan,

GALATIA 5:6

Belanna iake sirapumoki’ Kristus Yesu, la umpogau’ ba’tu tang umpogau’ sunna’, tae’ kuasanna, sangadinna kapatonganan tu napakedo pa’kaboro’.

EFESUS 4:28

Iatu to bokoan, da’mo naboko, sangadinna melo ke masara’i umpatangmari’pi limanna ungkarangi tu pengkarangan tang dipa’gagainna, anna den apa nabenni tu to tae’.

PA’TOLE 24:13

Sangadinna la mupasulean tu apa napa’pentoean, ke lambunni allo, kumua napennammu’i tu bayu lamba’na, ke mamma’i, anna passakkeko. Iamoto tu la mupomalolo dio oloNa PUANG, Kapenombammu.

PA’TOLE 32:27

iake tae’mi Kukataku’i tu kauntunaianna uali, kumua iatu to umbali-bali ma’tangnga’ sala, anna ma’kada nakua: Iatu limangki tarompo’, tangia PUANG unggaragai te mintu’nate.

PA’TOLE 8:17

Da muma’kada lan penaammu, mukua: Kamawatangangku sia kamatotoranna limangku, anna pabu’tuanna’ tu ianan iate.

1 PETRUS 4:8

Iatu ma’iringanna tongan la siala masekomi, belanna iatu kasiala-masean ussamboi kasalan makamban.