DANIEL 4:22 - Sura' Madatu

²² Iatu kayu iato, kamu bangsiamo datu, tu kapuamo sia matoto’; iatu kataromposammi sakerangngan-rangnganna, naurunganni sumpu langngan langi’ sia iatu kadatuammi sae lako randan langi’.

DANIEL 4:22 ပူးပေါင်းရင်းမြစ်များ

KADADIAN 11:4

Sia nakuapa: Maikomi anta bangun misa’ tondok sia misa’ menara tu la sumpu langan langi’ tu lolokna; susimoto la tanii unggaraganni tanda kalelean tu kaleta, da anta sisarak-sarak lan te lino.

KADADIAN 28:12

Mangimpimi den misa’ eran bendan lan lino sumpu langngan langi’; natiromi, ba’tu pira-pira malaeka’Na Puang Matua lu langngan lu dao mai eran iato.

2 SAMUEL 12:7

Nakuami Natan lako Daud: Puangku bang siamo tu tau iato! Susite tu kadanNa PUANG, Kapenombanna to Israel: Mangkamoko Kutokko dadi datunna to Israel sia Kurampanangko lan mai limanna Saul.

2 OSSORANNA DATU 28:9

Apa den dio tu misa’ nabinNa PUANG, disanga Oded. Malemi tu Oded umpessitammui surodadu, tu male lako Samaria sia ma’kada lako nakua: Manassa belanna kare’dekanNa PUANG, Kapenombanna nene’ to dolomi, lako Yehuda, Nasorongi tu tau iato mai tama kuasammi, apa mipasiapanan mipatei situang kamasa’garammi, naurungan sumpu langngan langi’ tu sarrona.

PA’PUDIAN 108:4

O PUANG, la kupudiKomi lan lu mintu’ bangsa, sia la umpakendekna’ pa’pudian mati’ lan lu mintu’ to sangpetayanan.

PA’PUDIAN 36:5

Untangnga’ bang kabulitukan diong dali’ patindoanna, anna ola lalan kadake, sia tae’ narampananni tu kakadakean.

YEREMIA 27:5

Akumo tu mangka umpadadi lino sia mintu’ tolino sia olo’-olo’ dao kuli’na padang tete dio kamatotoran kapuaKu sia takia’ tiangka’Ku, la Kupa’kamasean lako minda-minda tu naala penaangKu.

YEHEZKIEL 17:3

sia ma’kadako kumua: Inde sia tu kadanNa, Puangta PUANG Nakua: Den misa’ langkan maega kapua, mawatang pani’na, malinta’ pettia’na, makamban bulu pani’na sia ma’rupa-rupa, ta’pa dao Libanon, anna ala lolok kayu arasi’.

DANIEL 2:21

Ia duka umpopembali pentaunan sia attu. Ia untassu’i datu, Ia duka unnangka’i, Ia duka ungkamasei kakinaan tu to kinaa sia kapaissanan tu to paissan.

DANIEL 4:11

Iatu kayu iato kapua sia mawatang, iatu ma’layukna tu’tun dao langi’ sia payan ditiro lako mintu’ randan langi’.

DANIEL 4:21

Iatu daunna maballo sia tarri’ tu buanna, iamoto napokande mintu’ angge menono’, sia napentionganni mintu’ olo’-olo’ dao kapadanganna sia iatu tangkena napopembuyan mintu’ manuk-manuk dao lu langi’.

DANIEL 4:29

Iatonna lendu’mo sangpulo dua bulanna, sumalong-malongmi tu datu dao bubungan marantena tongkonan layuk kadatuanna dio Babel.

DANIEL 4:36

Attu ia bangsiamoto natibalik sule tu tangnga’ kinaangku, sule dukami lako kaleku tu kapayungangku sia kamala’birangku, anna tarompo’ tu kadatuangku; sae pole’omi umpennoloina’ tu mai pebangun ada’ku sia to ma’parentaku, sia diangka’mo’ sule tama kadatuangku, ondongpi mandu pole’ ia tu kamala’biran dikamaseanna’ anna dolona.

MATIUS 14:4

Belanna mangkamo ma’kada lako Herodes tu Yohanes nakua: Pemali ke mipobainei.

KADA OMBO’ LAKO RASULU’ YOHANES 18:5

belanna ma’tombon-tombonmo sumpu langngan langi’ tu mintu’ kasalanna, sia Nakilalaimo Puang Matua tu mai kakelokanna.